今非昔比－－小甜谷
蔡瀾説過他的食評只會介紹好的餐廳，因為香港食肆營運環境困難，難吃的最多不寫。
是呀，租貴來料漲價，還有大集團的壟斷，真的頗難做，可是，早幾天的經歷，實在不吐不快。
我對食一向抱着寧缺勿濫的宗旨，尤其甜品這樣高卡的「罪惡」，就更加是挑剔到暈。
早幾日到西環接老公，便順道在那裡晚飯，吃了一頓非常美味的車仔麵，可能心情愉快，便主動建議到小甜谷吃楊枝甘露，雖然一向幫襯大坑總店，但心想分店也一樣吧！
一入去，店很大，但只有兩枱客，以為平日較冷清，一坐下便點了楊枝甘露，我曾認為小甜谷的楊枝甘露是全香港最好味的 (詳文可見完美的奶凍－－小甜谷)。等了好一會，侍應端來一碗帶點螢光黃色的東西，這不是我以往食過的楊枝甘露呀，我不停用匙羹摷呀摷，企圖溝勻後會變回我想吃的那一碗楊枝甘露。
起初跟老公都以為是不是攪錯了，招來侍應問道：「係咪嚟錯咗呀？」她摷幾摷說：「唔好意思，落少咗嘢。」然後拿走了那碗螢光物體。於是又等了約5分鐘，端來的只是比之前那碗多一些鮮芒果肉粒和花奶，我實在忍不住召來一直企在cashier旁在玩facebook的男經理，我說：「我想問呢碗係咩嚟架？同我係大坑食嘅都唔同，呢碗極其量只係加咗西米同沙田柚嘅芒果汁……」還未說完，這位經理已經連聲道歉：「唔好意思唔好意思，我幫你取消咗佢，你地嗌過其他嘢食啦！」
我的興致已被一掃而空，甚麼也不想吃，老公看了看餐牌，揀了湯圓，並細細聲跟我説：「湯圓最穩陣，唔會出事。」
也不盡然，湯圓端來，我們看了一眼就知–「唔慌好食」，我一向愛喝薑茶，所以先呷了一口湯，從未試過這麼難飲的薑湯，感覺是將一整片片糖溶在一碗水內，是苦的片糖味，而湯圓，的確沒有出事，因為我肯定那些湯圓跟我家冰箱中的一樣，都是買回來的寧波湯圓。
我們二人沒有吃完那碗湯圓便埋單走人，一路上老公不停問：「係咪一樣名咋？無理由差咁遠，係7-11買支楊枝甘露都好味過佢，唔怪之得冇人食啦。」
我也不明白，為何水準相差那麼遠，曾經那是我吃過最好味的奶凍和楊枝甘露，但現在卻變得如此難吃，究竟是谷祖琳嫁了唔想做？抑或已經易手卻還在叼小谷的光呢？
這兩張相都是於2009年11月4日拍的，那時的楊枝甘露和奶凍都是全香港最好味的，估不到才一年多，已經面目全非了。
最近個套 “最強喜事” 谷祖琳有份客串
仲幫”小甜谷”賣廣告~~~~
吾會吾做掛, 不過見到妳篇野, 呆左..
食許留山好過~~
我上年去大坑店，叫左個杏仁茶，只可以用難食來形容，連我一個一向被取笑無味蕾的男性朋友亦只吃下半碗合桃露，唉~
Wink,
信我, 曾經小甜谷真係好好味架
Hi sweetcandy,
我都唔明點解, 但真係冇下次囉
之前在西環吃了紅豆沙 (不是第一次吃的),
十分杰, 一舊舊,
同男經理講問可以煮返希d
佢話係咁樣, 無得煮過
之後我無再食,
用iphone影低相,
埋單時男經理態度轉了,可能見我影左相,
話幫我地取消左紅豆沙,又話以後都唔會見到有紅豆沙 及豆類甜品, 很奇怪!
penoycafe,
我那天還未發難, 那經理已即時道歉, 可能佢日日都遇到呢d情況, 所以慣咗