七月首爾之旅－－我們回來了!
五日四夜的首爾之旅，總結是「仲辛苦過返工」，原因很簡單：由於有大有細一行十五人，為免麻煩，所以參加了旅行團！要知旅行團必定是將行程安排得非常緊密，全部都是到此一遊，朝朝七點morning call，到晚上十時才回酒店，第一日到首爾，第二日便坐車到郊區，到第四日才再回到首爾，晚晚換酒店，疲於奔命，而且老公沒有同行，照顧囝囝的責任便由我一人負起，完全無法暢快的逛街shopping，回到香港攰得倒頭大睡。
平心而論，我參加的那個團也算不錯的了，由於團費較貴，所以兩晚在首爾市中心也是住JW Marriot Hotel，所有入場費都包，五日行程中只有最後一日帶我們到旅行團必到的人參廠、健康食品等的銷售點，不過跟團始終無法真正享受假期的悠閒，節目是豐富，景點是多，但全都是到此一遊面目模糊。而自由行的好處是要自己搭車自己搵路，於過程中會看得更多知得更多，對那個地方的印象也會更立體，最緊要是時間由自己決定，尤其帶著小朋友，千萬別跟團，朝朝七點morning call，我攪掂自己還要叫醒囝囝換衫飲奶，更要執齊行李，再轉酒店，諗返都覺得辛苦。
不過，最大得著是這5日跟囝囝是寸步不離，感情更為親密，由於韓國的食物不大啱食，所以有一晚在超市買了一個杯烏冬給囝囝吃，我將烏冬倒在碗仔餵囝囝，他看見非常驚訝，問：「媽咪，點解係你煮嘅？點解唔係阿婆煮嘅？」我答：「係呀，媽咪放假，所以媽咪煮囉，好唔好食呀？」囝囝即時豎起大拇指說：「好好食，好食過阿婆煮。」家姐聽見，跟囝囝說：「傻仔，唔係煮架，你阿媽剩係加熱水咋。」
每天晚上，囝囝更是要攬著我睡，有一晚他跟我說：「媽咪，我叫爸爸賺多啲錢，等你可以唔使返工，日日陪住我。」那一刻我冧過收鑽戒。
Everland是韓國最大的主題樂園，園內有不少機動遊戲、遊樂設施，還有乘坐客車遊覽獅子、老虎、長頸鹿、火熊的野生動物園等等，此園內的最大特色是養有一隻獅子和老虎的混合體Liger，不過個人覺得Everland明顯是向Disneyland致敬的。
雖然時間有限，但我也盡能力買了很多，當然也有韓國最新的美容資訊，將會一一跟大家分享。
Louis said:：「媽咪，我叫爸爸賺多啲錢，等你可以唔使返工，日日陪住我。」- 好快就唔洗做, 日日陪住louis 啦
大人係辛苦,不過你囝囝開心麻..而且你都lum晒啦..哈哈 🙂
welcome back… 真係好怕跟團!!
好高興見到你同囝囝玩得咁開心，見到你最後兩句更開心。期待你的分享。
Thanks a lot!!!
雖然係辛苦, 但都有不一樣既體驗, 我一樣有留意最新既美容整容科技, 更比我買到一支質地不錯的BB cream, 請大家密切留意啦.