不經意的魅力即UP大法
圖片來源︰網上圖片
「點先可以將魅力提升？」
最近有個閨密問小婉子呢個趣到爆嘅問題。
提升自己魅力無非係為咗吸引自己心儀嘅男人，留下一個好印象。好多女生以為低胸、短裙就等於魅力提升，咁就大錯特錯！
女性嘅魅力，係由內到外散發出嚟，亦唔需要刻意營造，有時不經意嘅點綴足以將女人味 level up，不如今次小婉子同大家share女生不經意嘅魅力即UP大法啦！
- 靈魂之唇
無論你化得有幾厚妝、眼線畫得有幾粗或者平時化淡妝、素顏，只要搽上唇膏，就可以令整體感覺唔同晒。女生嘅嘴唇好多時都冇乜血色，自然色調如粉紅色或橙色已經可以easy care，最好揀啲有滋潤功效令嘴唇感覺更水潤，對住咁甜美嘅嘴仔，有邊個唔想鍚啖先？
- 誘人體香
自然散發出嚟嘅香味，若靠近一點點，甚至只係刷身而過，聞到陣陣幽香已令人回眸。小婉子鍾意用有香味嘅body butter令自然體香提升，好似呢隻來自英國嘅body butter，係rosehip seed oil加cocoa butter，用完成個人香噴噴，夠晒醒神！
如果覺得body butter唔方便，小婉子會選擇喺外出前為自己添上香氛油，呢隻perfume oil不含酒精成分，適合對酒精過敏嘅朋友，而且oil比spray更天然，香味更持久，淡淡麝香比少女水果甜味及花香惹艷味來得更自然，散發你嘅優雅味道。
- 柔滑纖手
不經意嘅接觸，柔軟潤滑嘅觸感令人想捉得住、拖得緊。轉季嘅時候，雙手好容易甩皮，hand cream絕對係乾燥救星。小婉子平時會用呢支無香嘅hand cream，更可以搽埋個body，真係靠佢一支打天下！最緊要係非常滋潤，可作hand cream或hand mask使用，對濕疹好有幫助，亦能舒緩甩皮問題。
鍾意有花香味嘅人可以揀呢隻hand cream，除咗牡丹，仲有薰衣草、櫻花等香味，柔軟嘅纖纖玉手散發淡淡花香，個個都想拖你隻手仔啦！
- 潤滑秀髮
洗頭水廣告成日同你講，想有一段美好愛情係需要一把柔順秀髮，雖然唔知係咪真，不過健康秀髮的確能令人留下深刻印象。小婉子比較鍾意用天然嘅椰子油作hair mask，洗頭前先用椰子油搽勻頭髮，大概半個鐘後就可以沖洗，然後再做番正常洗髮程序。椰子油擁有高營養價值，令頭髮更柔順、更強壯健康，咁天然嘅保養方法喺屋企都可以做到，又駛乜成日俾咁多錢出去做hair treatment呢？
