2018林村許願節

新正頭好去處 2018林村許願節活動預覽

生活品味

車公廟、黃大仙、大埔林村呢三個地方,一到新正頭都會有好多市民爭相前往祈求新一年會萬事順景。當中林村許願節每年都有不同表演,小食攤位,仲有別出心裁嘅新春巡遊花車都會喺林村廣場一一展現!不妨可以一家大細去參與呢個咁有特色嘅活動!

text – Cowboyz 圖片- IG香港許願節facebook

2018林村許願節活動

拋寶牒

話明林村許願節,當然離不開為人所熟悉嘅祈福儀式拋寶牒,只要將願望寫在寶牒上面,然後將寶牒綁上桔子(現在改為膠桔),誠心祈禱後掟上許願樹而成功掛喺樹上面即係代表願望即將成真!

祈福蓮花燈

通常大家見到蓮花燈都係長輩WhatsApp group入面,其實流放蓮花燈亦都是傳統祈福儀式,大埔林村都有許願池放燈,讓願望隨水運轉。

新春花車展覽

大年初一晚新春巡遊花車,一如以往會喺林村許願廣場作公開展覽,如果Miss咗當晚冇睇嘅人可以去林村慢慢欣賞。

攤位小食

根據以往林村許願節攤位經驗,小食絕對唔會令遊客失望!好似大埔漁村秘製的海產如燒金蠔、原條魷魚廣獲好評,所以許完願唔急,掃晒先好走!

交通事項

由於林村一帶道路較為窄,而林村節又非常多人參與,所以每年警方都會在林錦公路實施交通管制,奉勸駕車人士喺呢個繁忙時段最好改搭公共交通工具,否則天黑都入唔到去玩!

日期:2月16號- 3月4號 年初一至年初四及十六、十七開放時間為09:00-21:00;其他時間為09:00-19:00
地點:大埔林村鄉公所路林村許願廣場

有什麼餐廳適合慶祝生日或週年紀念?

香港其實有很多特色餐廳,即睇:打卡餐廳Cafe推介海景餐廳推介香港酒吧高質推介,適合打卡,又是情侶拍拖、慶祝生日、紀念日,甚至閨蜜聚會的好去處!

有什麼拍拖好去處推介?

情侶約會可以去這拍拖好去處,既玩味又能滿足女生愛打卡的要求。在特別日子到影相好去處拍照留念都是很好的選擇!另外也可到Art JammingTufting,最後可以去按摩店放鬆身心。

你可能也喜歡

Recommended