袪濕

肥胖浮腫、白帶多可能是濕氣重!必飲3款湯水 袪濕 水腫

女性健康

最近天氣濕濕笠笠,都真係令人周身唔舒服,見朋友仔介紹左依款 袪濕 茶 ,見簡簡單單咪又買材料煲下。 袪濕 排走身體入面嘅濕氣,人都醒神啲啦!

Text:小小豬的成長日誌| Photos:小小豬的成長日誌

8招判斷自己體內是否有濕氣

濕邪是現代人健康的最大敵人之一,10個人裡有八九個人有濕邪潛伏,很多人的病都跟「濕氣」有關。如果你也有以下症狀,就要喝接下來介紹的3款袪濕 湯水了!

1. 痰多

2. 全身乏力

3. 口水多

4. 肥胖浮腫

5.女性白帶多

6. 起床時特別疲勞,頭發昏,打不起精神來

7. 如廁時大便較粘,溏軟不成形,顏色發青

8. 如果舌苔白厚,看起來滑而濕潤,則說明體內有寒;如果舌苔粗糙或很厚、發黃髮膩,則說明體內有濕熱;如果舌質赤紅無苔,則說明體內已經熱到一定的程度傷陰了。

必飲3款健脾 袪濕 湯水

1. 健脾 袪濕 雲苓白术扁豆衣茶

煲新涼茶我當然先問一問相熟那位藥材店店員先,佢話依幾款都係啲性質較平和嘅袪濕料,都係有健脾益胃及 袪濕 嘅作用,所以都好啱依家天氣飲用。到左夏天我地成日出入冷氣房,都一樣好啱飲,因為成日涼冷氣都會令人體積左好多濕氣。

材料:

材料只係需要雲苓、白朮、扁豆衣、白芍、抱心伏神及蜜棗兩粒,藥材份量方面你同藥材店職員講大約幾多人飲用,佢就會幫你執份量啦~

做法:

將所有藥材浸洗備用~

於煲內準備12碗水份量,然後加入藥材~

待水滾後,轉慢火加蓋煲一小時~

大約煲埋有6杯左右份量,待涼後就可以入樽放在雪櫃,因為雪凍左好飲好多呀~

其實依款涼茶又真係冇乜味道,加上又有少少藥材味,所以小小豬都唔多願意飲,所以俾小朋友飲用就要有心理準備要威迫利誘先呀…哈哈哈。但其實我又覺得唔係咁難飲呀,只係一杯有味嘅水咁啦!

2. 滋潤 祛濕 無花果雪梨薏米水

無花果我多數用嚟煲湯,用嚟調味為主。不過原來用嚟做主角都一樣係好正,因為無花果係好有益,可以補血氣、強體質、滋潤喉嚨、幫助皮膚鎖水、祛水腫 同埋潤腸減少便秘。

無花果再加埋雪梨就夠晒滋潤,再加埋薏米一齊,就可以有埋祛濕同祛水腫,真係飲完可以即刻潤返晒,飲完仲唔即刻靚返晒。

材料:

雪梨4個、無花果6粒、生薏米及熟薏米各半碗~

做法:

平時我煲湯就用普通細細粒嗰啲無花果,不過我今次就買左大大粒嗰啲土耳其無花果,咁煲出嚟嘅味道就會甜啲,咁就可以連冰糖都唔洗加呀~

生熟薏米先浸1小時;無花果略沖洗後切開一半(咁就可以易啲出味);雪梨去芯切件~

煲內放入3L水,然後將所有材料加入煲內~

待水滾後,用大火加蓋煲約15分鐘~

然後轉慢火加蓋煲多一個鐘~

煲好之後就可以試下味,如果有需要就可以加少少冰糖調味。不過我就覺得只係用無花果都夠甜,所以就冇加冰糖都好好飲~

有小小豬鐘意飲嘅雪梨水,加上味道又甜甜地,依隻豬仔都好鐘意飲呀~

除左滋潤之外,平日食得多熱氣嘢、捱夜或睡眠不足(即係我啦),都好啱飲呀!

3. 健脾化濕 雲苓蓮子薏米南豆黃瓜湯

其實大部分材料我都有少少認識,雲苓有健脾祛濕嘅功效;蓮子就可以清心醒脾,補中養神,健脾補胃;薏米就唔洗講都知係袪濕良方啦!只係南豆嚟講就有啲陌生,原來南豆又叫做南扁豆,對健脾益氣、化濕消暑都好有幫助,所以如果唔鐘意赤小豆及扁豆嗰個重豆味時,可以改用南豆,因為功效都係差唔多呀!依幾樣藥材加埋個黃瓜一齊煲,就可以健脾化濕補氣,最重要係煲出嚟白雪雪又有甜甜地,小小豬應該會鐘意。

材料:

材料都唔算係好多,豬肉眼$40、黃瓜1個、蜜棗4-5粒;雲苓、蓮子、薏米、南豆,藥材份量方面你同藥材店職員講大約幾多人飲用,佢就會幫你執份量啦~

做法:

瘦肉洗淨汆水備用,藥材就浸洗一陣~

黃瓜去籽切塊,切大舊啲都唔怕,因為太細煲完湯就冇得食啦~

煲內放約3L水,水滾後放入所有材料~

待再次滾起時,先繼續用大火煲約15分鐘~

然後加入黃瓜~

用大火煲約15分鐘,再轉慢火加蓋煲1.5小時~

廣告

最後加入少少鹽調味,就可以飲啦~

千其唔好漏左啲黃瓜,煲過湯嘅特別好味,簡直係我至愛呀~

今次終於唔洗三催四請,小小豬自動自覺拎碗湯嚟飲,仲要求我下次再煲依款湯添。得佢咁支持我緊係開心,所以都要去執多幾份材料,煲多幾次俾佢飲先得呀!

 

溫馨提示:由於材料都涉及藥材成分,所以係好因應個人體質,大家記得煲之前了解下自己,或者問下相熟中醫/藥材店職員,呢個湯料啱唔啱自己呀!

如何改善經痛?

相信不少女性除了有經前症候群外更受經痛影響,中醫推薦經期保養湯水,有助補氣活血、益腎暖宮。除此之外,使用人氣暖宮貼都有效改善經期不適。經後調理一定不能忽略,學會補血食療,每個月都能過得輕鬆!

有甚麼補身養顏方法適合女性?

很多女性都有手腳冰冷的問題,適當的進食補血氣食物及飲用三棗茶,便可以促進血液循環補氣血。除了身體健康,女性更追求白滑皮膚,紅石榴汁功效可助抗衰老及美白,是很好的天然保養品!

你可能也喜歡

Recommended