捽腳子懶人料理 (3)：萬能調味料★鹽漬檸檬★

呢樣野來自摩洛哥，整時唔使5分鐘，但保存得好就可keep足幾年，
沙律、意粉、燒魚、炒肉通通都可派上用場！
因此被譽為萬能調味料，名叫「塩レモン（shio remon）」，鹽漬檸檬是也。

材料得兩樣：●檸檬　●鹽（參考：5個檸檬對75g〜100g鹽）

做法只需將檸檬洗淨抺乾，然後切好（為左方便整唔同料理我又切片又切件），

然後將檸檬同鹽梅花間竹咁層層疊放入密封瓶，
放入雪櫃（每日上下反轉搖勻一次效果更好）1星期後就用得，1個月出汁後就更好用，
（其實應該塞滿佢會好啲，我個樽太大檸檬太少⋯⋯聽日要「補倉」）
（;￣ー￣A ｱｾｱｾ･･･

「鹽漬檸檬」嘅人氣勁到喺YAHOO! JAPAN檢索「塩」下面就即刻彈出「塩レモン」，

佢嘅好處係：
檸檬經過發酵，佢嘅酸味同鹽嘅鹹味會互相緩和，
同時更有效地有帶出食物味道，換句話來講用佢來煮野食係有「減鹽效果」；
加上發酵食物嘅乳酸菌可促進新陳代謝，達到美肌功效；
仲有好重要一點就係材料夠平！

講多無謂～
且看一星期後我用佢整到啲咩懶人料理！　（*￣ 3 ￣*）ワクワク