女人口中嘅浪漫，其實即係咁⋯
推開Lecture Room大門，為唯一的她送上鮮花；
苦練數個月，西裝筆挺，在她面前自彈自唱；
蓋著她雙眼，在她掌心放上悉心準備的禮物⋯⋯
以上舉動，通通都能令女生一嚐浪漫感覺，不過呢⋯⋯大佬呀！呢啲絕招，一生人幾乎只做到一次，一眾女朋友成日開口埋口要浪漫，知唔知成本好高㗎，畀條生路一班男朋友好唔好呀？
「只要係估唔到嘅，意料之外，就係浪漫㗎啦！」
未夠，這只是「浪漫」最大路的定義。
於我觀察，由女孩子到女人都喜歡的浪漫，關鍵亦在於⋯⋯
Text, Image: 莎比亞
我對「浪漫」一詞，從來都摸不著頭腦，或因男生都不講浪漫。我見識少，從來未聽過一個男朋友會自尋煩惱同女朋友講：「其實呢，我哋之間可唔可以浪漫少少？」
最近上網見到一段求婚短片，內容大約係有個男人叫一班朋友扮恐怖分子，將揸緊車嘅女朋友挾持出車外，再壓喺地，然後問：「妳知唔知妳男朋友收埋啲乜？」再壓送佢去男友面前，男友拎出戒指，跪低問：「Would you marry me？」，女人點點頭。
睇到呢度，條片第一個Comment就話如果我係個女人，一定即場打巴佢。我都覺得玩大咗，皺眉問女友：「乜咁樣都叫浪漫咩？好唔得喎⋯⋯」
「可能㗎！」女朋友解釋：「只要係估唔到嘅，意料之外，就係浪漫㗎啦！」
未夠，這只是「浪漫」最大路的定義。
於我觀察，由女孩子到女人都喜歡的浪漫，關鍵亦在於－細節。
如果你沒空沒心思搞大龍鳳，那就在細節上著手吧。
譬如說，我們覺得兩個人待在床上看電視就很浪漫，不如再行多步，她們會喜歡你突然攬住佢，說句我愛妳。兩件常做的事，湊在一起，卻燃點起浪漫的火花。
撥一撥她的頭髮、抹抹她嘴角的醬汁、無意中吻她的臉頰、大男人的你替她拿一拿手袋、突然間說「妳是最好」⋯⋯細微的舉動，代價不高，卻再一次令她心動。
「男人從來唔需要浪漫。」
漆黑上送上鮮花，都只為迎合女友。
我一直都如此認為。
但偶爾地，當我處於極大的生活壓力中，女朋友突然從後擁著我，在我耳邊說加油，本來心灰意冷，都頓時覺得陽光燦爛。
