小玉同學

【張晨】《「你咪係我個小玉同學囉…」,但到咗今日,呢位 小玉同學 又去咗邊度呢?》

名牌手袋配飾

【張晨】《「你咪係我個小玉同學囉…」,但到咗今日,呢位 小玉同學又去咗邊度呢?》

Text:張晨 | Photo:電影截圖、Youtube截圖 | Edit-希彤

內容由博客提供及授權轉載,不代表本刊立場

如果你曾經覺得自己係小丸子,咁你都會墮入一種幻想,
將身邊人設定成不同角色。
野口、大野、花輪、丸尾同學等等等等……

咁當時嘅 小玉同學 又係邊個呢?

最親近,最肯為你付出嗰個就係 小玉同學 。

你曾經都將佢代入小玉嗰樣,
望住佢傻笑咗一下。

但你發現,呢個小玉同學嘅角色原來不斷轉變。
隨住暑假後、畢業後、上班後、離職後……

冇一個 小玉同學 ,可以共行到尾。
好多人,包括你自己,都喺人生路上不斷重複一件事 - 「分道揚鑣」。

我成日都諗,點解大部分兒童動漫嘅主角,永遠唔會長大,
小新除咗啲外傳故事,永遠讀緊幼稚園、大雄都總係小學生。

或者作者都知道成長就伴隨變化,
而變化總帶嚟遺憾。

廿年後嘅小新再冇同風間聯絡;三十年後嘅大雄同技安形同陌路。

小學嘅 小玉同學 ;同中學嘅 小玉同學 ,根本已經轉了人。

當年嘅 小玉同學 ,
由無所不談,到「今日天氣唔錯」,係感情上最傷感嘅變遷。

但再諗深一層,雖然同佢中間走入咗唔同隧道,
不過人生路上數十年,總有啲目的地,你哋會再相遇。

而且你發現,雙方好少再傾閒偈,只係一去到啲「大事」,雙方都係義不容辭。

 

小玉同學 即使唔再同班,但心入面重視你嘅火花,卻還未燒盡。

 

你可能也喜歡

Recommended