袁文傑

《不懂撒嬌的女人》 袁文傑 關心動物權益大暖男

娛樂資訊

無綫劇集《不懂撒嬌的女人》熱播,除咗一眾女演員之外,飾演大老闆游生,亞視出身嘅 袁文傑 同樣受人注目。劇入面嘅游生非常霸氣,連Mall姐都要忌佢三分,但係現實中嘅 袁文傑 其實係個關心動物權益嘅大暖男!

Text:Sunday Kiss | Edit: 希彤 | Photo: 袁文傑 Facebook﹑Sunday Kiss

《不懂撒嬌的女人》 袁文傑 關心動物權益大暖男

無綫劇集《不懂撒嬌的女人》入面,飾演大老闆游生嘅 袁文傑 非常霸氣,劇集入面嘅佢不時有去泳池游水嘅戲份,45歲的他身型保持得非常好,吸引一眾網民熱烈嘅討論。而現實中嘅 袁文傑 經常喺Facebook share 關懷動物權益嘅資訊,呼籲大家要愛護動物。

唔食魚翅鵝肝

魚翅嘅製作方法殘忍, 袁文傑亦曾在Facebook share咗關於處理魚翅嘅影片,呼籲大家唔好食,因為「沒有求,也不需供了」。除咗魚翅, 袁文傑 前幾年都分享過世界反鵝肝日嘅資訊,佢就話「沒有這樣兇殘的品味!弱肉強食的世界,要殺,但不要有折磨的過程,不要扭曲其天性!」

動物園囚禁動物殘酷

好多人鍾意去動物園睇動物,但係動物被人囚禁喺動物園其實係剝奪緊佢哋嘅自由。 袁文傑 就覺得動物園囚禁動物嘅行為好殘酷,我哋去動物園睇動物其實係好殘忍嘅事,只係大家扭曲咗當咗係理所當然。

呼籲停止參與馬戲團活動

除咗被囚禁喺動物園嘅動物之外,馬戲團入面表演嘅動物更加悲慘。係馬戲團精彩嘅表演背後,表演嘅動物受到慘絕人寰嘅虐待。 袁文傑 分享過一宗關於係美國夏威夷馬戲團入面表演嘅大象失控攻擊馴獸師致死嘅意外,佢認為造成意外嘅兇手其實係人類自己,呼籲大家停止參與所有馬戲團活動。

呼籲停止皮革象牙買賣

袁文傑 亦都呼籲大家唔好買賣象牙同皮革,象牙傷害大象,而皮革品嘅製造過程更加係慘不忍睹。

支持領養不棄養

袁文傑 亦都好關注寵物,佢經常分享關於繁殖場嘅慘況,呼籲大家要領養而且唔好棄養寵物。

戒飲牛奶

袁文傑 亦表示自己戒咗飲牛奶,好多人都唔知原來牛奶嘅製造過程都好殘忍, 袁文傑 仲話牛奶係牛飲嘅,對人類冇益處。只要係傷害動物做成嘅產品, 袁文傑 一併拒絕,果然係愛心爆棚嘅暖男!

愛心暖男名草有主

袁文傑 原來早已名草有主,他和1995年落選港姐,Jackeline姐姐張潔蓮交往6年幾,非常恩愛。

有什麼Netflix、Disney+推薦及必睇劇集?

為大家整理一下截至目前為止小編追過的Netflix影集清單,必睇Netflix電影或劇集片單;Disney+方面,則可以一看電影片單推介

有什麼必睇劇集?

不少美劇都被稱為神劇,小編整合了一系列必看美劇推介。當然,不少得韓劇陸劇台劇BL劇推薦。

你可能也喜歡

Recommended