(護膚篇)我的安心自家 Facial with Handybio

網誌

近來濕疹也算穩定(雖然間中都有少紅腫),但今個夏天最大的困擾是勁生粒粒!!之前都有寫過了,不知是類固醇的後遺症還是膚質的轉變,向來不生粒粒的我,發瘋地狂生!而家Keep 住面上會有兩至三粒大粒粒,然後有很多暗粒,就是自己摸上去有凹凸不平的觸感,有時都有d小白頭….呀救命 T^T 向來是乾性肌膚的我不擅於處理暗瘡問題呀 T^T

好想趁濕疹穩定,好好地去護理皮膚其他問題~但~我們這種又有濕疹又敏感的妹妹~是很難出去做facial的!
敏感人應該很明白當中的痛苦….一來,便宜的facial 問心也知道用料不會太好,簡直是搵塊面去搏!加上我地容易敏感,真係搏唔過嫁!寧願自己係屋企敷下mask好過用d平價化學野上塊面啦!而貴價既機facial,都有機會敏感喎,我們可憐的脆弱皮膚,比太多野佢食/用機刺激都是會敏感的,真難搞 T.T
之前我有試過很推介的中藥FACIAL,可是也不便宜,要六百至八百一次,效果是極佳的,但長期做也有點大負擔呀….(有興趣的話再FB 私下inbox 我吧)

所以呢~我是會自己定期在家做一個小FACIAL的 =]

最近的愛物就是Handybio機,事實上這不是新機了,我第一次接觸佢,都好似係六至七年前了!當時我仲未入行,是自費購入這部機的!當時點解買呢?就是見到beauty bloggers們都大推,而且導出的效果十分驚人,所以還是買下了 XD 果陣用已經覺得好正,雖然成套野都唔平,但效果係好好既,但後來因濕疹不斷不能用,就停用了好幾年…最近終於拎返出黎用!

簡單而言,它就是一部離子美容機,作用是導出和導入的~導出就是把毛孔內深層的污垢導出,導入就是把精華素送入肌膚底層吧~而離子美容機的原理就是利用「異性相吸」的原理,導出深藏毛孔的污垢,亦利用「同性相拒」的原理,將不同功效的離子精華素導入皮膚深層,因為吸收效果比就咁擦上面高好多,就能於短時間矯正皮膚各類問題喇。

用呢部機另一個要點就係:一定要配合他們家經離子化的精華液!有d牌子既機話可以配合其他精華用,但其實離子導入是很深層的,試想想你平日用既精華,如果有化學物質/重金屬等等,咪一齊入佐皮膚?同埋如果精華冇經離子化,根本就做唔到「異性相吸」、「同性相拒」的原理吧!而我為佐解決痘痘問題,現時用的就是三款精華,包括導出用的毛孔潔淨精華 EX、淨痘去印精華及極致補濕精華了。

(請到下一頁看我的Facial Steps 吧 =])

首先當然是要洗面後才用機,必須先卸妝和潔面,最近用的都是介紹了N次的 AD+ 潔面孖寶。

然後用「蒸溜水」沾濕無菌有機棉 (也是他們家出品的) ,再弄至八成乾,把濕棉花放入Handybio機準備。

先做的是導出程序,Pump 3 下 Deep Clear EX 塗勻全臉,另加3下於濕棉花上,然後開機!將 Handybio 啓動至(-)極及開至 5 度,係全面超輕力滑行五分鐘就完成導出程序,重點想清潔的位置可以定點停留,同埋眼位都是定點好了,不要過份拉扯,記住最後做埋頸位。五分鐘內,一感到棉花啜面就要再加精華,一般 5 分鐘內應大約多補2-3 次(每次 3pump),肌膚愈乾或剛開始使用 Handybio 初期會愈吸得多。
*官方建議永遠都用5度的,但我試過好敏感時用唔到咁大度數,只用到2,而家皮膚穩定但都比較薄,開5會有電流感,我不太喜歡所以keep 住用4。

導出的效果十分明顯,如果棉花變啡色,那就是代表肌膚有化妝殘跡;若是變灰色,就是油脂污垢了。一用就知道自己到底有幾污穢 XD 本來我見自己唔係好污衊,就諗到搵媽咪試!因為我媽咪是只用清水洗面的,但佢皮膚表面又超好喎!所以就打算睇下佢係咪真係咁乾淨….結果….XDD

然後在導入前,要洗臉的!千萬記住要先洗面呀,你也不想把導出的污垢再一次帶入皮膚吧XD

再重新一次濕棉花,然後倒入精華以相同的方式作導入就可以了。我自己現時是先做五分鐘的淨痘去印精華導入,再做五分鐘的補濕精華導入的,方法跟導出是完全一樣的,也是用負極就可以了。而導入的時候用同一塊棉花就可以了,中間也不用再潔面。

我的文字描述未係好詳細,想知多d 可以睇呢條Handybio既官方video =]

完成後,塗上保濕面霜鎖水就可以了,最近我愛用的是9°Beauty 的ENARY甲殼素鑽顏靜肌水潤面霜,質感好輕盈水潤,夏天用不易生粒粒ma! 而甲殼素成分具抗敏保濕功效外更有促進細胞再生的功效。

(請到下一頁看我的用後分享吧 =])

這一個月我都keep住一星期用一次Handybio,每次steps都是一樣的,我只能說即時效果已經好好!會立即feel到毛孔收細,肌膚變得好滑好柔軟,是前所未有咁水潤!坦白講,因工作關係,多貴成分多高級的護膚品都試用過了,這個導入效果是用上數千元護膚品都冇咁好的即時效果,是因為導入能最直接深入肌膚吧!

而我最大的暗粒和暗瘡問題,雖然真的不會用一次就立即好返晒,但明顯暗瘡的復原速度是高了很多!試過有粒超級大瘡在面上成兩個月都唔退,用了機兩次後就慢慢消了!始終解決暗粒都不是一朝一夕的事,我相信繼續用下去效果會更加好的 =]

但需要提醒的是:敏感期間不可以用的!!所以我停用了好幾年,要皮膚穩定先可以用啊,千萬別心急!

最後我想說,Handybio跟 AD+ 也是同公司的!想試Handybio 或者是AD+,一定要去有美容顧問的專門店或專櫃呀,美容顧問們會好細心咁講解點用,仲可以試用後先決定買唔買,我覺得這間公司的產品,除了成分好,用法都十分重要呀!一定要學識正確的護理方法,反正又唔洗另外比錢學既XD

PS* 有讀者反映新版的BLOG 留言好不方便,加上send e-mail 有時又會彈去垃圾郵件搞到好耐先睇到,我開了一個facebook page,會紀錄我的日常美容生活,大家可以隨便去睇下 & 留言呀 =] (FB Search: Francesca 濕疹美容日記 Link: https://www.facebook.com/Francescanbeauty)

你可能也喜歡

Recommended