為母則強

婚嫁企劃


有時不得不認老,尤其看見時下的年青人,才十多歲拍了兩個月拖就話愛情大過天,以老公老婆相稱,又話至死不渝一生一世,可以的話他們或許會即時跑去簽字結婚,我當然明白這是一般男女熱戀的行為,不過作為長輩,總覺得太認真了吧,要知道一段長久的婚姻關係,除了愛情,還包括忍讓、包容、體諒、遷就、犧牲、信任等等,才可以成就真正的天長地久。而且於我眼中,覺得愛情其實很微不足道,因為生了孩子的女人都會知道,原來「愛」可以大得超乎想像。

身邊多了很多媽媽朋友,大部分都因孩子而改變,從此生命不再一樣。
其實一開始,我是因為「愛情」而決定生孩子的(雖然極度怕痛又完全不喜歡BB,但老公想要自己的孩子,我也覺得應該一盡老婆的責任),但生了之後,才發現原來一生人最愛的不是老公不是阿爸阿媽不是自己,而是個仔。對於向來有公主病的我,從來都不知道原來愛一個人可以愛到完全忘我,無論多污穢多變態的事也會做:早前囝囝腸胃炎,經常肚痛肚痾,每一次我都會擔定凳仔坐在囝囝面前「陪痾」,一直對此事也不以為然,後來回想才覺得世間上還有誰,可以令我無條件自發性地「陪痾」,到最後還要看看他的大便狀態,甚至不介意索一索其氣味,以知其健康狀況,很變態很嘔心吧,但所有媽媽都覺得是理所當然的事呀。

又有一次,跟囝囝面對面睡,突然他打了一個呵欠,在不足一吋的距離下張大口,我即時在想,換轉是老公,我一定別轉了頭,就算不好意思,也一定會閉氣吧,但那一刻,我變態到大力索了一下,吸吸他的口氣。
由於囝囝貪靚到死,又怕熱又怕曬,愛公仔而不玩車仔,朋友都問假如他朝發現囝囝是「攣」的怎算,坦白說:我真的不介意,假如他活得開心自在,我是不會理會他的性取向的。


其實放暑假以來,最開心的不是囝囝,而是我,因為每朝要七點爬起床,對於我是一件非常匪夷所思的事,大學時逢早堂必走,就連搵工,起初也是貪做記者不用朝九晚五著suit返工,但為了囝囝,無論多累都一定起來親自送他上學。今天囝囝開學了,我又開始早起的生活。
早前在微博見有網友寫道:「為母則強!做了媽媽後,發現沒有什麼事是不行的!」簡直是說出心底話呀。

原來活了三十多年,才知道甚麼是真正的「愛」,基本上沒有任何人任何事是可以凌駕於囝囝之上,假如有日上帝要我拿我的心愛高跟鞋換囝囝的快樂,請立即取走我所有高跟鞋;又有一日上帝要我變二百磅換囝囝的智慧,也完全沒問題,最多我買過晒啲衫。

有人認為不應對仔女太著緊太上心,終有一日他會有自己的生活,他會愛上別人,不再是整天黏著媽媽的小孩子。我當然有了心理準備,知道很快的將來,他不會再跟著我去這裡去那裡,也從沒想過將來要他回報甚麼,也明知道到最後他最愛的一定不是我,也無所謂,這也是一般愛情跟母愛的分別,愛情是有要求要回報的,但母愛卻是單方面的付出。
上星期,我在家發脾氣罵了老公幾句,然後走了入房,老公跟囝囝說:「你媽咪又發脾氣啦!」囝囝若無其事邊扮打字邊跟爸爸說:「但係…媽咪一見到我就開心晒啦!」

開始需要籌備婚禮要留意什麼?

首先,要訂一個結婚的好日子,即看2024結婚好日子; 訂好後就可以開始看婚戒及場地,即看人氣婚禮場地推薦;之後再可以開始看看婚紗,詳情請看

婚禮開支要預幾多?最新人情公價又是幾多?

