隱形箍牙 Round 1 – 承諾我會乖!

網誌

這次是我人生不知第幾次嚷著要箍牙,然後第二次用金錢+行動來配合。

那第一次發生甚麼事呢?

話說事發於 2005 年,當時「隱形箍牙」Invisalign 剛來到香港不久,可在不用做 「鋼牙人」的情況下把牙齒矯正實在令我心癢,所以當時的男友 Mr Big 便動輒數萬元送我這禮物。由於隱形箍牙的牙套不像傳統箍牙那樣把牙套箍死在牙齒上,因此講求極嚴謹的自律性! 但 2005 年的我經常要見客要說話要用語言解構我的構思又要當課程翻譯… 戴上牙套後我說話時不是很多口水卡住在口裡,便是變了個「黐脷根」,所以做了不夠三個月便放棄了。

我天生跟我大家姐一樣有對很大的「大板牙」(或是叫「兔仔牙」),但我兩個家姐在很久以前就已經把牙箍好了,就只剩我一個。我這對「兔仔牙」大得有點過份,形成有點 「假哨牙」- 情形就像”Hotcha”的張紋嘉。這麼多年來,每次我說要箍牙朋友都千篇一律像夾過一樣的跟我說:「唔好啦!對兔仔牙係你既 signature 喇」「唔好箍啦,好 cute 啊」;不同的牙醫會跟我說:「其實你排牙唔使箍都得,點解要箍呢」;亦有consult 過可否做容祖兒或鄭秀雯的殖牙,但也被 reject;然後連佛經都說 32 相中第 24 相為 「四牙白淨相」,即4牙最白而大者。

Anyway, 這次再的起心肝去箍牙是因為 《星期二檔案》的 《中女告白》。節目中有個我的定格鏡頭,而剛好那個鏡頭就把我的「兔仔牙」表露無遺。問題是,直到自己坐在電視前看到自己,我才頓悟到原來我現在真的是這麼的瘦!對,就算每日平均有100 人說我好瘦都好,我都不覺得是 「好瘦」,直到看到那個 shot 才知到我果然是面無四兩肉,整塊面看起來比以前細了很多!

那個鏡頭真是令我慘不忍睹,皆因我的「兔仔牙」看起來更大到不合比例,我像變了「哨牙珍」!HOLY COW !!! 嗚嗚嗚 …

於是我立即致電 5 年前替我做 Invisalign 的謝卓強醫生。(以我所知,謝醫生的收費是最平靚正,因為我其他朋友都用了近港幣 6萬多才做到。)護士接過電話問我名字後都忍不住大叫:「啊!係你啊?你又來喇!」她當然會有這反應吧,因為我是唯一一個過了 5 年也沒把牙箍好的客人!

謝醫生在跟美國總部那邊 check 過 file 後,confirm 一切要從頭來過 - 包括倒模、照 X 光片、設計怎去箍等等的所有程序。前天,到了牙醫 clinic 那裡看電腦效果,看罷我相當期待相當興奮!謝醫生說:「我知你忙又無耐性,所以今次設計左個快版比你!記唔記得之前要箍幾耐?」「好似要一年幾。」我答。「今次 7 個月就得喇!」他說。我一聽見立即笑著叫:「嘩!好啊!」而我唯一的 trade off 是,後面幾隻大牙是不會被矯正。我絕對接受。

「但係你今次真係要乖啊!」同一句話,謝醫生說了兩次,護士說了一次。

「我今次承諾真係會乖!我又要比咁多錢來攪,點咁唔乖喔!?」我說。

為了靚靚,為了以後影相不要在就角度,為了不再有「哨牙珍」事件發生,這次我一定會乖! 會非常極度無窮無盡宇宙無敵去到底的乖!

只是 7 個月!我一定頂到!

(這是個幾秒鐘電腦效果的段片,可看到牙齒是怎樣被矯正。請直接click:Treatment

你可能也喜歡

There are 10 comments

Add yours
  1. sammi

    咁你加油呀~~~~ 箍完一定會更加靚呀 ^^ …btw 你書展會唔會出書丫..如果會我一定會去搵你簽名影相…haha…好期待你出書,,,,,,,,,:)

  2. winnieleung

    Hi sammi: 我本書已落實5月底出。無奈真係要度正我在HK 的期至得(好難度!)因為出版商會於weekend 在某大書店做新書會的呢!到時話你知啊!

  3. m's

    heyyyy winnieee,,, long time no seeee 🙂
    u know wttttt??我終於割左雙眼皮啦~~~:)
    今日拆左線:DDDDDD 眼睇落真係有神左好多,,,都係雙眼皮好睇D~HAHAHA
    喂喂喂,,,我呢幾日先同D frd講開我想cool埋”爬牙”呀!!!
    das CRAZY huh???/we always wanna do the SAME THING!!!LOL
    我朋友同我講cool 牙仲痛過割雙眼皮呀!!又辛苦,,Ewwwww…搞到我有d 猶豫:(

  4. winnieleung

    m’s: OMG!!!! I wanna see it, do u mind sharing your new look with me by email!?!
    I have questions to ask u: 1) where u did it; 2) how long it takes the swollen eyes to get back to normal….etc…. OMG
    and OMG…. u and me so alike :p

  5. Samsam

    我有幾個朋友仔都整左, 效果都唔錯. 不過一定要自律, 所以你加油呀!

    btw, 我上星期係quarry bay 見到你, 你真人真係好瘦呀!!! 而且仲見到你個MMM靚袋, 勁型!

  6. winnieleung

    Hi Samsam: 多謝你留言啊!我5個friend 入面得一個自律成功,效果相當OK! 哈哈!其餘4 個,真係同我物以類聚!係喔,我last Thursday 是在 Quarry Bay 出現過,因為有個打透明質酸的 function 出席,我confirm 你無認錯人,因為 I was with my MMM!!!!! 哈哈哈!thx for leaving message 🙂


Comments are closed.

Recommended