潤肺止咳

轉季必飲湯水! 潤肺止咳 「鮮百合 蓮子豬骨湯」

女性健康

早幾日見有朋友仔介紹用鮮百合加蓮子一齊煲湯,話好飲得嚟又好有益。聽就已經好吸引,所以我就買齊材料煲靚湯啦! 鮮百合 我都好鐘意食,不過多數用嚟炒肉片當一個餸嚟煮,因為爽口得嚟又好有益,對肺部係有好好呀, 潤肺止咳 。

Text:小小豬的成長日誌|Photos:小小豬的成長日誌

原來將鮮百合同埋蓮子一齊煲,功效可以清熱、寧心、安神助眠同埋潤肺止咳。好似中晒我要補補嘅嘢,所以我又點可以唔即刻煲嚟飲呀!

材料:

鮮百合1包、乾白蓮子約30粒、豬骨約$40、粟米及紅蘿蔔1條、蜜棗4粒、南北杏2湯匙及果皮1小塊~

 

做法:

鮮百合切去頭尾啡黑色部分,逐塊剝開洗淨~

豬骨洗淨汆水,果皮浸軟刮囊,蓮子、蜜棗及南北杏洗淨備用~

粟米及紅蘿蔔刨皮洗淨切大塊~

 

煲內放3L水,然後加入果皮開始煲~

待水滾後加入所有材料,用大火煲半小時~

之後改用中火煲1.5小時~

最後落少少鹽調味,熄火後就飲得啦~

由於啲鮮百合都已經煲到溶晒係湯入面,再加埋啲白蓮子,所以啖湯都有啲奶白色。不過顏色都唔係重點,入口勁香百合味,而且仲超級甜,真係飲多幾碗都唔嫌多呀!

如何改善經痛?

相信不少女性除了有經前症候群外更受經痛影響,中醫推薦經期保養湯水,有助補氣活血、益腎暖宮。除此之外,使用人氣暖宮貼都有效改善經期不適。經後調理一定不能忽略,學會補血食療,每個月都能過得輕鬆!

有甚麼補身養顏方法適合女性?

很多女性都有手腳冰冷的問題,適當的進食補血氣食物及飲用三棗茶,便可以促進血液循環補氣血。除了身體健康,女性更追求白滑皮膚,紅石榴汁功效可助抗衰老及美白,是很好的天然保養品!

你可能也喜歡

Recommended