抗濕疹日記 – (8) 敏感期的急救護膚品

網誌

很多網友在讀過我的抗濕疹日記之後,第一個問題就是:你到底用什麼護膚品的?

哈哈~我只能說,幸好我的皮膚比較少因為skincare / makeup 而敏感,所以身為美容記者的我,是什麼也會試會用的!但當然,當正值敏感期時,我也會有我的急救skincare list! 今次就公開一下吧 =]

先聲明一下~~我所說的極度敏感期,是指皮膚極度乾燥脫皮,紅紅腫腫,甚至是質感像砂紙的時期!所以,這時候的黃金護膚法則就是:簡單! 越簡單就越不會給肌膚造成負擔!因為這時期的皮膚真的什麼也吸收不了喇~用上多昂貴的護膚品也只是徒勞無功而已! 等肌膚狀況穩定過後才回復正常的護膚程序吧!

大家可以看到~基本上圖中就是三個我敏感時會用到的品牌 =]

首先是Atorrege AD+ 的潔面孖寶,數月前我的BEAUTY TALK 也有介紹過了 =] AD+ 是來自日本,針對亞洲肌膚、專為「缺水肌、敏感肌、暗瘡肌」而設的牌子,這兩支潔面孖寶是公關朋友大推給我試用的,簡直是一試愛上!(很好用,好用到我不太捨得平日用,所以放在急救箱中,肌膚真的很差時才拿出來)

這個卸妝的潔面gel,專為敏感期間亦需要化妝的人士(即是我XD)而設,性質極其溫和,是我敏感期唯一用過真的不會刺激肌膚的卸妝品,最神奇的地方是只要把啫喱敷上面部 10 秒,面部化妝即時自動浮出來,之後用水清潔就可以了~記住是乾手乾面使用呀 =]

而潔面泡泡也是很溫和的 (雖然一上面還是有少少少少少少刺痛感),以濃度極高的天然芝蔴油及椰子油作主要潔淨成分,公關朋友教我敏感時,當泡泡mask 用,敷在面上約三十秒後洗掉就可以了!這樣可以減少磨擦敏感中的肌膚,是最好的方法呢!

然後~~Avene 是這一年間愛上的急救skincare! Avene 的活泉水一向也很出名了~但之前其實我一直也覺得,不就是水ma! lol 後來才發現它的好~~~皆因抗敏活泉水含輕量礦物質及豐富矽土,能在肌膚表面形成一層透氣保護膜,具抗刺激、抗發炎功能,更可舒緩及柔軟肌膚,敏感時間最岩用!

皮膚像砂紙的時候,我就會用Avene 水濕敷,公關朋友說直接噴十秒已有明顯的降紅效果,但我不喜歡噴濕其他地方,所以我會先近距離噴在化妝棉上,再放上面上濕敷,濕敷約三十秒就有很好的舒緩效果了!脫皮即時改善而且真的能降紅,砂紙似的質感即時柔軟返~真係掂!

其餘Avene 既 products 我都好愛用! 通常用完Avene 水濕敷一陣後就擦上 Avene cream 就完成我的簡單護膚程序了! =]

最後一個我敏感時愛用既牌子~就係醫學品牌 Kiehl’s 喇!

Kiehl’s 既醫學抗敏舒緩潔面乳 ($305/200ml) 同 醫學抗敏紓緩霜 ($450/75ml) 都係我常用既~兩者都含雷公根同蘆薈成分~可以紓敏同修復肌膚 =] cleanser 係gel 狀既,不含肥皀成分,比較溫和好岩敏感肌用,而紓緩霜都係gel 狀既~如果我夏天敏感就通常都用佢,因為好爽身嫁! (油性肌膚都好岩用!)同埋我好中意用黎擦手手腳腳既敏感,紓緩效果好好! =]

最後~~仲有我幾時都好中意既 Ultra Facial Cream Intense Hydration!

