Video 教學﹣妝前急救秘訣+補妝小tips

網誌


大家有無試過明明已經搽左好潤身既粉底,
但過一陣已經出曬油,又啜住塊面唔貼,
甚至會”cake”粉添 !
呢個情況好有可能係皮膚出現左缺水問題啦,
如果皮膚底層太乾就上粉,就真係搽幾潤粉底都無用啦!
咁除左化妝前敷MASK外, 仲可以有咩方法呢?
今次Karen就會為大家示範妝前急救方法同補妝小tips啦!
一齊去片啦!

**妝前急救篇**
Q:如果成日覺得護膚品搽極都係皮膚表層又唔吸收,點算好?
A:用暖毛巾敷面


熱力可以令血液循環好啲,蒸氣亦可以打開毛孔,
之後再上其他護膚品就更加吸收啦!
Q:如果皮膚好缺水又趕住上妝,除左敷面膜之外仲有咩方法呢?

A:用Toner幫手
1)可以將toner倒於棉花上,以塗抹方式輕輕抹走角質
*注意*揀toner既話油性皮膚可以揀爽身質地,而乾性皮膚就可以揀比較潤既質地


2)再可倒少少分量手中輕輕拍上面,加快吸收。


3)可於特別乾既位置再加多啲分量,如鼻翼同額頭等位置,以快速補水。

Q:點解上粉會有擦子膠碎出現?

A:如果用啲透明gel狀嘅serum,有機會喺上粉嘅時候會有擦子膠碎,
可以揀番水身少少既serum,如圖中DR.GL同LOVEISDERMA嘅serum,
搽嘅時候都要留意番,近髮鬢同腮骨位位置都要塗勻,
咁就唔會起擦膠碎啦!

Liquid狀精華液

Lotion狀精華液

如果想加強其他護膚功效嘅話,可以搽完保濕嘅精華之後,
再搽其他精華,例如抗皺,緊緻嘅產品。

用之前搖勻,全面噴3次,
再分2至3次橫向式噴喺右邊面(顴骨,嘴到耳朵及下巴線),
完成後立即按摩。左邊面都係咁做法,
最後橫向噴霧1次於額頭再按摩。
等皮膚完全吸收後再用其他Skin Care。


朝早好水腫嘅話可以用一啲瘦面product,
提升返面形輪廓架。

攞上圖嘅份量就夠搽兩邊面架喇。

先按摩頸部,再沿住下巴線位置向上推,
咁就可以去水腫,提升面部輪廓喇。

搽完Serum加埋cream就更加滋潤啦。

大家記得上妝前避免用gel狀護膚品,
最好要揀番cream/lotion狀,
咁就可以避免有擦膠碎既問題出現架啦!

Q:用左以上所有既方法都覺得乾唔夠潤,又點解決?

A:用護膚油按面
如果係極乾皮膚,發覺搽咩都會甩皮既時候,
就可以用護膚油輕輕按下面啦,
或者用黎溝粉底都可以令個妝貼啲添,
按完就會覺得塊面好潤又夠柔軟架啦!


**Makeup base 篇**

呢3款都係lotion狀嘅makeup base,

右邊bobbi brown推開後會變透明,
左邊too cool for school同中間VDL帶少少珠光色,
可以令皮膚睇起嚟更有光澤架!


油性皮膚可以on top再加控油遮毛孔既base啦!
好似以下呢款少少粉肉色嘅遮毛孔base上面後會變透明,
修飾毛孔,同時幫助控油,令妝容更持久架!

**補妝篇**

Q:有時個妝化得好完美,不過香港既夏天實在太熱啦!
都有機會溶妝架!
如果長時間係室外,補妝就成為每日必做既step啦!
但究竟要點補呢?

A:首先要準備支補濕噴霧,如果乾性皮膚就可以揀油水型噴霧,
例如上圖中間個支ETUDE HOUSE既油水噴霧就適合乾性皮膚喇,
旁邊個兩支就係水狀嘅,缺水或者油性皮膚都適用架。

STEP:
1)距離面部約15﹣20cm 噴上補水噴霧

2)用粉卜推開“cake”粉位置

3)推完要再輕輕再壓實

4)係有瑕疵既地方on top再補上粉餅


Q:如果補妝出現甩皮情況點算好?
A:可以用lotion狀既base 拎少少份量推薄再輕輕印上面,
然後上粉就可以啦!

Q:點解我補完妝後會覺得好厚粉?

A:其實大家用粉卜攞粉時,應該用按壓方法攞
千期唔好拖個粉卜!
如果唔係就會攞得太多份量,再上面就會好厚粉架啦!

如欲取得更多第一手美容及扮靚資訊
可瀏覽Girls Talk Main Blog:
www.girlstalk.hk/blogs
或 Like我們的Facebook專頁:
www.facebook.com/janicelammakeup

(版權所有,未經同意不得轉載。)

你可能也喜歡

Recommended