長胎不長肉! 楊洛婷 懷孕 4大保養秘訣

長胎不長肉! 楊洛婷 懷孕 4大保養秘訣

2003年港姐亞軍楊洛婷(Rabee’a)加入港姐媽媽行列!兩年前Rabee’a在夏威夷下嫁Dear Jane主音黃天翱(Tim)後,一直恨做媽咪努力造人,今年終得償所願,預產期10月2日。至於仔定女,二人希望保持一點神秘感,待稍後舉行的baby shower 再公布。雖然生懷六甲,但仍然魅力過人,到底 楊洛婷 懷孕 有甚麼保養秘訣呢?
Text:Ling | Edit:Quin| Photo:Issac Poon(部分相片由受訪者提供)|Location: Blackroom By DM(tel: 9179 0667)|文章來源:SundayKISS

楊洛婷 懷孕 要少甜

Dear Jane 主音黃天翱和 楊洛婷 2014年結婚後,一直恨做父母,今年終於如願以償,十分期待新生命的來臨,更已期望生第二胎,希望三年抱兩。
Dear Jane 主音黃天翱和 楊洛婷 2014年結婚後,一直恨做父母,今年終於如願以償,十分期待新生命的來臨,更已期望生第二胎,希望三年抱兩。

距離預產期尚餘三個月,Tim和Rabee’a的心情愈見興奮緊張,因為未準備好BB物品,二人已立定決心今個月要執好屋迎接BB出世。Rabee’a自懷孕後,忙於完成手頭上的工作,又忙於向朋友取經,同屆港姐冠軍曹敏莉更做速遞上門,送上大批孕婦衫,Rabee’a說:「佢一知道我有咗就拎大袋孕婦衫畀我,好開心呀,因為當時我身形喺肥同大肚之間,好尷尬冇衫啱著,佢仲畀咗好多貼士我,之後張嘉兒都話要搵我食tea分享。」Rabee’a亦好感激兩子之母周家蔚,密密短訊她派貼士,「我哋喺WhatsApp講足幾個鐘,佢不斷教我好多嘢,身邊真係有好多朋友錫我,個個都話有問題隨時WhatsApp嚟,幫到一定幫。」多位港姐朋友的貼士最齊心是叫Rabee’a「唔好食咁多」,多吃蔬果少食甜,否則想順產的話,BB太大隻會好難生,媽媽之後又好難減,患上妊娠糖尿嘅機會又高些。

二人早前到非洲小島毛里裘斯享受babymoon,旅行前Tim無時間打點,由Rabee’a安排一切,身為「粉紅控」的她偷偷為老公購入粉紅色沙灘褲,Tim到埗後才發現,被迫要著。
二人早前到非洲小島毛里裘斯享受babymoon,旅行前Tim無時間打點,由Rabee’a安排一切,身為「粉紅控」的她偷偷為老公購入粉紅色沙灘褲,Tim到埗後才發現,被迫要著。

長胎不長肉! 楊洛婷 懷孕 4大保養秘訣

Tim和Rabee’a 皆是雞年出世,連BB 都有幸做雞年寶寶,合組Rooster Family。
Tim和Rabee’a 皆是雞年出世,連BB 都有幸做雞年寶寶,合組Rooster Family。

家族信奉回教

不過,一向不好甜食的Rabee’a懷孕後轉口味,竟然跟足老公愛上牛油果及甜品,兩口子的口味突然變得好夾,她說:「佢係餐餐都要加甜品、加雪糕,我就唔會嘅,但依家嘅我都係每餐之後要食甜品,其實唔係一件好事嚟㗎!」Rabee’a謹記好友的提醒,盡量控制食量,亦乖乖戒掉海鮮、生冷食物和凍飲,只間中淺嘗幾口雪糕。

Rabee’a今胎陀得幾舒服,頭三個月無嘔過,只偶爾未食早餐前會有作嘔感覺,所以她床邊放有餅乾,一起床就吃少許頂肚。這段時間她更愛上陳皮,食足一個月,Tim笑說:「未試過屋企長期起碼有五包陳皮stand by,架車又有。」

家族信奉回教的Rabee’a自小不吃豬肉,但沒有特別的懷孕禁忌,「我嫲嫲有時會提點我同我分享育兒心得,有咩要小心啲,有咩應該做,但懷孕後佢都冇特別嘢同我講。」Rabee’a生於香港,祖先來自北京,一代一代漸漸來到香港,家族族譜非常厚,所以她跟從家族信奉回教,但在往後嬰兒發展方面,她不會強迫孩子跟從,讓孩子自由選擇。

