胡說八道會

胡說八道會 ! 胡定欣 充當閨蜜攝影師

娛樂資訊

胡說八道會 幾位成員早前出發去拍攝旅遊節目,陀住六個半月的杏兒與姊妹齊齊飛澳洲,據知杏兒想趁唔飛得前玩番夠本,而且成班姊妹齊人出埠係千載難逢機會,怕第時BB出咗世,未必有呢個機會﹗所以難得齊腳當然要玩得盡興,加上有胡定欣做埋閨蜜攝影攝,有美食,靚人加靚景,點可以唔開心share,等觀眾葡萄一下。

text: 東方新地, Cherie |edit: Cherie | photo: 東方新地,胡杏兒IG胡定欣IG黃智雯IG胡蓓蔚IG姚子羚IG

胡說八道會 齊人飛

原本 胡說八道會 成員在機場準備出發澳洲,獨欠黃智雯,黃自稱臨時有工作在身未能同行,姊妹們失望之餘以公仔替代她,黃智雯突然在澳洲出現送驚喜,最終齊腳同遊。

出發前,杏兒接受訪問口話老公唔擔心:「有班姊妹照顧我,老公都放心﹗」實情係老公同身邊人比她憂心,好友透露:「阿Phil(李乘德)最初仲想陪飛㖭,反而杏兒最老定,因為佢問過醫生意見,keep住檢查知自己同BB狀況非常好,而且去澳洲大約八個鐘唔算長,而且坐頭等!另外好多航空公司規定,懷胎28周上機就要出示醫生紙,當然杏兒可以順利上機。

杏兒被姊妹爆日日跟老公緊密聯絡,鏡頭外杏兒的確機不離手。

胡杏兒 結婚年半報喜,而且一索得男,不過周身郁冇時停的杏兒就算陀B,堅拒停工待產,八號風球下依然風雨不改去做訪問。近日 巨肚杏兒 更與「 胡說八道會 」其餘五位成員,飛澳洲拍攝旅遊特輯,本身工作狂的杏兒,難得姊妹齊腳出遊,兼夾包食住玩,杏兒挺住六個半月巨肚照飛,出發前,更掃成車靚衫,keep住每日靚樣型look見大家, 巨肚杏兒 誓要做個最靚大肚婆﹗

胡定欣龍友上身 攝影技術大師級

現身在澳洲的 胡說八道會 成員 胡杏兒 、胡定欣、胡蓓蔚、姚子羚、李施樺、黃智雯,難得可以出遊,雖然是工作,但由於拍攝以飲飲食食為主,大家當玩多過開工心態,不時網上直播拍攝情況,胡定欣龍友上身,拿住專業相機為大家留倩影,杏兒如表演時裝騷,靚衫每日一look,更一起入廚兼夾玩姊妹爆大鑊,又安排蒲吧,杏兒講笑話:「呢次拍攝冇任何危險動作,最危險就係去酒吧結識異性,最期待定欣有冇艷遇。」幸福少奶奶杏兒,最想姊妹們都得到幸福。

胡定欣攝影技術絕對唔講得笑,幫姐妹們影的每一張相都好似雜誌封面,旅行時有個懂攝影的好閨蜜絕對是所有女生夢寐以求的事。

胡大師不得了!

胡杏兒 陀巨肚 老公想陪飛

胡杏兒 同老公李乘德一直恨做父母,儘管杏兒陀B初期反胃又冇胃口,體重不重反輕,不過未有嚇怕杏兒,更望為夫家生多幾個,建立一個大家庭。5月母親節時陀B四個月的杏兒,終於對外公布喜訊,經歷孕吐後身體狀態回勇後,杏兒再度活躍起來,不但中港兩地開工,更跟老公出埠旅遊。原本這次胡說八道 去旅行 杏兒老公也想跟著飛,不過見到咁多個 胡說八道會 的好姊妹照顧佢,就不用太擔心啦。

杏兒陀B健步如飛

未出發先興奮,成班姊妹日日在群組傾行程,胡定欣帶備專業相機,胡蓓蔚、姚子羚自備三點式泳衣準備留倩影。胡杏兒就於出發前掃衫,上周二(25日),杏兒先到酒店high tea,之後就出發進行港九掃衫大行動,名店一早為熟客杏兒準備一袋二袋衫,堆積如山,要店員及助手以手推車搬上保母車。

杏兒不但未有停工待產,一有時間就相約友人相聚,上周二就到擺酒時的Ritz Carlton酒店high tea,歎足接近兩小時才離開。

貪靚杏兒陀B後,打扮依然一絲不苟,懷孕初期出event腳踏高踭鞋,平時亦未有改穿平底鞋,呢日穿上兩吋厚踭短boot,上落車唔使人扶,步履輕盈。

上圍升級 步履輕盈

陀住六個半月慈姑椗的杏兒,身穿全黑貼身衫,上圍升級、肚凸凸,但面及手未如一般孕婦的臃腫,步履依然輕盈,跟陀B前沒大分別,陀得輕鬆的杏兒出巡半天未覺攰,掃貨後再會合老公撐枱腳,為未來兩星期見唔到老公,見番夠本。杏兒為到澳洲十天拍攝旅遊特輯準備大批靚衫,歎完tea就出動掃貨,戰利品多到要用手推車搬上保母車,巡完九龍名店再殺落中環,滿載而歸、塞爆車廂。

杏兒陀B飛唔停

陀B初期身體不適的杏兒,待陀B四個月穩定後,孕吐現象消失,立即再度活躍,除了中港兩地開工,又跟老公四圍飛。杏兒在5月母親節公布陀B喜訊,當時懷有四個月胎的杏兒,跟老公重遊蜜月之地馬爾代夫,兼夾拍攝第一輯孕照,到杏兒陀B五個月再跟老公李乘德飛英國探親,厚厚外套下,杏兒一啲都唔似孕婦。

陀B五個月的杏兒跟老公李乘德飛英國探親。不過飛還飛,身體要緊,杏兒都要加倍小心呀!

胡杏兒曾為老公霸氣反擊網民?

胡杏兒事業心強,而令老公不幸「遭殃」,外界出現不少質疑男方工作能力的抨擊,更有網民留言直指他是「軟飯王」。胡杏兒十分心痛,在社交平台用英文千字文反擊,不但認可老公的工作能力,更加…詳請請看

胡杏兒老公李乘德有什麼「馭妻術」?

胡杏兒和老公李乘德不時都會在社交平台放閃,而趁著今次到大阪二人世界,李乘德除了一連Po了10張胡杏兒的旅行照,更在發文中大方分享3招珍藏」馭妻術

你可能也喜歡

Recommended