MUJI 無印良品 旅遊小物選~9件必買旅遊產品best pick
想去旅行開心順利，一件旅遊小物可能已經幫到你。行簡約路線嘅MUJI 無印良品 有一個TO GO系列，主打輕裝出遊。當中有都係以簡單、輕便為主嘅舊產品，亦有新奇又有創意嘅新產品。我哋就精選咗9件必買產品，大家齊齊睇下適合自己用啦！
Edit：jj｜Source：新假期
01 多用途頸枕 NECK CUSHION
頸枕可以話係旅行嘅必須品，要搭長途機就當然啦，即使短線旅行，搭車或者等候期間都可以用到佢。市面上有好多不同種類嘅頸枕，咁點解都要推薦MUJI嘅頸枕呢？正正就係佢顧名思義「多用途」！而對摺頸枕方便收納，亦可以套於行李箱手柄上。仲有，同普通充氣頸枕唔同嘅係佢以豆粒填充而成，無印良品仲話好似帶左豆袋梳化山街一樣。想知係咪真係咁舒服，不妨試一試。
02滑翔傘布料旅行掛勾袋 HANGING POUCH
呢個袋可以袋住瑣碎嘅護理用品，例如牙刷、爽膚水、洗顏用品等。而值得一提嘅係個掛勾，入到酒店掛起就搞掂，唔駛攤哂出嚟搞到亂七八糟。另外，佢採用咗跣水物料，咁就唔驚整濕哂啲嘢喇。貼埋個袋都有啲detail位，例如拉鍊、橡筋，個設計都幾細心。顏色選擇有杏色、灰色、寶藍色及黑色。由即日起至4月10號，仲有8折優惠！
03便攜式洗晾套裝 LAUNDRY SET
長途旅行或者出trip，少不免行李入面會有大量每日需要清洗嘅內衣同襪。呢套kit除咗有晾衫架同專用收納袋，仲有埋洗衫板，夠哂實用！畀你可以自己清洗貼身衣物貼晾衫，一條龍服務。
04 潔齒濕紙巾 TOOTHBRUSHING SHEET
唔知大家有冇試過搭長途機想刷牙，但係水龍頭壞咗冇水？我試過，我真係試過！MUJI出咗呢隻潔齒濕紙巾，可以方便清潔牙齒，咁就唔需要牙刷，亦都唔需要香口膠。
05 驅蚊濕紙巾 INSECT REPELLENT SHEET
驅蚊產品見得多，濕紙巾都係第一次見。驅蚊功效唔知高唔高，但$22有12張，平平地都可以買嚟試吓嘅。
06 防曬濕紙巾 SUNSCREENING SHEET
當我以為有防曬噴霧已經好先進嘅時候，MUJI竟然出咗防曬濕紙巾。防曬系數係SPF12 PA＋，防曬力其實都幾低，好處就只係夠方便囉。
07 便攜式鋁質晾衣架 HANGER
其實一般酒店都會有晾衣架，但自問有潔癖嘅話，呢個便攜式鋁質晾衣架就啱哂你。喺佢簡約嘅外表之下，仲可以摺疊，方便攜帶。
08 便攜式衣服黏塵棒 CLOTHING CLEANER
黏塵棒貼樣唔係咩新發明，不過又係採用摺疊設計，帶出帶入都好方便。外形大小十足十似支無比敵。
09 旅遊行程 CHECKLIST
所謂好嘅開始就係成功嘅第一步，將要帶的東西寫在清單上，確認沒有遺漏的東西以後，就出發啦！
有什麼餐廳適合慶祝生日或週年紀念？
香港其實有很多特色餐廳，即睇：打卡餐廳Cafe推介／海景餐廳推介／香港酒吧高質推介，適合打卡，又是情侶拍拖、慶祝生日、紀念日，甚至閨蜜聚會的好去處！
有什麼拍拖好去處推介？
情侶約會可以去這拍拖好去處，既玩味又能滿足女生愛打卡的要求。在特別日子到影相好去處拍照留念都是很好的選擇！另外也可到Art Jamming、Tufting，最後可以去按摩店放鬆身心。
