簡易日本骨盆操 完美曲線無難度(二)

網誌

大熱天時做帶氧運動做到身水身汗,真係好辛苦。
上星期我地就介紹咗簡易骨盆操,
訓喺度幾分鐘就可以輕易瘦身。

呢個骨盆操其實好岩日日坐喺office嘅OL,
甚至係化妝師,
因為佢地成日都要彎低身幫人化妝,
會容易脊柱側彎同骨盆外擴或移位。

唔知你地會唔會冬天好易腳凍?
有便秘?或者好易腳痺?
呢啲都可能同骨盆位置唔岩有關。

過去一星期,我同Janice都親身試過,
宜家就同大家分享下。
同埋仲有兩個新姿勢教教大家!

我自己做咗一星期,發覺好似無咁腰酸背痛,
做嘅時候都無咩特別扯住或者痛。
不過做完都有試過度下條腰有無瘦到,
好似有少左一吋!(唔知係咪錯覺?)
睇黎要再keep住做下先!

Janice都有跟住做架,
話放個布枕落腰度已經覺得盆骨位有酸痛感。
而做緊嘅時候因為雙腳要呈八字型,
大腿外側扯住,又痺又痛。
可能係職業嘅關係,骨盆位置有勞損或錯位,
所以感覺會比較強烈。

Janice話睇住電視做,唔覺唔覺就做咗10分鐘,
起身都要抖陣先起到。
(記得做5分鐘左右就OK架喇!)
做完感覺hip位翹咗,不過訓醒覺就好似無咗效果,
建議大家早晚各做一次,keep住個body shape。

上次就只係教左大家最易既「平躺瘦身法」
今次就會再教其他姿勢去局部瘦身啦!

首先,都係要預備返個布枕先,
同埋記得要喺地板度做。(可以加瑜珈墊墊底)

今次係側身躺地,呢個姿勢可以瘦側腹架!

身體要側身訓落地下,將布枕放係腰間位置。
下面隻手要伸直,墊著頭部,手掌心貼地,
而上面隻手就要貼住身體。

雙腳要緊貼伸直,趾尖蹦直。
維持呢個姿勢2-3分鐘,再轉另一邊去做。

如果配合返上星期既平躺瘦身法,
就可以輕鬆擁有小蠻腰啦!

除咗腰腹,絕大部美女最想減就係大腿,
美腿嘅方法比瘦腰更容易,
只要每日花兩分鐘就OK!

首先,同「平躺瘦身法」一樣,
將布枕放係腰後躺下,確定布枕喺肚臍下方。

雙手打開伸直,掌心貼地。
雙腳伸直貼地,其中一隻腳蜷曲起來。

記住唔使勉強貼地,
因為膝頭會因拉扯而感覺疼痛,所以盡量平放就得。
(好似我咁都係平放唔到,只怪自己硬骨頭,好痛!)
維持呢個姿勢1-2分鐘,然後轉換另一隻腳。

呢個做法可以有效改正腿骨位置,
同大腿贅肉講byebye!

今次就再試多兩樣先,
下一次我會再同大家分享坐喺凳上做骨盆操嘅方法。
加油呀各位美女!同埋要留意住下星期嘅blog啦!

(相片來源:互聯網)

如欲取得更多第一手美容及扮靚資訊
可瀏覽Girls Talk Main Blog:
www.girlstalk.hk/blogs
或 Like我們的Facebook專頁:

www.facebook.com/janicelammakeup

(版權所有,未經同意不得轉載。)

你可能也喜歡

Recommended