首爾動物 Cafe | 同 羊咩 去散步
羊咩 向來是動物界親善大使，雖然佢哋係電影《Zootopia》飾演奸角，但都無礙羊咩係我心目中天真無邪的地位架！今次記者飛到首爾出差，估唔到竟俾我係弘大街頭撞到2隻羊！原來佢地來自區內的Thanks Nature Café！
老闆為咗讓更多人更容易親近大自然，便開了這間 羊咩 Café，讓人零距離摸羊羊。不過礙於空間有限，所以店內只能養2頭約半歲大的羊咩BB，當他們長至1歲，便會送回江原道的農場繼續生活。
唔講唔知，原來照顧呢2隻羊絕不簡單，老闆每朝都要帶牠們散步半小時，仲要邊行邊掃地，因為羊咩原來會不斷邊行邊屙屎架！記者有幸跟老闆放羊，當頸帶束在頸上時，牠們超興奮發出「媽媽」聲之餘，還不斷拉你行快啲！記者為趕及牠們步速，竟跑起來，最狼狽係2條手帶被牠們弄至糾纏不清，需出動老闆幫忙處理。
不過，在鬧市中能聽著咩咩聲，確係好治癒呀！我仲瘋狂到請羊咩咩「咩」幾句，並設為電話鈴聲呢！
咩！每年7-9月我地都會搬回江原道農場娘家避暑，所以想探我記得留意官網。
不過大食妹記者最關心，都係有咩食！
Quattro Waffle是招牌菜，材料超豐富，有士多啤梨、藍莓、香蕉和奇異果，配上香脆蛋味重的Waffle，令人口水狂流，好食，建議2人開心share。₩12,000/HK$80
可請店員為你拉一杯羊咩樣的Latte。₩5,000/HK$33
Thanks Nature Cafe땡스네이처카페
地址：首爾 麻甫區 西橋洞486 號地下1樓121號（서울 마포구 서교동 486 대우푸르지오상가 지하 1층 121호）
電話：+82 -2-335-7470
營業時間：11:00am-11:00pm
交通：乘地鐵2號線至弘益大學站9號出口，再步行8分鐘。
Facebook: tncafe
有什麼餐廳適合慶祝生日或週年紀念？
香港其實有很多特色餐廳，即睇：打卡餐廳Cafe推介／海景餐廳推介／香港酒吧高質推介，適合打卡，又是情侶拍拖、慶祝生日、紀念日，甚至閨蜜聚會的好去處！
有什麼拍拖好去處推介？
情侶約會可以去這拍拖好去處，既玩味又能滿足女生愛打卡的要求。在特別日子到影相好去處拍照留念都是很好的選擇！另外也可到Art Jamming、Tufting，最後可以去按摩店放鬆身心。
