處理細菌感染/濕疹/敏感/脂漏性皮膚炎的方法

我每日都會做的是
1。油拔15分鐘﹣拔走體內毒素
2。運動（一個星期2﹣3次）35﹣40分鐘，排毒，排汗， 加強身體的抵抗力
3。飲大量的水，食大量深綠色蔬菜
4。戒大／小麥， 包點，甜點，蛋，奶類等致敏食物（戒口是絕對必要的！如不戒口，點醫都無用），再加上當然最好驗個血，知道自己有咩其他食物敏感，戒埋佢～
5。保持腸道健康， 每天飲無糖益力多一枝／食益生菌
6。睡眠至少7小時
7。保持情緒穩定
8。每天飲1-2湯匙天然植物油（我是在自然療法治療師建議下進行的，我飲的是大麻籽油，也可選擇阿麻籽油）飲用油，不但可以滋潤皮膚，也可以保護腸道，同時為皮膚修復提供原材料

9。SKINCARE 方面， 盡量簡化，少用些成份複雜的skincare

要小D翻發，以上的要持之以恆，有好的免疫力才可以即使發了，都可以用自己的抗體對抗！！再加上以下相應的處理方法， 唔好比自己太大壓力，相信自己好快退(我會祈禱的）～就好快退了^^（記住，越唔開心，情況會越差的！）
另外就是要戒類固醇！它不是好東西，不但會令皮膚變薄，而且表面上好似處理左問題，但是反而令皮膚的免疫力減低，番發次數會變密！
我試過，真係試過！！！

細菌感染

因為發病同擴散時間極之快! 無法自行處理

當時我是去自然療法的治療師R LAM 度–> 治療師資料，外面用有治療性同比較強的香薰治療殺菌的!

但有一次就因為唔知邊度野到隻惡菌， 一晚之間D 菌發展到“且”爆左皮膚，再大量細菌入侵
於是要入醫院食同搽類固醇，（如真係好嚴重， 接受短時間的類固醇治療是可以的，最緊要快些控制!）

人後再去返自然療法的治療師R LAM 度處理返類固醇後遺問題

P.s:如果不幸受到細菌感染， 接受治療的同時，用過的化妝品，SKINCARE，掃，可以就換晒佢，
床單， 衣服等都要消毒
保持清潔

感染的皮膚盡量唔好接色觸到其他人， 以免別人感染
手指掂過感染的皮膚，請立即洗手!以免其他部位都感染了

濕疹

戒口，戒口，戒口！重要的要講3次！

內服：生熟薏米水，一星期連飲2﹣3日去濕（OR問你的中醫）
可加上拔罐去濕，和針炙（我係中環萬全堂針炙，針好了手的濕疹）

外用：
隔日死海鹽厚敷，殺菌及治療（濕疹位唔好磨!我自己用海鹽好OK～但有些人唔得，所以自己好好觀察啦）
P水沖身（中環萬全堂買的）， 以平衡患處的PH值，以及減低痕癢感
外加大麻籽油 （有滋潤，殺菌及治療的作用）

p.s： 有些人會有椰子油塗身，但是我本人是椰子嚴重敏感的！椰子油本身的蛋白質很高，好些人對蛋白質有嚴重敏感的，椰子油會越塗會差！！小心喔！

而羊脂，護膚品中防腐劑都會令濕疹發得更嚴重的！！
其實方D唔岩用，一搽上去覺得唔舒服，就肯定有問題啦！

敏感
請戒大／小麥（包括麥皮！）／甜野／奶類／蛋等！戒口先會好，戒口先會好，戒口先會好，重要的要講3次！
一定一定要搵出致敏的原因!（請參考之前講－－》多種敏感成因）
嚴重期時，請停用所有非天然的skincare,
我自己當時只有用enary,haba,
然後好番就用雪花秀，decleor,loccitane,sassou 呢D牌子
再其他的下次可以分享的

另外一定一定要

食物敏感一般都起得好快，即是當你舒食左嚴重致敏的食物時，約食完之後計1-2小時左右，敏感就會起

但如你唔係食左好多，大量飲水同食深綠色菜就好快退

接觸性敏感

要立即離開致敏源，徹底沖個涼，換晒衫，

如你自己身體健康你的免疫力好快會打贏，變番無事了！

接觸性敏感患者，家中一定要保持絕對的清潔！少D接觸致敏源

皮膚敏感

有機會是你身體出現問題，或是你長期用錯SKINCARE，令皮膚免疫力出事！

通常長期的皮膚敏感一定跟你身體裡而出問題有關！尤其是腸道！

而化妝品同SKINCARE絕對是元凶！長期皮膚敏感的，建議將護膚程序減到最簡單，用的請盡量天然有機！會幫到手的～

而長期皮膚敏戒口先會好！！！

脂漏性皮膚炎

死皮不斷堆積，係外觀上是很煩的～
雖然也沒有濕疹咁痕，但小小的癢癢都好煩的～
找了很多方法，都醫不好！
後來終於試到一個方法！

1.連續用死海鹽厚敷，殺菌及治療（唔好磨！），再洗去
2.用護膚油 溝果酸塗在患處！（份量是1:5) 輕微覺得小小溫熱就可以，去到”那”就太OVER了！
3.當皮膚吸收完後，再補一層護膚油，等患處不要覺得乾，有足夠的材料修復！

結果癢沒有了！死皮不再增生了！！！這是我暫時試到最好的方法！
但因為是用果酸，所以只可以晚上用！