真正的Happy Magical Moment

網誌

我性格樂觀,凡事也愛向好處想,就算做錯了或遇上不如意事,也很少會後悔,因為就算結果不理想,過程之中也必有

得著,不過這一個星期的經歷卻叫我後悔不已。

事緣是囝囝一向是迪士尼的忠實fans,「迪士尼雪亮聖誕 – 冬日奇園」一開始,我們已急不及待前往,拍了不少相片,

碰巧朋友A在迪士尼當公關,在Facebook看過我們的照片,便鼓勵我參加Disney跟she.com合辦的Happy Magical

Moment相片選舉,而我也覺得頗有趣,所以便參加了。我一直以為這類型的投票選舉,都是每個email只可投一票(我

們more的選舉就是每個email只可投一票),於是周圍叫朋友幫手,在Facebook上呼籲朋友投我「一」票,過了一日多

見對手票數急劇增加的情況下,我才知原來是可以用同一個電郵無限量地投票的,唯一限制是每個電腦在每15分鐘只可

投票1次,於是我們身邊所有痛愛囝囝的親朋好友都一齊每15分鐘投一次,更有屋企人在公司校定鬧鐘每15分鐘就全公

司十多廿人一齊投,而我作為媽媽更是每晚投至三四點才睡,整個人完全陷入投票之中。

我相信廸士尼最初構思這個投票選舉,是希望可以多些人分享係Disneyland既Happy Magical Moment,當然邀請多些

朋友一起投票是好事,但當制度是同一個email可以無限投的話,是在鬥人多鬥多時間,而且玩的來來去去都是那班人,

又或者根本不需朋友,一個人幾部腦就可以了。作為網站,我理解she.com為什麼定這樣的規矩:因為作為網站,點擊

率就是一切,我們不停15分鐘投一票,每一下都是點擊率,都能賣錢,但定下規矩時請有點良心講公平吧,要知道這個

玩法害多少人不眠不休,邊個贏就取決於那個最得閒最多時間,而不是那一張相最Happy Magical Moment。

而到比賽的第五日,又發現無論你耗上了多少時間,無恥地央求幾多朋友幫手都無用,因為只要有人為造票的軟件幫

手,2分鐘就有500票,快過打針,又或者12小時內升了2000票,完全拋離對手(1個人12小時內可投48票,而12小時內

升了2000票,一係佢有42個人個個聽聽話話邊度都唔去,每15分鐘幫你投一票,又或者佢一個人有42部電腦……)。

同是參賽者是有點意興闌珊,除了是因為輸於如此卑鄙的方法,也有點質疑這個比賽的可信性,對she.com的公信力頗

有保留。

不過,最令我內疚自責的是,囝囝今日問我:

囝:「點解你尋晚唔返o黎食飯呀?係咪好忙?」(星期四晚放工後因想多投幾票,便留在公司沒有到婆婆家看囝囝)

我:「係呀,忙住幫你投票,你想唔想去Disneyland hotel住呀?」

囝:「想呀,不過阿B想見你多D。」
那一刻我有點當頭棒喝,我們這一班美其名代子女出賽的家長,日日伏在電腦旁究竟為咩?

其實,只要有我們父母在身邊,就算在家也是他們的Happy Magical Moment。

------------------------------------------------

你或許對這些文章有興趣:

 最有聖誕氣氛的好去處–Disneyland


你可能也喜歡

There are 19 comments

Add yours
  1. kerorob

    …好感動呀~
    俾你囝囝攪到我眼濕濕添
    人仔細細都咁細心咁識關心人~真係抵大家咁錫佢架~

  2. Angela Cheng

    寫得好好
    我地落力投票都吾系因為貪d 奬品o拉

    如果甘就贏到, 我求其擺張9吾搭8 既相去都得o拉
    這些投票真無聊

  3. Alvita

    Michelle, your son is so sweet~ you are right, we should review the mechanism to avoid the unfair stuffs. feel so sorry about that.

  4. yuki

    Michelle, 本身我係好熱衷於呢個比賽, 但見到有「人為造票1號」我就已經比佢打沉左, 咁樣造票, 贏左都係得啖笑。尋晚又有個「人為造票2號」飛左上黎, 我就真係想問下she.com搞嘜呢? 作為咁大個網站, 因為小小的比賽, 我們都對佢無哂信心了, 因為所有野都可以是假的…………. 🙁

  5. michellelau

    hi Kerorob & Peggy,
    囝囝其實係星期四晚已經打俾我同我講: 媽咪你點解唔返黎, 我唔開心, 因為媽咪唔返黎. 我真係內疚到不得了, 亦覺得自己好蠢.