一向都好中意佢地既 Ultra Facial Cream 嫁喇~~今次既新版仲正! Texture 爽身d 之餘仲保濕力強佐,就算係最敏感既日于,擦上面都完全唔會乾緊/不適/刺激,加上敏感皮膚通常都比較乾,我就算唔敏感既日子,素顏時都會成日補塗keep 住保濕~ (我係乾到一個鐘要補一次cream 果種 XD) 呢個Cream 絕對係大愛!因為成日用,所以用得好快,一個月左右就會用晒 XD

好喇~~最後再重覆多次~~真係好敏感既時候~~記得護膚以簡單為主呀!
我既簡易 3 steps就係:
(Kiehls / AD+) 潔面 (包括卸妝) –> (Avene 活泉水) 爽膚 –> (Kiehl’s / Avene) 保濕紓緩面霜

各位敏感(濕疹)既朋友仔~你地又有冇咩其他好介紹? 一齊交流下丫 =] PS* 對了,最近我的雙眼敏感又發作,不幸地又要短期用上含類固醇的眼藥水 T^T 所以這一陣子也不能戴con,要做四眼妹,也會減少化妝,又要讓雙眼多休息,所以對電腦的時間也相對減少…等我好返就會多d update 喇 =]

UPDATE::: 我都拍佐d講濕疹 Skincare 既youtube video~大家不妨去睇下參考下~歡迎subscribe 我地既channel 支持下呀 =]

一般濕疹藥膏都會含有類固醇嗎?

醫治濕疹都可以選擇天然無類固醇的藥膏,編輯就推介了10款適合長遠使用的天然保濕濕疹藥膏,包括韓國MD ATO BAB Soothing Capsule Serum及…詳情請看

濕疹的主要成因是什麼?

濕疹的成因可能是遺傳,又或是過敏反應引起的,例如…詳情請看

你可能也喜歡

There are 19 comments

Add yours
  1. Venus Wong

    見到你這系列, 很有共鳴, 我近這2年臉也受濕疹煎熬, 現有睇自然療法, (醫生在嘉賓大廈), 有搽她給的藥膏, 另用以下: Cleanser: Eminence lemon cleanser; on non-濕疹 area: Eminence Linden Calendula Treatment Cream; 眼也是用Eminue, wild plum eye cream; cleanser 有帶俾醫生睇,她說OK可用; 另也吃清一點, 同作息要穩定, 食SUPPLEMENT, 我一個月去醫生度2次

  2. francescang

    Hi Venus,

    太好了! 謝謝你告訴我, 香港也有自然療法的醫生呢!
    之前我找了很久也找不到, 靠自己意志, 的確很難!
    你現在情況好轉了嗎?
    祝永遠健康! =]

  3. c

    hi Francesca
    我因為濕疹令手腳摺位變得好深色 🙁
    請問有方法解決嗎?你既情況又係點呢?
    THX 🙂

  4. francescang

    Hi C,

    E! 呢個問題我都有呀, 濕疹太中意生係”較”位….=[
    我聽過, 用過類固醇就點都會有色素, 醫生都係咁講, 我都有明顯的色素的….
    我都擦好多保濕cream, 但至於去印…我都努力搵緊方法, 始終都未有太明顯改善,
    等我遲D 再寫blog 講下呢個問題先!

    如果你有好方法, 記得share 埋比我呀! =]

  5. abby

    Hi Francesca,
    你好番既相好鼓勵我!我都係由細到大都有濕疹,睇左好多年中醫,病情叫做穩定但都未好仲係會發
    我係搵[[布緯食療]]見到你個BLOG,準備試架LA
    但你個BLOG只係寫, 介口,介類固醇,布緯食療,做運動
    呢幾樣就另你好番咁多嗎?有無其他耍留意呢?
    多謝你既分享,祝你永遠健康美麗

  6. mary

    hi Francesca,
    我既濕疹有部份生係眼瞼 成日反反覆覆搞到乾晒出晒乾紋, 我想問下你用邊隻眼霜唔會敏感, 同埋保濕力強?

  7. francescang

    Hi Mary.

    我都有呢個問題呢! 純保濕的話, 我自己幾中意Curel的, 平平地, 係萬寧有得賣 =]
    同埋, 我會用d pure moisture 既精華擦埋眼嫁, eg, B5 Gel 果d 呢,
    因為對眼真係太乾! 所以精華都用埋上眼 XD
    最後, 有時間的話, 我會成日補eye cream 的 =]

  8. francescang

    Hi Abby,

    多謝支持呀! 同時間我都好想支持返你! 加油呀! 要相信自己身體一定會好返嫁!
    坦白講, 我而家都係會有小爆發, 同埋呢排轉天氣, 岩岩又飛完去東南亞, 我最近d 皮膚都唔係太好,
    而且係手既濕疹仲嚴重佐好多, 所以, 我都唔係斷尾嫁!