首先,我們可以留意婚禮籌備超實用規劃Checklist,看看還有什麼需要準備。之後再看準新人必學11大節省貼士。最後,就是留意最新的人情公價

你可能也喜歡

There are 11 comments

Add yours
  1. Jovi

    Hi Michele, 係呀..母愛係好偉大…所以我有時都好矛盾,有時見到家姐既小朋友好得意,佢kiss你一啖,便會覺得好sweet,有時見到d小朋友病,又覺得湊佢地好辛苦,真係唔想攞苦黎辛,可能大個左之後仲會對你呼呼喝喝都唔定..如果係,個心真係好難受..所以生唔生仔,我真係15/16呀..好矛盾呀..

  2. Annie

    Agree….我唸係身為媽咪先體會/感受到, 雖然有些daddy都會咁, 不過我唸由於母愛可以大到人地唸唔到, 有些事我相信10個daddy有9個都未必做到/肯做,而家做咗人媽咪先知原來揍大一個baby真係唔容易, 唔計$, 剩係嗰種掛心已經好倦, 尤其是baby病咗, 真係會茶飯不思嫁, 所以一定要孝順父母, 原來佢地係咁辛苦養育我地嫁

  3. elaine

    都打算生係因為年纪问題….再唔生就冇得生。自己其实係钟意BB,又想有自己骨肉…一條蟲加隻蛋就有個B,真係好wonderful……但有時星期日瞓到1200時會突然諗…….WAH!如果有咗B,奌可能咁!加上我和先生父母都年邁,有B一定要請賓, 有B有賓又要搵間大的屋…好煩! 想轉工, 但如果想有B又唔可以轉住…真係好煩!!!!
    BTW, 有乜方法容易的有B….计劃要B超過半年都未有驚喜!

  4. Peggy

    有左阿仔之後~真係好多野都估唔到自己會有d咁大轉變~hahaha~肚柯聞臭臭~仲要睇下係咩情況~我嗰時都係咁~仲有影得相添~因為去睇醫生~可以比醫生睇下~

    有時比個仔d野激死~轉頭佢走埋黎kiss你~真係咩都唔記得晒~

  5. Pig Mom

    very touching, totally agree with what you have written. My son is my forever no. 1 in my heart. And, I don’t mind to smell his feet no matter how sweaty and smelly they are.

  6. Hilda

    totally agree, 完全令我又喊又笑, 我自己都冇想過可以為佢地做出咁多想像唔倒的事, 上星期我為妹妹飲奶時, 佢飽飽地就開, 可能太多我又唔留意之下攪都隻手都有, 但當時有人可以幫倒我, 只有硬著頭皮去洗洗抺抺, 真係只要佢地健康快樂, 放棄什麼都可以!

  7. michellelau

    Hi Jovi,
    我可以好肯定話你聽, 小朋友帶俾你既快樂, 係可以完全cover個d犧牲, 而且到時你就唔覺係犧牲架啦.

    Annie,
    沒做過媽媽, 永遠不會明白媽媽的心情, 係呀, 我都覺得母性是天生的, 一定比男人更上 心.

    elaine,
    如果你都鐘意小朋友, 咁就一定要生啦, 你愈考慮得耐就只會愈唔想生, 因為你只係見到負面野, 而未真係感受到個種幸福快樂, 的確, 生了小朋友後, 一定再不會有”自然醒”這回事, 但到時係你爭住起身同佢玩呀.
    唔好俾自己咁大壓力, 我都冇避成年先有, 順其自然啦.

  8. michellelau

    Peggy, Pig Mom, Natalie, Hilda,
    你地都係媽媽, 一定明我講咩啦, 有時諗真係好神奇,原來愛可以大到咁, 而家我會好尊重每一個母親.

  9. SHAN

    其實未生小朋友,我既母愛已經在靜靜地蘊釀起來….
    因為一直有食開藥,如果要有bb,要停半年才可生肓,我又想生兔年(因為龍年競爭太大) 所以,因為時間關係,我選擇了結婚前半年停藥(我既代價可能是停藥後,面上會爆暗倉…….

  10. michellelau

    SHAN,
    嘩,你比我更愛小朋友,未生前,我打死都唔會肯犧牲自己個樣,我而家當然咩都得啦。
    你的付出將會得到回報既!


Comments are closed.

Recommended