如果你屋企廁所在西南…… 夜晚你…..

網誌
7

今天早上有個人客打俾我,話啱啱睇完東周刊 – 李丞責師傅的專欄:「話屋企廁所避免開在西南、或東北位。 唔知咩卦《坤卦》乜卦《艮卦》,產生土尅水的現象,對家中眾人皆不利。」剛巧人客洗手間就係家中的東北位,問我點算?

我就告訴他:「 因為你的廁所好光猛,不用太擔心。」

人客就問,點解個兩個位唔好?我就答:從奇門遁甲去看,西南位是死門;

從六壬去看,有太常在 《注喪事的一顆星-亦即是黑白無常》;

從太乙神數去看, 西南有鬼宿、井宿星。

總括嚟講,西南及東北是鬼門關的出入閘口。如果西南位氣場不好,又或者有個井、廁所係度,好大機會惹鬼、或者家宅運不好。

人客八卦又問,咁個「井」同「鬼」有乜關係?

我就答:其實睇「貞子』都知啦!

因為「水」陰氣重,係藏陰嘅好地方。加上用『太乙神數』- 星像來計算,在地球的西南方位,宇宙有一組星《鬼宿、井宿》,是長期比黑氣/陰氣覆蓋住,所以認定西南方是一個不好的位置,而奇門遁甲就稱它為「死門」。

其實現今社會,邊有咁多「井」啞,所以《水箱》或者《馬桶》就係藏陰嘅好地方。

咁廁所系西南位,就一定有鬼?

咁要風水上,外圍環境來配合起來才會產生極重的陰氣。但在古時,屋外西南位有個井,好大機會這房人財運不理想。又或者大家可以考究一下,「珍妃井」在紫禁城那一個方位?而且點解「珍妃」要係個個井跳落去。

咁如果間屋個洗手間係西南位,有咩解救方法?

儘量保持廁所清潔;用完廁所要冚蓋; 洗手間要常常關門。洗手間內的設計要用光良的顏色;亦要開一點燈。咁就可以化解負能量了。

但半夜三更唔好一邊照鏡,一邊同鏡𥚃嘅自己講嘢。因為鏡可以是鬼門關的出口!

你可能也喜歡

Recommended