愉景灣聖誕selfie鬥呃like攻略

網誌

(Presented by Discovery Bay)

每年聖誕,無論喺facebook定instagram都定必係女士們呃like嘅戰場,連續幾星期嘅洗版戰,無非都係想博多幾個like。可惜嚟嚟去去唔係尖沙咀嘅燈飾,就係屋企樓下棵聖誕樹,不停無限loop,你唔悶我都嫌悶啦。家陣人人都係大攝影師,要喺社交媒體上出奇制勝,少啲諗頭都唔得。

其實除咗人靚之外,一個特別嘅靚景先係致勝之道。咁不如衝出香港去旅行?聖誕機票好貴架!今日就向大家介紹一個有齊閃爍燈飾、聖誕巡遊、豐盛美食等等嘅愉景灣,充滿歐陸浪漫氣息嘅靚景,再教埋你特別嘅自拍技巧,成個post即刻充滿仙氣,要做女神話都無咁易。

第1站:心鎖長廊
到達愉景灣之後就可以喺愉景北商場午餐先,之後一齊去海傍嘅心鎖長廊。除咗有個甜到漏嘅浪漫驚喜之外,仲可以影低同bb嘅浪漫回憶。記得影相打卡時,鏡頭攞wide少少影埋海景呀!

第2站:聖誕古典馬車暢遊
影完一輪就可以租馬車暢遊愉景北,沿途會經過一啲歐陸式建築,仲會見到一座女仔夢寐以求嘅白色教堂。平時有幾可見到馬車同教堂呢個夢幻組合?

地點:香港愉景灣酒店活動中心
日期:12月24至26日(平日版觀光馬車暢遊則每日開放)
開放時間:10am-12nn、2pm-6pm
備註:每程最多4人

 

第3站:聖誕燈飾
稍為入夜之後,影完愉景北商場嘅閃亮鹿車同其他布置,就可以坐免費嘅shuttle bus過D’Deck睇聖誕燈飾,post相之前記得加埋句sweet到爆嘅caption,呃like必備呀!

第4站:D’Deck聖誕巡遊
只有喺外國先見到嘅聖誕巡遊又點可以錯過!一班公主、王子、歐洲貴族、士兵同小丑齊齊載歌載舞,帶嚟一連串驚喜。下午3點半起仲會有見面影相時間,記得影番幾張喇!

地點:D’Deck
日期:12月24至26日(星期四至星期六)
巡遊時間:6:30pm及8:30pm(巡遊表演隊伍3:30pm起同大家見面影相留念)

你可能也喜歡

Recommended