    Hi Yuki & Angela,
    Thanks…..sooooooooooo much!!!!真係辛苦晒大家

    Hi Alvita,
    其實呢個比賽好有意思, 只係個投票方法好有問題, 可以無限投, 太勞民傷財了. Harbour City都攪咗個類似的比賽, 佢地係facebook度攪, 一人一個likes, 公平得多. 你唔使唔好意思, 又唔關你事.

    Hi Sandycheung,
    我知道呢d比賽好難避免有人造票, 我覺得唔公平既係, 一個email可以無限投, 係鬥多時間鬥多人, 失去咗比賽既意義, 最重要既係: 究竟我幾時有want to cheat呢? 可能係我無知, 無參加過呢d比賽, 唔知道要cheat先會贏, 我知道其中有好多參加者都係朋友, 熟人, 經常一齊玩呢d投票攞獎品,…..如果早知, 我就慳番d時間精神. 可能你覺得呢個遊戲好公平, 而我覺得唔公平, 都係自己既意見啫..

  6. Oriana

    michelle,你篇文令人好感動.
    公道自在人心.個幅相係咪真係Happy ,大家有目共睹囉. 我唸真正的Magical Moment,是你同仔仔享受每分每秒共處的快樂!!
    永遠支持你!!

  7. Oriana

    再講,she.com話明要捕捉一家人在迪士尼的歡樂時光,只有一個小朋友,而冇其他家人的照片,全部都要out!!

    算啦!!,今次,証明小哲哲同媽咪都有好多人錫!!

  8. kerorob

    一個FAIR COMPETITION 係唔容許有任何出術,大家係均等既條件下比賽。
    但呢個比賽好明顯就有漏洞。

    TRICKY 既地方就係想多d人入去瀏覽
    增加爆光率
    睇漏眼既參賽或者會執輸,或者好似我咁晨早半放棄,得閒幫手投幾個鍾意既就算數。唔通CLICK多幾下會有著數、有錢分??

    但,真正CHEAT既人,係處心積慮,一分鐘造幾百甚至幾千假票出黎既人,唔係CHEAT仲會係咩???情況就好似facebook既game中有人用各種手段令自己一夜間由幾百蚊cash升到過千萬一樣咁荒謬。

    網友路過,自然會各抒己見,道不同不相為謀。
    遊戲一場,看到感動至深既親情對白才最重要!
    This is not MAGIC,
    but LOVE!!!

  9. michellelau

    Hi kerorob,
    你講得好好,而且你比我更有智慧,一早放棄。我要囝囝提醒先識醒,我寫出來最大目的不是為投訴,而係想提醒所有好似我咁慨媽媽,唔好再日日夜夜係咁投票了,陪住小朋友才是最令他們開心的事,yes, it is LOVE!

  10. michellelau

    Hi Oriana & Anchor,
    Thank you so much!! 我講嘅後悔係因為內疚,作為媽媽,我聽到佢咁講,直頭立即哭了出來。

  11. kerorob

    Michelle,
    不用難過啊~
    塞翁失馬,焉知非福。
    正面點看,這小事情反而令你同囝囝更close,囝囝咁細都已經識得與媽媽相處
    比享受物質更寶貴,應該值得高興!

    祝你們一家健康快樂!
    merry xmas!!

  12. QQ mama

    我之前都將女兒既相片參加左一次she.com既比賽, 個次既我又係好似你甘, 叫晒全公司同朋友幫手不停投, 我自己又每晚都投到一兩點先瞓, 但係有啲參賽者好奇怪地可以到左第二朝我7點幾起身, 佢既票數係一晚之間已增加左過千票, 是問邊度會有真正投票既人半夜三更投, 未又係想勝出既父母自己投; 當日我先生都好嬲, 因為好似你既諗法一樣she.com做啲甘既選舉完全都唔係公平公正甘處理, 只係想要點擊率, 佢打左去she.com搵左個編輯反影, 當然都知個編輯都唔會咩反應, anyways, 同意你講, 寧願用投票既時間陪多啲小朋友好過。

  13. michellelau

    Hi QQ mama,
    原來你也有同樣的經驗, 對呀, 除非你有他們的辦法, 如果唔係, 點都唔會贏到, 仲要嘥時間精神, 又麻煩了身邊的朋友, 最重要係剝削了親子的時間啊


Comments are closed.

Recommended