花生醬

為花生醬平反

網誌

最近見幾位有膽固醇高問題的人客, 當介紹到 “早餐可以花生醬搽麵包” 時, 大家都很驚訝的樣子, 因為大家都覺得花生醬應該同牛油差不多, 都是不健康的食物.

首先, 解釋一下花生醬的原材料, 其實可以好簡單: 花生, 少許油 (自家製當然用橄欖油好, 街外買就可能用了大豆油或菜油), 糖和鹽作調味. 如果自家製, 每次做少許, 甚至不用加防腐劑.

那花生醬有什麼好呢? 其中一樣令我推介花生醬的原因, 是因為花生醬含有很豐富的蛋白質, 平均兩湯匙的花生醬, 就有大約7克蛋白質, 差不多等於1杯牛奶的蛋白質. 對於小朋友, 素食者, 或需要額外蛋白質的朋友, 花生醬搽麵包是一個十分方便的選擇.

有朋友會認為, 花生醬 “好肥”, 又有飽和脂肪, 怎能稱為健康食物? 其實好多 “健康” 食物, 例如橄欖油, 核桃, 杏仁等, 除了好的不飽和脂肪, 亦含有少量飽和脂肪. 我們留意食物是否健康, 應該衡量整體營養素多呢, 還是對健康有害的成分多呢?

就以花生醬為例, 平均兩湯匙花生醬有16克脂肪, 當中約2克為飽和脂肪, 即大約12%, 其餘的是各種不飽和脂肪.

另外, 花生醬有其他營養素, 包括維他命B,E, 鉀, 鎂, 銅, 鋅和纖維等, 比起牛油, 植物牛油, 練奶和忌廉芝士; 花生醬真的比較健康啊.

當然, 就算是健康的脂肪, 卡路里還是一樣的, 兩湯匙有差不多200卡唔里. 正在體重管理的朋友, 每次一湯匙好啦.

你可能也喜歡

Recommended