失望的過江龍亞坤
香港美食之多，有時真係唔使飛都吃到世界美食。
不計外國不少名廚如Jamie Oliver及Gordon Ramsey都來開店，不少地道連鎖店都愛在香港落戶，最新有兩間來自新加坡的名店，一間SELL八色小籠包，另一間是KAYA出名的亞坤。
今日午巿趁熱鬧，走去排隊試亞坤, 早有心理準備要排隊，估不到是餐廳不大混亂卻不少。
由於餐廳採自助式，但又無得留位，不少人排完隊買野食又搵唔到位，而且只是排隊柯打及等飲品，但因為員工極不熟習所有運作，平均都要等上四十分鐘鐘才柯打到，主食更是要等送上枱，明明快餐式經營吃來卻是一頓fine Dining的時間。
唔……..其實這些混亂都算了……..食物質素才是王道 !!
亞坤，實在是每個去過新加坡的人都會識的，十年前去新加坡做旅遊採訪時佢早已成名，近年分店開了在不同的國家，第一次來香港，不過我全程都聽到前後左右不同食客的抱怨，全部都是關於食物味道。
排咁長隊，當然一次過叫多幾款同朋友分吃，我們點了咖央牛油多士、凍啡走、水煮蛋、喇沙、海南雞飯及河鮮炒河粉。
基本上出名的食物都點齊了。
先說喇沙，可惜唔記得影相。喇沙湯底其實尚算OK，夠辣夠香，不過奇在居然說賣晒米粉，用上瀨粉，完全索唔到湯汁……..
再來是水煮蛋，看圖便知。
雖然是Soft Boiled，不過比起新加坡的生太多了，很難吃到蛋白呀，而且我這碟算是還好，我見到隔鄰的更生…..
其實我也知不應在亞坤吃海南雞飯的，不過也要試一試，油飯吃落比賣相好，曾以為非常乾硬化，不過入口是爽身的。不過那幾件海南雞，太老又無味，叫人太失望了。
低處真係未算低, 我們等了很久才上枱的海鮮炒河粉。
我知道新加坡式的屬濕炒，不過，這個芡汁多到變湯河，是想怎樣?
全餐飯我聽得最多的是別人說: 「吃過呢次以後唔來」, 在競爭激烈租金勁貴的香港，雖然亞坤的食物都唔算勁貴，不過要捱得住可不是只有名聲就可以。
如果你都打算冒險一試，地址如下︰
尖沙咀漆咸道南45-51號其士大廈地下
