每日試好多產品,但總要有基本護理確保肌膚穩定健康。

護膚品都有樽頸位?

網誌

減肥有平台期、有樽頸位,但有沒有發現用護膚品都出現樽頸位?

就是買了一堆覺得好好用的護膚品,初用時覺得好amazing,但用用吓就覺得無效果,用與不用分別都不大。

這就是護膚品的樽頸位。

點解會咁?

因為我們都是心急人,關性用「治標」的方式來選擇護膚品,有暗瘡用暗瘡膏;夏天汗多、油脂多便用控油產品;坐冷氣房坐到乾就保濕、甚至塗護膚油;有皺紋就抗皺……

 

這樣做不是錯,只不過其實可以行多一步,又或者我會解作還原基本步。

正如從事美容記者多年,幾乎每日都會接觸新產品,但長遠家中也要有一套令自己用得安心的護膚組合一樣。皮膚底層、基礎打得穩固、紮實,便不怕因一時試用而出現敏感等情況。因此大家揀護膚品,除了針對性效能,亦要考慮皮膚的真正需要。例如出暗瘡成因很多,如因缺水而長暗瘡,控油只會令情況更壞的道理一樣。

而最近bareMinerals就推出了全新Skinsorials礦物護膚系列,不只針對某個肌膚問題,而是以肌膚整體健康為本,增強肌膚抵禦力,全面預防潛在肌膚問題。我試用了一星期,講真,效果不是「嘩嘩」聲般amazing,肉眼亦看不到底層有何改善,但成分及其理念則是每個人的終極追求--健康、長青,從根本開始防禦一切肌膚問題。

當中,有4件產品我覺得是必須及值得入手的。

1. 礦物淨化潔膚泥 $190
首先是 Clay Chameleon Transforming Purifying Cleanser 礦物淨化潔膚泥,它的質地及用法介乎深層清潔泥膜及潔面乳之間,紅色泥狀,不用等待乾透,用法像卸妝油一樣,乾手塗上面,加水乳化至白色,沖水洗淨即可,但有深層潔淨效果,又不會像一般泥膜般令皮膚繃緊,超級乾淨!我個人仲覺得有輕微去黃作用,洗完塊面好白淨,好有透明感!

值得入手原因是可以代替潔面乳早晚使用,又唔會乾緊,空氣愈來愈差,抗污染是護膚新趨勢,呢個步驟絕對不容忽視!

 

2. 礦物精華活肌液 $420

我好少用肌底液之類的產品,無原因,一個字:懶!不過我發現有用與沒有用的分別也真的頗大,最令我驚訝的是,竟然夏天出戶外時,用了這支活肌液,出油的情況反而更少!一直覺得愈搽得多,肌膚吸收唔切,增加刺激至出油機會,但原來肌底液當真有booster作用,令後續的精華更吸收及持久,平時我會用B5原液當精華,加上這支活肌液,感覺上延續了保濕效果,肌膚更加穩定,無咁易出油。

順帶一提,這支是系列中的王牌,亦是市場上唯一一款以長壽草作主要成分的護膚品(品牌已申請專利),有助激活細胞,幫助肌膚吸收之後搽嘅護膚品,讓肌膚回復最健康狀態。當然,有無健康咗只能目測,但用咗無咁出油倒是真的~

3. 礦物強效保濕啫喱

非常Q彈的保濕霜!超級鍾意用!有點像近來流行的記憶面霜,取出面霜後,很快快回復果凍狀態,一塗上面就變成水潤狀,好易吸收,無油配方搽多咗都唔會黏立。我最近愛上了高溫瑜伽,做完用來降溫保濕超正!同時又真的可以放入雪櫃凍敷做急救面膜。推介指數甚高!

 

 

4. 礦物柔滑保濕乳霜
為了健康,我盡量忍住唔開冷氣睡覺,不過有時真係好熱,今年開過三晚冷氣,但相對要搽點既保濕又長效鎖水的面霜,可以試這個Soft Cream,其實都係清爽型,但又比啫喱滋潤一點,好柔軟,第二朝起身又唔會油立立,岩岩好,不過視乎個人需要啦,我自己鍾意清爽一點,想潤一點,系列還有Rich Cream,我就唔需要啦!

 

你可能也喜歡

Recommended