環球影城

關東關西大對決 迪士尼 環球影城 齊15周年

生活品味

東京迪士尼海洋 大阪 環球影城 齊齊15周年
關東關西大對決

Text | 今日七七子
Edit | Kingyo

雖然這日本關東迪士尼海洋同大阪 環球影城 這兩個樂園你可以都去過……但是今年3、4月兩大樂園齊齊踏入15周年,一年間的慶祝活動隨即展開,有新遊戲之餘,仲有大量期間限定商品,就算去過都好心動!點揀好?其實可以跟根據樂園特點及個人偏好選擇。

踏入15周年,迪士尼海洋大變身,甫進場已見到象徵「走到未來」的巨大船隻,大大隻寫住「15」的大旗在門前等你合照。以米奇家族為首,大家換上藍色閃爍航海制服,準備帶你殺入商店街。而一向人氣爆燈的Duffy及公主系列,推出數十款以印有15周年logo的限定商品,極度吸引。活動方面,迪士尼海洋由今日至2017年3月17日,每日會有以「WISH」為主題的花車衰遊、米奇劇場表演及花火等,算是迪士尼例牌菜單,但我本人一向受落。

迪士尼海洋僅有一次15周年,當然趁機推出大量限定商品,其中可跟花車巡遊互動的手燈叫人心動,加上今次一系列海洋藍色商品,都好難慳住玩。

深受大中小朋友歡迎的Duffy,當然趁15周年慶祝一番。


我最愛儲爆谷桶,記得入場前CHECK清楚最想食口味在場內哪個位置,一氣衝去買下心頭好。

甫入場就見到米奇隊伍等待大家一齊起航。

東京迪士尼海洋(Tokyo Disney Sea)
入場費:一日成人券¥7,400
網址:www.tokyodisneyresort.jp/special/tds15th/
交通:東京舞濱站下車步行10分鐘或轉乘迪士尼綫
15周年活動至2017年3月17日
閱讀更多:清新假日散步「 東京蚤の市 」

同樣,近兩年入場人數直迫迪士尼樂園的大阪環球影城(USJ),踏入15周年,以「RE-BOOOOOOOOORN」為口號,叫大家要入場出盡力玩,找回童真!由侏羅紀公園園區的全新機動遊戲「飛天翼龍」揭開周年序幕,這個暫列世界最長及最大高低差的俯身飛行過山車,得到國內外傳媒瘋狂介紹,我睇到個心都寒一寒,但喜歡刺激既朋友,一定要去挑戰下!而4月中開始,哈里波特園區亦加入新玩意,只要手持特別魔杖,即可於園內指定地帶施展魔法,更可參加魔杖學習班。身為哈里迷既我覺得環球影城一日實在玩唔晒,加上新世紀福音戰士、進擊之巨人、BIOHAZARD 及人氣歌手きゃりーぱみゅぱみゅ(KPP)主題遊戲,買定7項遊戲fast pass是明智之選。講開又講,環球影城都有推出Hello Kitty、芝麻街、Minions及Snoopy聯乘的限定商品,唔好錯過!

近年深受歡迎的大阪環球影城亦開始了15周年慶典,個人認為需要3日2夜去造訪所有園區。

15周年會有以RE-BOOOOOOOOORN為題的花車巡遊。

搞笑又可愛的Minions應該有唔少大小FANS搶住合照。

長駐大阪環球影城的HELLO KITTY、芝麻街同Snoopy夾堆Minions齊齊推出全新限定商品。

閱讀更多:追櫻首選!北海道 新幹線 開通



帶點瘋狂的RE-BOOOOOOOOORN系列商品,有冇帶你尋回童真?

剛剛新加入的機動遊戲「飛天翼龍」,屬試膽機會,不容錯過(膽小者企定睇下就算喇)。

好想買下呢枝互動魔法棒,好似HARRY PORTTER一樣施展魔法。

大阪環球影城 (Universal Studio Osaka)
入場費:一日成人券¥7,400
網址:www.usj.co.jp/
交通:大阪環球影城站下車
建議大家事前購買FASTPASS加快遊玩速度,由¥3,900至¥13,200。

延伸閱讀:

▲期間限定! 去東京 Snoopy 博物館大出血

▲率先睇!銀座新地標 TOKYU GINZA PLAZA

有什麼餐廳適合慶祝生日或週年紀念?

香港其實有很多特色餐廳,即睇:打卡餐廳Cafe推介海景餐廳推介香港酒吧高質推介,適合打卡,又是情侶拍拖、慶祝生日、紀念日,甚至閨蜜聚會的好去處!

有什麼拍拖好去處推介?

情侶約會可以去這拍拖好去處,既玩味又能滿足女生愛打卡的要求。在特別日子到影相好去處拍照留念都是很好的選擇!另外也可到Art JammingTufting,最後可以去按摩店放鬆身心。

你可能也喜歡

Recommended