法國濕疹治療之旅 – (3) 21天就能治療濕疹?

網誌

##embed-label-0##

相信大家都好想了解多d 21天濕疹治療之旅既詳情,好了~~21天水療治療之旅 正式開始! =]

很多網友都有疑問,這三星期到底要做什麼? 日日擦下 Avene products? 咁就可以醫到濕疹?

原來一切都係有科學根據的…. 每位黎到 Hydrotherapy Center 既病人,都會有皮膚科醫生跟進,首先第一日就會先見醫生,然後由醫生制定每日既治療方案,然後大約中段及尾段再見醫生,以科學方法跟進每位患者既狀況,留意患者既身體有冇咩變化同埋需唔需要特別治療等等….

每位病人每日係Avene 水療中心,都會大約進行四項 (大約2 hrs) 既療程,當中分為基礎療程同埋提昇療程兩部分,今次我都體驗佐少少,可以簡單話比大家聽感覺係點 =]

基礎療程有三項,基本上每個病人每日都會做既 =]

活泉水浸浴療程:係大約攝氏 32 度既活泉水入面浸20分鐘,透過水流為身體注入力量。

呢個 bath 係冇泡既,你見到圖我浸緊既少少泡其實係水既衝力,因為好似按摩浴缸咁既,坐落去,係背、手、腳都有d 按摩位,感覺都幾舒服幾relax,不過要一提既係,水溫32度左右其實有少少凍凍地 XD 問佐負責人,佢地話係fixed 既,因為呢個水溫係對皮膚病人最好既,其實我地係屋企都應該慢慢調節用呢個水溫沖涼,否則容易刺激皮膚呀! =]

全身淋浴及噴霧:由自動程式驅動,可以提升 Avene 浸浴療程既效果。

做完 bath 之後,有個類似 standing shower 既東東,有好多細噴頭不停噴活泉水係全身,等病人全身都可以再一次感受到霧化佐既活泉水 =]

飲用 Avene 水:成人每天最少飲用1.5公升Avene活泉水。

Avene 活泉水咁珍貴,只有係 Hydrotherapy Center 既病人先可以飲到!Avene 水甜甜地,同飲一般水冇咩分別,就算唔係Avene 水,日日多飲水都對身體好呀! =]

而另外既提昇療程,係針對性療程,針對每位患者唔同既狀況而設 =]

活泉水微細管道沖淋按摩:針對性護理頭皮問題。

有好多人皮膚問題都會生係頭度,呢個treatment 就可以針對性幫到手! 因為之前bath 同 shower 都冇包到頭呀!

高壓淋浴:針對患處,作定位強力沖噴,有效軟化肌膚。

持續30 分鐘重點保濕:用Avene 水噴患處30分鐘,重點保濕加舒緩!

活泉水輕柔噴霧:面部及頸部護理。

呢個我都有試!針對面上既濕疹勁噴,感覺好舒服!=]

活泉水身體裏敷護理:在患者全身塗上Avene 護理精華,以毛巾包裏約30至45分鐘,適用於極度乾燥肌膚。

光學療室:輕鬆安躺,讓身心回復恬靜,而且可以享受sun bath!

除佐以上療程之外~~仲會有唔同既workshop 可以比患者參加~今次我地 join佐教改善問題肌膚的 make up workshop~獲益良多!我黎緊blog & video 都會share 比大家知! =]

整個 treatment period 感覺上都係好relax 的,附近冇咩shopping 地方,只有一個小小的 Avene Village,至今仍保留原有風貌,裏面只有幾家小店。

如果下次有幸黎三個星期,我諗我都一定唔會悶,會帶定好多書同 yoga mat 黎,日日做yoga 睇書靜修,同自己渡假三星期,真係超正!

你可能也喜歡

There are 6 comments

Add yours
  1. francescang

    Hi Tung,

    我覺得佢地始終係西醫, 係戒口上係冇咁嚴格既,
    係Avene Hydrotherapy Center 餐廳內, 我都會見到其他國家既患者食海鮮 / 煎炸野等等…
    但我地香港既患者, 通常都會有”戒口” 呢個觀念, 好似今年既患者悠悠咁,
    佢就曾經做過blood test 既, 佢知道自己有咩唔食得, 就戒果d,
    但聽聞上年的香港患者是自己很嚴格戒口的, 成效好像比悠悠更佳!

    今日我會出post 講埋悠悠既進展, 希望你可以了解多d =]

  2. hannah

    請問Francesca你有冇用開離子導入導出機?
    avene那些產品適用?買有其他較相宜牌子適合濕疹肌膚推介嗎?
    thanks!!

  3. francescang

    Hi Hannah,

    我有用開呢, 我自己早幾年自費買的 Handybio 我覺得很不錯, 不過要用佢既精華導出導入, 所以比較貴! 另外試過haba 都覺得ok, 其他就冇用過了 =]
    不過濕疹期唔好用機呀, 會容易敏感, avene 的products 應該不方便用作導入呢!

    濕疹SKINCARE 牌子我覺得Avene 都算平了 (如果去開法國藥房買, 會比香港平成40%)!
    如果再平d, 就開架brand 但冇咩專係for 敏感肌用既牌子, 純保濕的話我自己用過極潤果d 都ok, 冇敏感, 可以一試 =]


Comments are closed.

Recommended