王浩信陳自瑤又爆婚變？回顧二人甜蜜5件事

Source: Sunday Kiss｜Photo:微博、Instagram、新傳媒資料室、東星娛樂｜Edit: Avis

日前有報道Vincent和Yoyo的婚變消息，指Vincent憑劇集走紅後，與Yoyo及囡囡王靖喬聚少離多；另有傳二人為「追多個」小朋友的問題上未能達成共識，而Vincent更與合作拍劇的朱千雪、李佳芯和蔡思貝關係曖昧傳緋聞，令Yoyo心淡決定分開。

最近Yoyo在IG留言：「live for yourself」，令人聯想她對丈夫已心淡，日後將為自己而活。

另一邊廂，Vincent就表示日內於活動中一次過回應，但同時亦向傳媒放話，與太太關係非常穩定，叫大家放心！

王浩信陳自瑤 拍拖3年修成正果

王浩信 （Vincent）和陳自瑤（YoYo）2008年時於拍攝廣告時認識，兩人一拍即合，但由於Yoyo比Vincent大兩歲，所以當時外界不看好佢哋呢 pair姊弟戀。然而拍拖3年後，Vincent於舞台劇完場後向Yoyo求婚，更特地挑選11年11月11日11時11分完婚，所有謠言不攻自破。到今 時今日都甜到漏，真係好羨慕啊！

其實，Vincent和Yoyo在臨近結婚前，都經歷過一些波折，相信不少人也記得Vincent有不少花邊新聞，甚至曾被雜誌揭發帶model謝芷蕙 (Cammi)約會及過夜的事件，當時一度傳出Yoyo生氣得要取消婚禮。不過，二人最終決定結為夫妻，婚後一直恩愛至今，相信這就是人們所說的浪子回頭金不換吧！

長期處於「小別勝新婚」狀態

Vincent 接受訪問時話因為兩人工作繁重，見面時間唔多，長期處於「小別勝新婚」狀態，所以一見到面就會好掛住老婆，每當情人節、生日、周年紀念日等大時大節，更會把握機會同Yoyo做番 啲情侶會做 嘅事，所以結婚6年佢哋都仍然好似熱戀中咁sweet。由於Vincent放咗好多時間喺工作上面，所以唔使返工時，佢格外珍惜同老婆囡囡相處嘅時間，只要唔使拍劇就會留喺屋企陪佢哋，不時又會為老婆送上小驚喜。

留住男人個胃

唔講唔知，原來Yoyo除咗靚之外，煮嘢食都有一手！Vincent話：「太太煮嘢食好叻，家政攞好高分，呢樣亦都係佢對我嚟講好大嘅吸引力。我最鍾意食卡邦尼意粉，我同佢去過一間酒店餐廳食，佢就可以煮番出嚟，個味仲要係一樣嘅！真係好厲害！Pancake、甜品、蛋糕佢都整好多，好有天份！」

大小情人 互相呷醋

當 提到快將5歲的小情人囡囡王靖喬（QQ），Vincent顯得特別興奮，女兒果然是爸爸的前世情人。事實上，Vincent極度寵愛他的「小情人」QQ， 指以往 有時因此忽略「大情人」Yoyo，以前老婆會有少少呷醋，覺得自己被分一杯羹，當然一切都係只出於愛，好快就已經雨過天晴。同樣地，有時Vincent可 能想錫老婆時，囡囡亦都會呷醋，更試過同佢講錫媽咪之前要錫佢先。

自從囡囡出世後，Vincent更變成Family man，把拍劇以外的時間留給家庭。他笑說囡囡好聰明，「依家啲小朋友真係好聰明，佢同我年代嘅小朋友好唔同，佢開始識氹我笑，成日照顧我，搭住我膊頭 話：『今晚睇你啲戲啦！』又會成日同啲同學仔講：『今晚有我爸B啲戲啊！』幫我做宣傳，好得意啊！」

想追番個仔

Vincent 話想追個仔，湊個好字，他笑說：「不過湊仔很辛苦，但老婆品種優良，我會好好把握。」佢仲話鍾意多啲人喺屋企，有一個小朋友就要有時間教育佢、陪伴佢，呢 樣嘢同我工作有衝突，所以都要好好計劃。YoYo就希望小朋友之間年齡不要相隔太遠，不過生仔生女就要睇緣份啦。