Rabee’a在炎夏陀B比較辛苦,會多飲水和食水果補充身體水份,她透露現時重了十幾磅,仍在正常範圍,要好好控制飲食以免過重。
Rabee’a在炎夏陀B比較辛苦,會多飲水和食水果補充身體水份,她透露現時重了十幾磅,仍在正常範圍,要好好控制飲食以免過重。

孕婦瑜伽有助順產

自離開TVB後,Rabee’a主力接洽活動司儀工作,受BB帶旺之下,她亦頻頻出席活動賺奶粉錢,要完成手頭上的工作才能乖乖養胎。「我係一個工作狂,好鍾意做嘢,反而你叫我淨係坐喺屋企安胎仲唔自在,依家就算無工作嘅日子,我都會plan啲嘢畀自己做,例如出去學瑜伽、叫老公陪我游水,每晚又同我隻狗仔出去散步。」Tim的妹妹恰巧是一名瑜伽導師,現經常教阿嫂做孕婦瑜伽,有助順產。

Rabee’a在懷孕三個月已託朋友介紹陪月,她大讚陪月懂得弄卡通點心氹小朋友,甚至餵埋狗仔,非常期待陪月為她煮大餐。不過她未打算請工人,因為Tim 鍾意唔著衫周圍走,多個人在家不太方便。
Rabee’a在懷孕三個月已託朋友介紹陪月,她大讚陪月懂得弄卡通點心氹小朋友,甚至餵埋狗仔,非常期待陪月為她煮大餐。不過她未打算請工人,因為Tim 鍾意唔著衫周圍走,多個人在家不太方便。

針灸升Cupsss

眼見Rabee’a都沒有走樣,外表容光煥發,身形適中,有甚麼保養心得?「我好勤力,每星期都去做針灸,主要針塊面同對腳,幫助血液循環,長胎唔長肉,我都唔想肥呀,所以會繼續做針灸。」Rabee’a懷孕未夠七個月重了十幾磅,她覺得多了一點,但這些重量或多或少來自上圍升Cup,老公最開心:「係升Cupsss,係豐滿咗嘅,有少少唔同嘅感覺啦,原來佢可以咁勁,老婆開心咗,我都開心。」Rabee’a稱要換過所有胸圍和內衣,她即場叫老公科水入貨,Tim笑她不要花費太多,生完就打回原形。

長胎不長肉! 楊洛婷 懷孕 4大保養秘訣

孕婦枕好入睡

愛妻粗身大細,Tim當然服侍周到,將於月中與Dear Jane在澳門開演唱會的他,仍每日為老婆按摩,不過睡覺就有點自私了!Tim原本體貼地為老婆購入一個C字形的孕婦枕,最後竟因攬枕太舒服自己佔用,Rabee’a笑說:「個枕可以包住條腰,打側瞓又可以攬住,等孕婦可以瞓得舒服啲,點知我瞓咗兩日就唔見咗!原來係老公用咗!」Tim笑指該攬枕太舒服,已連續攬著睡了數晚,「我好羨慕所有用緊呢隻攬枕嘅孕婦,真係好舒服,老婆頭兩日係有用,但到夜晚三四點個枕已經跌咗落床,證明佢唔係好需要啦,咁我用得唔好嘥。」

可能想繼續用孕婦枕,Tim對老婆不斷賣口乖,又大讚老婆懷孕後皮膚更白滑。「好咗好多,之前都好,依家直情冇乜面油、冇瘡,摸佢塊面係滑過檸檬!」怎樣滑過檸檬?似檸檬皮不是好事喎!「搽咗檸檬汁嘅地方會滑啲㗎嘛……」勉強講得過去啦!
可能想繼續用孕婦枕,Tim對老婆不斷賣口乖,又大讚老婆懷孕後皮膚更白滑。「好咗好多,之前都好,依家直情冇乜面油、冇瘡,摸佢塊面係滑過檸檬!」怎樣滑過檸檬?似檸檬皮不是好事喎!「搽咗檸檬汁嘅地方會滑啲㗎嘛……」勉強講得過去啦!

 

 

 

你可能也喜歡