劉穎鏇

正過冠軍?19歲港姐亞軍 劉穎鏇 大起底

娛樂資訊

##embed-label-0##

2016年香港小姐三甲已經出爐,賽前大熱門馮盈盈(Crystal) 以36,679票當選冠軍, 劉穎鏇 (Tiffany) 及陳雅思則為亞軍及季軍。雖然日前全港焦點都放在Crystal身上,但其實不論小編身邊人還是各方網民,都有唔少支持Tiffany的聲音,甚至係替佢不值!昨日大家認識完冠軍,今日就睇睇呢位人氣極高的港姐亞軍!

資料來源:東方新地

先回到星期日晚,賽前大熱之一Tiffany在台上表現亮眼,其高佻身材將唔同服飾都carry得甚好。雖然佢廣東話唔算純正不過自信搭夠,言之有物轉數快,真係好難唔喜歡佢!

觀眾最深刻應該係泳衣問答環節,當時由C君負責問問題,但由於身高關係,矮一截的C君臉部對正Tiffany胸前導彈!勁尷尬的C君不斷忍笑,更完全唔敢亂望,場面搞笑!

另外去到最後拉票環節,昨日提到Crystal因多謝爸爸搞到狂喊,而Tiffany亦有分享一段打籃球的感人往事!原來佢曾經在比賽時,見到一個面青青、用布包頭的女仔上場,後來發現佢其實患有癌症。於是Tiffany出手擋走隊友的球,協助佢成功入波。自此佢明白到無論生命有幾難行,只要有理想同目標,任何嘢都做得到!

出眾外形令Tiffany從上屆冠軍麥明詩手中接過「最上鏡小姐」獎項!

最後Tiffany奪得亞軍!但其實樣兒身材都十分出眾,唔少觀眾對於其未能稱后感到失望,不過Tiffany就謙虛表示每個人都有自己鍾意的人,佢好開心自己有咁多人支持,第二名一樣好滿足!

單講外形,今年只有19歲的Tiffany在眾佳麗中非常突出,不單身高5呎9吋鶴立雞群,更擁有34.5D豐滿上圍,一身健康膚色給予人陽光活潑的感覺。Tiffany來自美國洛杉磯,現為加洲大學河濱分校工商管理系學生。Tiffany樣貌可人,笑容甜美,更有網民稱佢有李珊珊及廖碧兒的影子!

如果話Crystal係典型氣質美女,咁Tiffany應該算係陽光女孩,笑容真摰唔造作,熱愛運動,睇佢啲相都會覺得好開心!難怪佢有咁多支持者!

自言五歲已經識打籃球的Tiffany一直係校隊的中堅份子,亦見到佢與同學關係要好!

Tiffany與父母感情深厚,不時都在網上晒一家人的合照,而其父母早前亦專誠從美國來港,到決賽現場支持愛女!

大家如今都知道冠軍Crystal有個做醫生的十優狀元男朋友,而Tiffany亦名花有主…

 

延伸閱讀:
2016年 港姐 生活照大起底 邊個素顏最靚?

如欲率先接收資訊,請讚好我們的FB專頁並於「已讚好」選單設定「搶先看」,多謝支持。
More Facebook: https://www.facebook.com/morehk.hk

有什麼Netflix、Disney+推薦及必睇劇集?

為大家整理一下截至目前為止小編追過的Netflix影集清單,必睇Netflix電影或劇集片單;Disney+方面,則可以一看電影片單推介

有什麼必睇劇集?

不少美劇都被稱為神劇,小編整合了一系列必看美劇推介。當然,不少得韓劇陸劇台劇BL劇推薦。

你可能也喜歡

Recommended