半島包場慶祝46歲生日 黎姿甜蜜全家福曝光
凍齡索媽黎姿(現名黎珈而)退出娛樂圈後，一直做賢妻相夫教女。早年細佬黎嬰因車禍受傷，一向顧家嘅黎姿仲分身兼顧埋細佬嘅醫學美容生意，今年更成功將美容王國上市，身家暴升5、6億，聰明能幹又賢慧，真係好到一個點！10月1日是黎姿的46歲生日，獲老公馬廷強為佢於半島酒店舉行一個盛大生日party，除了黎爸爸、黎媽媽同細佬黎嬰外，三個寶貝女7歲大孖家蔚、細孖家鎂，以及5歲孻女Pegella，同樣著住雪紡白裙仔現身，最有趣嘅係三姊妹都遺傳咗媽媽眉粗粗眼大大嘅特質，真係唔驚失散搵唔番！
黎姿 甜蜜全家福曝光
在生日飯局上，黎姿穿上了高貴的粉紅色晚裝，而三位千金亦以白色小晚裝示人，非常可愛。黎姿一向重視家人，但較少公開女兒的正面照，而這張由好友貼出的合照有齊Gigi父母、丈夫馬廷強、胞弟黎嬰、以及三個愛女，可說是罕有的全家福！
溫馨之家
在黎姿悉心嘅教導下，三姊妹都精靈乖巧，自小培育出對音樂嘅修養，尤其喜歡拉小提琴，更不時出席晚宴表演都不會怯場，絕對有媽媽黎姿嘅風範！而黎姿丈夫馬廷強的契姐也大讚黎姿賢妻良母又顧家，擁有非一般嘅內在美！
黎姿姊弟情深 14歲出道養家
黎姿現在生活美滿，但其實有著一段刻苦的過去。她出身於演藝世家， 爺爺是香港電影之父黎民偉、嫲嫲是香港第一代電影明星林楚楚，理應衣食無憂，身嬌肉貴，可惜天意弄人，爺爺嫲嫲雙雙去世後，家境愈來愈差，一家人由大屋搬細屋，那時全家開支只靠黎姿媽媽一人開小貨車。加上父親小時候曾患腦膜炎，導致聽力不好，有時還要住院。為了支付父親昂貴的醫藥費、賺錢養家以及供弟弟上學，她中三還未畢業便已經出道拍戲，成為家庭的經濟支柱。
黎姿一向與弟弟黎嬰非常親近，疼愛弟弟的她就算花光拍戲賺回來的錢，仍然堅持送他出國深造。之後弟弟遇上的一場意外，更讓黎姿作出一生中最重要的轉變…
2007年，黎嬰遇上嚴重車禍，作為胞姊的黎姿雖然十分心痛，但為了照顧弟弟，不惜在事業的最高峰時宣布息影，並退出演藝圈。為了給黎嬰圓夢，黎姿更擔起他的醫學美容生意，由零開始，學習管理公司。經過10年打拼，黎姿將細佬黎嬰嘅醫學美容生意搞得有聲有色，今年更成功將公司上市，兼任集團主席兼行政總裁。
事業家庭兩得意
現在育有三女的黎姿生活低調，甚少出席公開場合，但從日常生活照看，這位大美人依然零死角，絕對稱得上為美魔女！黎姿現為卓珈控股集團有限公司的行政總裁，去年她的身家更暴漲7億元，贏了財富、贏了從商經驗還有愛錫她的家人，絕對是苦盡甘來。成為了幸福少奶奶，又有一盤成功的生意，Gigi心情當然好。她表示一直最重視健康和家人，希望來年一家大細都繼續溫馨下去！
有什麼Netflix、Disney+推薦及必睇劇集？
為大家整理一下截至目前為止小編追過的Netflix影集清單，必睇Netflix電影或劇集片單；Disney+方面，則可以一看電影片單推介。
