夏季新娘大變身-個人造型(1) 日系田園風VS爽朗少女

網誌


上次大變身share左一啲group shot相,
見到大家係facebook度投票好踴躍,
真係多謝大家支持呀!~
除左有兩隊對疊之外,
仲會有最喜愛個人造型獎,
total會有6位變身主角 ,
今篇會先介紹兩位主角出場,
之後隔日都會有其他主角陸續出場,
大家可以睇完我地三篇既介紹先投票都唔遲呀~


當日大變身主角都好開心,
有D係已婚人士,未婚人士,連學生都有,
之前佢地都覺得新娘造型都係一式一樣,
好似copy A妝,B妝咁,
佢地都無唸過個造型可以襯番自己次餘又可以有咁大變化。


第一位變身主角叫Kitty,仲係一位學生,
佢自己鐘意耐看既妝容同自然髮型,
希望第時睇番啲相都唔覺得out。
因為佢自己從來未著過婚紗,所以都好想試下,
佢亦好想試下唔同既style,睇下邊款適合自己。
Kitty外表感覺非常young,
我地有考慮過如果將佢既頭髮咁快扎起曬感覺會好成熟,
而佢比我地既感覺係好sweet,好清新,
好有日系feel 。

Kitty本身頭髮好黑,髮量都唔算太多,
而今次揀呢個造型都係較外國田園式風格,
配合番自然大波浪頭,
我地既髮型班導師呀Jan本身係識花藝,
所以佢都準備左好多鮮花整飾物,
今次就為Kitty用小雛菊整左花環同介指營造年輕少女感覺。

其實Kitty曾經都參加過我地既個人化妝班,
我地都知道佢好鐘意笑,
不過我地今次唔係想show佢sweet一面,
反而想show佢cool既一面,
所以故意叫佢影相時唔好笑,
出黎既效果少女得黎帶點型格feel,
Kitty 皮膚偏深色,所以妝容方面就揀左珊瑚色tone,

珊瑚色tone既妝容好百搭,無論皮膚白定深既人都岩用架。

第2個look就幫kitty梳左個鬆低髻,
如果梳得好滑好工整,感覺就會太斯文而且老成,
面部旁邊兩側既頭髮都係專登放落黎,感覺較casal,
營造好鬆好有空氣感既感覺,
如果新娘揀係日頭充滿陽光既地方擺個酒會用都好適合架~

Kitty唔係專業model,不過佢擺pose都算有板有眼,
唔講真係無人知佢係第一次玩bridal shooting呀!

第二位變身主角係Elaine,
第一眼見到佢覺得佢個人好爽直,好清新,
佢頭髮屬於中短長度,去到腮骨邊左右,
頭髮無乜layers,所以設計佢個髮型時都有啲難度,
如果set得太曲,感覺會幾師奶,
好多朋友都以為短頭髮梳唔到好多造型,
所以結婚前專登留左好耐長頭髮,
到最後都發覺唔岩自己。

其實短頭髮都有好多種唔同玩法架,
好似今次Elaine 9 1分界,髮尾彎外,
而家好多外國或者韓日artist都好鐘意整呢類髮型,
感覺好清爽,
我地為佢準備左紫色紅掌花,
呢種花都好特別,襯出黎型格得黎唔太女性化,

Elaine膚色中等,今次妝容方面就揀左用偏啡橙tone,
大家如果想化型格類既妝都可以用啡橙tone既顏色,
出黎就無咁少女。

而第二個造型,我地就為Elaine設計左個長髮look,
如果短髮新娘唔想咁辛苦留長髮,
都可以叫化妝師當日幫你加假髮,
今次我地都係set左個以鬆同空氣感feel既髮型,

感覺會更加young,前陰位置都會番啲,
妝容方面因為我地覺得個妝都好岩佢,
所以只係加粗左上、下眼線,
雖然只係轉左少少部份,但望落去就已經好唔同,好精神呀!
大家唔洗咁心急投票住!可以留意埋另外4位主角既介紹,
再mark定自己最喜愛造型,
之後我地會開post比大家投票,
係芸芸投票者之中,我地會抽一位幸運兒得到豐富既獎品添~

如欲取得更多第一手美容及扮靚資訊
可瀏覽Girls Talk Main Blog:
www.girlstalk.hk/blogs
或 Like我們的Facebook專頁:
www.facebook.com/janicelammakeup

你可能也喜歡

Recommended