難得唔『娘』的聖誕裝飾
又到聖誕~又到聖誕~做雜誌這一行的，每年都要經歷兩次聖誕節，因為每到11、12月期間more都會預早為大家準備聖誕送禮、派對look和派前妝等專題特集，雖然每次完成拍攝及交稿之後都有種錯覺以為聖誕已到，不過好處是可以寓工作於娛樂，在精挑貨品或道具的時候，同時可以為家人挑選禮物，絕對省時方便。哈哈！
前天經過海港城Zara Home，發現新上架聖誕裝飾比一般紅紅綠綠金粉銀粉的佈置更有趣，不同在設計上比較簡單，以淨色為主（最近有去過太子花墟的應該見過那大巨型擺設，幾尺高閃粉雪人、兩呎乘兩呎大金粉星星掛飾，簡直『娘』到極），而且難得有銅金色、木色和水泥灰色的擺設，不過家中地方淺窄，加上有三隻暴獸，所以我只集中看掛飾，盡量將損毀機會減至最低之餘方便收拾嘛！
個人最鍾意這個灰tone木質雀鳥掛飾，因為雀仔線條似像童話角色，加上周邊穿星星、圓珠，如果你like agnes b的話，你都會覺得靚。一套三件 $149
鐵皮製森林動物圖畫掛飾，又係跌落地好嘈，不過阿仔好鍾意。一套三件 $99
Zara Home 尖沙嘴海港城港威3205-06號舖 2880 5068
