「聖誕節」整個乜髮型可以加強啲運氣?男女 男男/女女 分析吓

網誌

臨近佳節,啲女一定去整番個靚頭過聖誕,吸引下同性或者異性朋友。

唔好話女人啦,男人咪一樣係貪靚。有冇發覺最近周街啲男人啲頭髮好多都係灰灰白白色,一係就藍色?實行冇個樣,整個樣,真係「姣屍扽㞘」 《講吓笑》。

咁整過乜嘢髮型、或者染啲咩顏色可以吸引到男人女人呢?我地講完straight,之後講gay。

首先你要知道自己「五行-金、木、水、火、土」屬乜嘢。

  • 上網查閱你的五行。
  • 到我的網站 johnchoi.hk 的《子平八子計算》,輸入你的西曆出生年、月、日、時,找出相關的資料。(注意:如果你不知道自己的出生時間,那只可以假設你是當日晚上十一時前出生的,因為在中國曆法上,晚上十一時《亥時》後,便作第二天計算。)
  • 相關的資料會被計算出來,例如:2013年1月1日,12:m.出生,五行便屬「丁火」- 即使你的「五行生日」。

先講 “鍾意男人嘅 女人” 要要剪乜髪型:

  • 如果你屬「木」:直直哋、長長哋嘅髮型、或者長頭髮,加一啲wave、natural curl都好適合。
  • 如果你屬「火」:直直哋、長長哋嘅髮型、或者爆炸頭、或者短髮。
  • 如果你屬「土」:短髮、或簡單嘅髮型、或者一啲傳統、懷舊嘅髮型都good。
  • 如果你屬「金」:可以剪一啲傳統、懷舊嘅髮型、或者剪個spiky 《起角》嘅髪型、或者整個冬菇頭/Bob Look頭都適合。
  • 如果你屬「水」:可以剪個spiky 《起角》嘅髪型、或者冬菇頭/Bob Look頭、或者長頭髮加一啲wave、natural curl 都好適合。

咁染乜嘢顏色嘅頭髮可以旺自己多啲唖?

  • 如果你屬「木」:可以染黑色、或者藍色。
  • 如果你屬「火」:可以染小小綠色。
  • 如果你屬「土」:可以染紅紅、紫紫色。
  • 如果你屬「金」:可以染棕啡色。
  • 如果你屬「水」:可以染金啡、或者加啲銀白色嘅highlight。
  • 緊記,凡事不過三,唔好係同一個頭染多個三個顏色,對運程不吉。

 

咁 ”鍾意男人嘅男人 – gay” 或者 “鍾意女人嘅女人 – lesbian” 要剪乜髪型?

  • 如果你屬「木」:直直哋嘅頭髮、或者係直長嘅髮型。
  • 如果你屬「火」:好攣《曲 :P》、或者好短、或者尖長外型《好似龍珠 – 火形個種, 向上gel起啲頭髮,頭頂尖尖地》。
  • 如果你屬「土」:可以剪個平頭裝、或者一啲簡單嘅髮型、或者一啲傳統、懷舊嘅髮型都好適合。
  • 如果你屬「金」:可以剪個spiky 《起角》嘅髪型、或者剃光佢!
  • 如果你屬「水」:可以Maintain長頭髮,再加一啲wave、natural curl。如果鍾意短頭髮,可以微微電攣《曲 :P》佢。
  • 男仕緊記,頭髮唔好遮住個額頭,大多數對運程不吉。

 

咁染乜嘢顏色嘅頭髮可以旺自己多啲唖?

  • 如果你屬「木」:可以染小小綠色。
  • 如果你屬「火」:可以染紅紅、紫紫色。
  • 如果你屬「土」:可以染棕啡色。
  • 如果你屬「金」:可以染金啡、或者加啲銀白色嘅highlight。
  • 如果你屬「水」:可以係黑色、或者染小小藍色。
  • 緊記,凡事不過三,唔好係同一個頭染多個三個顏色,對運程不吉。

咁光頭《男人》點算唖?

  • 如果你過咗40歲,就唔使驚啦。古語有云:男人40, 十個光頭九個富。
  • 咁如果你未到40,啲頭髮甩啲又唔甩啲《尤其是地中海》,咁點算啊?咁實行剃光佢囉,做個真的漢子!千祈唔好九一分界!如果吹大風你就大件事啦!

另外有關於「毛髮」嘅事項要注意。

  • 如果有染開白頭髮嘅朋友,過節前就染番黑色,尤其是啲髮根。
  • 男人面上鬚根唔好又長又短;啲鬚唔夠密,就唔好留鬚《似個賊多過似HE-MAN,真係見到都打冷震》。
  • 鼻毛要剪好,唔好外露。
  • 眉毛要整齊,唔好似一堆雜草咁樣《暗示你感情複雜、或者做人有頭無尾》。
  • 記住頭髮、膊頭唔好有頭皮!
  • 陰毛、腋毛,自行決定!不過唔好又長又密,俾人感覺好似好污糟,好似樹林咁。如果男仕size唔夠大,條女分分鐘搵唔到嗰度!

 

你可能也喜歡

Recommended