閨蜜决裂 反目成仇 閨蜜决裂 反目成仇

閨蜜决裂 反目成仇 7大旅行易中伏位

網絡熱話

又到新一年,小編最期待當然又是放大假之後同班閨蜜死黨一齊去個旅行happy吓。話晒去旅行是大家返工的源動力之一!不過同閨蜜去旅行,是對彼此友情的一大考驗!去完無事,順風順水的,感情一定大躍步。但如果旅行期間,大家日嘈夜嘈,仲想開拖咁款,大家的感情真是可以講定句gameover了。難怪旅行永遠是閨蜜間的一大考驗!分分鐘旅行後 閨蜜决裂 反目成仇 ,還老死不往來。

旅行7大易中伏位 隨時反枱無friend做

1. 向左走向右走 行程不一最後各有各玩

一班死黨揀得個地方去旅行,大家當然對成個旅行行程各有各期望。但你估個個都可以咸魚白菜也好好味咩?小編試過遇著friend子去旅行,朋友A又想去shopping;朋友B又想去瘋狂掃街食食食,點知朋友C仲跳脫,想狗衝回酒店開枱打麻雀。結果最後大家就一個向東一個向面西,大家試就各有各玩。而小編見勢色不對,風頭火世,唯有一路向北閃人避一避先。最後,大家都冷戰左半年先敢計劃下一次旅行。

閨蜜决裂 反目成仇
(圖片來源:《流星》劇照)

2. 生活習慣下同 清癖遇著個污糟怪

有些人不論在家還是身在旅行時的酒店,都要執拾得井井有條。當然有人要乾淨,緊會有人鐘意夠亂夠hea!試過有個輕量潔癖的朋友仔遇著個污糟怪,不論換衫時將污糟衫飛到成地都是,還要食完野唔執放滿成張枱,沖涼仲要沖到水浸咁款,最後回港後發誓老死不往來。

閨蜜决裂 反目成仇
(圖片來源:《流金歲月》劇照)

3. 興趣不一 一個要瘋狂掃街shopping 一個要瘋狂up相做文青

旅行總會遇見人生千百態。有人去旅行為的是瘋狂購物掃到爆喼都未捨得停手;有人就影足十萬九千張相都未心足,一個景點影到成日文青相,仲要瘋狂打卡洗版up相。試問咁樣仲唔火星撞地球咩?

閨蜜决裂 反目成仇
(圖片來源:《閨蜜》劇照)

4. 日落西山先起身 行程乜都miss晒

一個早起遇著一個叫極都唔起,咪話唔驚。試過去日本book左去京都著和服,點知一個叫極都唔識醒。最後和服就著唔到啦,一個全程面黑黑,一個全程粒聲都唔出,齊齊你眼望我眼。最後未一個瘋狂whatsapp 同朋友呻,另一個就全程當對方無到。

閨蜜决裂 反目成仇
(圖片來源:《海岸村恰恰恰》劇照)

5. 行半步就呻攰 演變耆英酒店團

身邊總會有種人,行兩步就呻攰,行多幾行就話會踎底起身見頭暈,行足半日直情攞佢命三千!最後,未天未黑就要返酒店休息,日日留在酒店休息仲多過落街。另一個如果遇著個精力超旺盛的,必定日日自己偷偷地閃出去玩,獨留另一個於置於酒店繼續休息。

閨蜜决裂 反目成仇
(圖片來源:《三流之路》劇照)

6. 一個事事計到盡 一個樣樣都想走數?!

人生總會遇到有人去旅行食乜做乜都好,樣樣都拎住部計數機計啊計啊計!當然,有人識事事計到盡,當然有人會有方法去走你數啦。試過有朋友去旅行去到一肚火,回港後一呻夜呻呻足七日七夜咁款!事源朋友A同朋友B去旅行。A君是種樣樣都精打細算仲講求AA計相當衍爭的人。偏偏B君樣樣都話遲吓再計遲吓再計,結果遲下遲下返到香港都未計好數

閨蜜决裂 反目成仇
(圖片來源:《閨蜜》劇照)

7. 行程零參與 點知去到要求多多

最後,人生最怕當然是遇著一個計劃行程事乙都無所謂。傾親都話:「是旦啦!我無所謂wo~」點知去到就知中大伏出晒事,去到邊都要求多多諸多不滿,仲要為左遷就佢一個將行程臨時左改右改。即刻明白點解有人成日都話:「通常自稱自己是最無所謂,都是最有所謂!」

閨蜜决裂 反目成仇
(圖片來源:《社內相親》劇照)

最後,旅行只不過是短暫幾日,但死黨間的友情是一世!希望大家去旅行順風順水,唔好火星撞地球。

撰文:Tsz圖片來源:《社內相親》、《海岸村恰恰恰》、《三流之路》、《閨蜜》、《流金歲月》、《流星》劇照

你可能也喜歡

Recommended