敷 士多啤梨 5分鐘 可美白牙齒3度？
自從愛上紅唇烈焰後，便發現無論紅唇塗得再完美，如果牙齒發黃，一露齒就出事。想笑得更Charm，要有亮白牙齒是第一步。最近網上瘋傳一條 士多啤梨 美白牙齒秘方，簡單到只要 士多啤梨 和梳打粉就搞妥，究竟Work 唔Work呢？我們今次派員實測。
1. 製作方法
材料：士多啤梨2粒、梳打粉半茶匙
步驟：
01 將2粒 士多啤梨 ，壓成糊狀。
02 將 士多啤梨 醬混入１茶匙梳打粉，攪拌成膏狀。
03 用柔軟的牙刷沾上混合物，並密舖在牙齒上5分鐘。
04 漱口即可
2. 結果
實測後，發現牙齒立即變白，得咗！不過白又唔係白咗好多，少少啦！只係敷上牙仔個陣，好驚食咗落肚。
3. 原因
因梳打粉的碳酸氫鈉可去除茶漬，而 士多啤梨 中則含有輕微酸性，所以混合起來可令牙齒變得亮白。不過牙醫就話，方法不能常用，否則會造成琺瑯質變薄，仲容易蛀牙。
4. 仲有無其他方法？菠蘿都可以?
菠蘿含有菠蘿蛋白酶（鳳梨酵素），是天然去污美白劑，菠蘿蛋白酶能清潔積聚於牙床的細菌，清除牙菌斑、牙漬及牙垢，從而美白牙齒。此外，菠蘿亦能鞏固牙齒，促進牙齦健康。除可多吃菠蘿外，更可以紗布沾取菠蘿汁摩擦拭牙齒，清除牙漬。
美白精華邊隻好？
美編共實測了8款美白精華，分別就質地、易推度、抗氧亮白度、保濕度4大方面作出評分。即睇結果：詳情請看
