20:00-21:40/21:50-23:35

網誌

睇完一點也不失樂的《少女失樂園》

戲癮大發,放工跑到百老匯電影中心連睇兩套戲,太肚餓的關係,入場前買了一個魚柳包入場,全場幾乎爆滿,一個人坐在角落一路睇一路食,晤尷尬之餘好開心。第一套戲是《少女失樂園》(《An Education》),女主角靚女、情節風趣又幽默,令人會心一笑亦呱呱叫大笑,心情靚爆離場,可惜另一套卻叫我大跌眼鏡… …

上位 24歲英國新晉女星嘉莉慕萊根(Carey Mulligan),在《少女失樂園》首次擔正已好評如潮,靚女又好戲,作為女生的我也俾佢迷到神魂顛倒,她更憑《少》陸續俘虜各大影展,又獲本屆金球獎(如無意外亦會有奧斯卡)影后提名,不難成為2010年最耀眼影壇新星。

如果現實中有一個大你十幾廿年的男人追你,你會晤會中招?

失望而回

因為喜歡《少女Juno日記》,所以不妨看看這位名噪一時的Ellen Page,即《滾逐青春》(《Whip it》)的女主角今次有乜驚喜,但好可惜,片長約1個半小時,超過1小時覺得悶,雖然拍攝的劃面豐富也吸引,但電影橋段老套到極,大部份意料之內的「有無搞錯」,配音用舊歌不是問題,但又令人覺得娘,就算無expectation都希望有o的fun,茱芭莉摩亞﹝Drew Barrymore﹞處女執導,一句講晒失望而回。

Ellen Page活力依然,不過成套戲7剩都係踩Roller等關於滾軸的鏡頭,無踩Roller好耐嘅,晤多晤少都俾佢悶親!
睇青春劇鍾意睇靚仔靚女,呢個男配角晤靚仔、晤有型、演技又差,角色仲要扮浪子式的有型,真係睇到兩額汗””。

你可能也喜歡

Recommended