這樣拍可以高一點！五個令嬌小女生即+3cm 的影相小秘技

Text ｜Candy Choy

嬌小女生天生冇長腿，影相（尤其係團體相）仲要企前面，就算平排都好易因有比較而令雙腿顯得短，而且合照好多時大家只顧住個樣，忘記咗對腳貼住係會顯粗，所以要時刻提醒自己，雙腳都要「交到戲」！以下五招簡單又易做嘅影相小技巧，包冇人睇得出你真實高度，仲可以即時拉高起碼3cm ，有返對長腿就連美圖都慳埋！

1.交叉腳

最經典嘅「女神式」交叉腳pose ，即拉長雙腿比例。

2. 單腳屈曲

單腳屈曲唔只更有活力，仲因為可以令雙腿之間有對比空間感，視覺上會雙腿更纖長。

3. 前後腳企

視覺上，前腳能夠拉出筆直嘅線條，focus去咗前面，自然會覺得你腳長。

4.單腳升高

將重心傾向同一邊，單腳微微抬高，大家嘅焦點就放喺抬高咗嘅腳上！

5. 鞋貼地線

呢招就要靠幫你影果位人兄，影snap記住叫佢留多啲上面嘅吉位，地下就唔需要留咁多位，鞋貼地線就最fit，容易拉長比例。不過，呢個細界好多「醒目人」嘅，如果佢影極都影明時，你直接叫佢影wide少少，咁返去自己crop返又得啫！