王祖藍

曾分手又放唔低 王祖藍 李亞男11年愛情路

娛樂資訊

有著「最萌」身高差距嘅 王祖藍 同李亞男呢對恩愛夫妻,近日結婚兩週年去咗馬爾代夫慶祝兼拍甜蜜寫真。期間不斷放閃相,仲分別喺對方微博留言:「老公/老婆,情人節快樂,結婚兩週年快樂」,sweet 到爆呀!婚後依然甜蜜嘅兩人,但原來兩個都經歷唔少風雨。

撰文:SundayKISS|圖片來源:myTV截圖、王祖藍微博、東星網

王祖藍 李亞男11年「長短腳之戀」

2月14日對呢對夫妻嚟講,唔單止係情人節咁簡單,更係佢地嘅結婚週年紀念,最近係社交平台上都見到佢地兩人早前喺馬爾代夫影嘅寫真,除咗風景靚,兩人真摯嘅笑容為寫真添上不少幸福感。婚後依然甜蜜嘅兩人,原來背後都有一條好長嘅愛情路。

曾自卑而導致分手

王祖藍 同亞男喺06年已在教會秘密撻着,當時祖藍寂寂無名,又怕俾唔對幸福對方,自卑之下,與亞男分手。祖藍曾經講過:「我嗰時係咩啫?兒童節目主持,冇人識,身高又……而佢,華姐喎,又高又靚,我唔敢高攀。佢哋由細到大都覺得係咪要搵個好啲嘅呢?所以亞男都有啲驚。我哋05 年認識,06年決定喺埋一齊,但好快又冇喺埋一齊。」

分手後,祖藍的工作機會接踵而來,事業不斷發展,歌影視三邊忙。09年,祖藍始終都放唔低亞男,之後寫咗一封情信加一隻自己寫嘅歌《跌落凡間的天使》送俾亞男,終於佢哋又走番埋一齊。

台慶求婚成佳話

兩人於2010年11月爆岀戀情,亞男大讚祖藍有責任感,又夠勇表白,而祖藍覺得亞男係好女仔其後五年中他們愛得甜蜜。呢對「長短腳之戀」終於喺兩年前開花結果,祖藍喺無線節目《萬千星輝賀台慶》中,當著全港700萬觀眾面前,跪地向亞男求婚,最後亞男喜極而泣,仲未講我願意就等唔切想戴戒指,場面感動又搞笑。

情人節舉行婚禮

最後祖藍求婚成功,並喺2015年2月14日情人節當日舉行婚禮,邀請咗親友及圈中好友為佢哋簽紙見證,之後喺迪士尼擺酒,真係甜上加甜。

老婆入院 自責自己沒陪伴左右

祖藍曾經因爲亞男入院,自己又唔係老婆身邊而感到。佢覺得點解老婆最需要自己嘅時候唔喺度,佢又因呢件事而好決絕咁推晒半年嘅job。並因呢件事,祖藍先覺得都係屋企緊要,錢搵唔晒嘅!

亞男爆祖藍鍾意放屁

婚後兩人夫妻檔岀席活動又做節目主持例如《蜜月到訪》,亞男仲大爆最唔鍾意祖藍放屁:「佢會喺我面前,扮啲好Cute嘅姿勢,我要放啦!一、二、三!仲要將個Pat Pat放喺我塊面前面放!」祖藍就笑住咁話:「我係教佢咩叫俾人噴到一面屁咋!」

計劃生BB

祖藍同亞男婚後都有共識,有兩,三年嘅計劃生小朋友!數數手指,佢哋都結婚2年啦,喺時候要計劃下啦!另外祖藍話未必可以買到好勁嘅豪宅,但養到一家人唔成問題。祖藍真係一個有責任感嘅人,亞男真係冇揀錯!最近,祖藍同亞男一齊演岀《1+1的幸福》,分享相處之道及少為人知的愛情故事,又甜蜜又窩心,不知不覺成為圈中的模範夫妻。

有什麼Netflix、Disney+推薦及必睇劇集?

為大家整理一下截至目前為止小編追過的Netflix影集清單,必睇Netflix電影或劇集片單;Disney+方面,則可以一看電影片單推介

有什麼必睇劇集?

不少美劇都被稱為神劇,小編整合了一系列必看美劇推介。當然,不少得韓劇陸劇台劇BL劇推薦。

你可能也喜歡

Recommended