老公爭用孕婦枕 楊洛婷 Tim懷孕期間更恩愛！

text: SundayKiss | Edit: Cherie | Photo :楊洛婷IG, SundayKiss

楊洛婷 和老公Dear Jane主音Tim 特別方式公佈BB性別

楊洛婷（Rabee’a）和老公Tim邀請了一班朋友和家人參加Party，賓客均穿著粉紅色或粉藍色的衫去估BB性別，同埋Rabee’a的腹部尺寸，估中而被抽中嘅朋友仲有禮物添！

結果Rabeea切的蛋糕係粉紅色，即係肚入面嘅BB係女仔啊！而Rabee’a的腰圍已經40寸啦！楊洛婷 預產期10月2日，再過幾個禮拜，BB就會同大家見面啦！恭喜晒！

想 Facebook 直播BB 出世

自離開TVB後，楊洛婷 主力接洽活動司儀工作，受BB帶旺之下，她亦頻頻出席活動賺奶粉錢，要完成手頭上的工作才能乖乖養胎。「我係一個工作狂，好鍾意做嘢，反而你叫我淨係坐喺屋企安胎仲唔自在，依家就算無工作嘅日子，我都會plan啲嘢畀自己做，例如出去學瑜伽、叫老公陪我游水，每晚又同我隻狗仔出去散步。」Tim的妹妹恰巧是一名瑜伽導師，現經常教阿嫂做孕婦瑜伽，有助順產。

Rabee’a未生第一胎，已期望生第二胎，希望盡快三年抱兩，所以她希望今次能順產，身體能快一點復元，對BB亦有更大益處。Tim透露好想當日拍facebook live直播BB出世，「但主要係拍我自己個樣，哈哈！」生產過程不會公開直播，但一定會陪產及拍片記錄，為「雞仔之家」留個美好回憶。

楊洛婷和Tim分別在加拿大和美國長大，性格洋化，彼此以中英文溝通，Rabee’a現時更進修普通話，變相為BB胎教。

長胎唔長肉秘訣

眼見楊洛婷都沒有走樣，外表容光煥發，身形適中，有甚麼保養心得？「我好勤力，每星期都去做針灸，主要針塊面同對腳，幫助血液循環，長胎唔長肉，我都唔想肥呀，所以會繼續做針灸。」Rabee’a懷孕未夠七個月重了十幾磅，她覺得多了一點，但這些重量或多或少來自上圍升Cup，老公最開心：「係升Cups，係豐滿咗嘅，有少少唔同嘅感覺啦，原來佢可以咁勁，老婆開心咗，我都開心。」Rabee’a稱要換過所有胸圍和內衣，她即場叫老公科水入貨，Tim笑她不要花費太多，生完就打回原形。

早前楊洛婷 和老公去旅行，穿泳衣大晒身材，並由老公親自操刀拍攝靚相！

老公爭用孕婦枕

愛妻粗身大細，Tim當然服侍周到，將於月中與Dear Jane在澳門開演唱會的他，仍每日為老婆按摩，不過睡覺就有點自私了！Tim原本體貼地為老婆購入一個C字形的孕婦枕，最後竟因攬枕太舒服自己佔用，Rabee’a笑說：「個枕可以包住條腰，打側瞓又可以攬住，等孕婦可以瞓得舒服啲，點知我瞓咗兩日就唔見咗！原來係老公用咗！」Tim笑指該攬枕太舒服，已連續攬着睡了數晚，「我好羨慕所有用緊呢隻攬枕嘅孕婦，真係好舒服，老婆頭兩日係有用，但到夜晚三四點個枕已經跌咗落床，證明佢唔係好需要啦，咁我用得唔好嘥。」

從未試過咁開心

婚後二人一直糖黐豆，Tim話老婆懷孕後笑得更多，比其他懷首胎的孕婦放鬆。「我從來未見過佢笑咁多，日日都咁開心，個人冇咁緊張，以前喺工作同處理其他事情上，佢會好細心去確保唔會出錯，有咗之後反而放鬆咗好多。」Rabee’a笑稱可能有Tim的基因在肚內，令她性格改變了，「我期待做媽媽好耐，終於得咗好開心，成日提醒自己要放鬆啲，自己心情好啲，BB都會開心啲。」 楊洛婷 亦沒有受荷爾蒙影響變得易喊、情緒波動等問題，「淨係見到靚嘅孕婦衫讚『靚到喊』，難得着靚衫影相唔使縮肚！」Tim對老婆照顧周到，經常為老婆按摩又氹她開心，令她保持開朗放鬆。

遺傳爸爸愛音樂

腹中BB的確受Tim的基因影響，對音樂特別敏感，只要一有音樂走近肚皮，BB就會不停踢肚，楊洛婷 指即使她上網睇化妝片，BB對背景音樂都大有反應！「佢聽任何音樂都喺度郁，聽到爸爸唱歌佢又踢。」

楊洛婷 粗身大細都去撐老公場，囡囡喺肚入面都俾足反應爸爸！不過二人強調不會做怪獸迫孩子學習，唯獨語言會先讓孩子多接觸，Tim說︰「小朋友頭幾年吸收得好快，自小多接觸唔同聲音、語言，之後佢選擇學習某種語言都會易上手啲。」

其實 楊洛婷 同阿tim 婚後一直都好努力造人，早早就問定一班星級媽媽姊妹團取經，更搵朋友得BB實戰，相信囡囡出世後，呢對新手爸媽湊B都應該很熟手。