    我試過既方法, 就係你講果d (只係仲有床墊未寫), 再加上勤力護膚! 至於skincare 既選擇, 可以參考返我之前既blog =]
    黎緊我會更加努力做運動, 除佐yoga, 仲會開始做gym,
    我會再親身驗證一下, 運動會唔會可以再進一步令我既濕疹完全復原!
    好快我就會開始報導我做gym既實況, 希望到時濕疹可以再好d! =]

  9. francescang

    Hi Chiu,

    咁你keep 住用AD+ 好了! 始終人人唔同,我都建議濕疹人唔好勁試skincare, 用岩既繼續用就最好了! =]

  10. Jo Hui

    Hi Francescang,
    thanks to share your information and 我的濕疹由去完3月歐洲回HK 開始在面上,之後看了一次西醫,
    用了一點類固醇,之後沒有事,但3星期前忘記西醫advise 去做Hot yoga !再一次引發全面.
    之後去西醫又比類固醇肓及口服藥. 好了一星期,又出了來.
    我現在都怕了類固醇,再加上看了你post 知道類固醇之後問題,更加緊.
    多謝你share 你經歷,我現在都乖乖記supplyment / Flax oil / 用天然方法對抗/介口
    至於布緯食療,我都要再了解一下再付之實行
    我的工作都是需要見人,臉上生濕疹是令我完全失去自信
    我都在search 天然療法doctor,如果進一步未改善,我都會去找此類doctor 看一下.

    此仍慢性病,需要自己help 自己 !
    各位姐妹要加油!!

  11. francescang

    Hi Jo,

    加油呀! 事實上自然療法既效果一開頭會好慢,甚至反彈,比西醫效果慢100 倍!
    但為了身體健康,也沒有辨法 =[

    你有試過看中醫嗎? 我覺得中醫加針灸應該是很不錯的選擇 (雖然我自己都未有正式長期睇一個中醫去試)

    生上面真的超煩,又令人超傷心無自信! 好憎好憎! 有時我仲會羨慕果d 生係身既朋友仔! 不過都冇計….希望你的情況快快好轉吧! 好似你咁講, 你at least 大約知道自己咩事發濕疹, 咁樣預防上黎應該容易好多!

    加油加油! =]

  12. CC

    Hi Francesca,

    我塊面原本有少少敏感,所以試吓用Avene ge產品,點知用左Avene ge 再生cream, 三重修護及補濕cream吓面之後,塊面拿拿地,跟住就敏感得好勁,又紅又痕。請問你有無出現呢個情況?
    Thanks!

  13. francescang

    Hi CC,

    如果是這様, 我覺得你停用好了!
    始終護膚品都有分適合同唔適合, 我岩用未必你都岩用嫁!
    我濕疹選護膚品第一條rule 就係唔應該有刺激的, 你記住快d 轉了!!

  14. kelvin

    Hi
    我想問下如果男士(有濕疹:( )係咪都需要用到果枝潔面gel?
    同埋如果我本身有枝avene既cream(唔記得係咪保濕)
    可唔可以代替到個面霜?

    Ps.唔太熟悉護膚品 希望可以解答一下 thanks

  15. Melmel

    Hi Francesca,
    多謝你嘅分享!
    我都係由細到大都有濕疹,面同身都有..尤其是對汗特別敏感,做運動一出汗就發,真係好煩!請問有咩方法可以減少對汗敏感?
    面嘅濕疹就多數出係個嘴唇&附近位置..攪到好乾同好多唇紋,有時仲好以唔見咗條唇線…已經成日用潤唇膏但係都好亁。請問有咩方法改善呢?
    Thanks a lot!

  16. francescang

    Hi Melmel,

    對汗敏感我諗好難改善喇….
    不過你可以準確定濕毛巾擦汗,因為乾毛巾其實係帶唔走d 汗水既,用濕毛巾先可以完全清潔而唔係擦乾佐就算….
    你對汗敏感既意思係會痕定真係會即刻發? 我諗正常人有汗都會痕痕地,我都會,但唔會堅敏感,所以我都keep 住做運動。

    潤唇膏我都係勁擦的,如果市面上既都改善唔到你既問題,你可以試下d 手工既潤唇膏,
    上網search 下有d 小店賣有機既手作lip balm,少d 化學成分,因為有d潤唇膏成分會令咀唇更乾的,可以試一試 =]

  17. francescang

    Hi Kelvin,

    男士清潔都要做足呀,就算唔係Avene 都要用溫和既潔面product 呀!
    至於面霜,我覺得你用落舒服,可以舒緩到就ok 了!
    唔一定要係我推介果隻既! 但當然,唔係好識簡的話,都係用返呢類抗過敏牌子會安心d! =]


Comments are closed.

Recommended