男星出軌

婚紗背後的真面目 捕獲15大男星出軌回顧

娛樂資訊

「身為一位公眾人物,為何總會覺得自己做錯了事可以輕易過關呢?」,就算你不怕老婆都會要面子、會有廉恥之心,至少都不想別人戴有色眼鏡看待你。不過以下這15位男星的心態就較特別,他們不怕老婆之餘,更覺得自己偷食時食隱身術,不會被人發現。一於回顧下這15位男星出軌的事蹟!

Text:東方新地、venusos |Edit:venusos| Photo:東方新地、電視截圖、weibo、instagram

婚紗背後 捕獲15大男星出軌回顧

第1位 洪天明-疑似偷食慣犯

洪天明偷食的緋聞已經不是第一次傳出(多得要另外寫一篇「洪天明你真識食!」文章回顧)。數天前他又被拍出疑似於上海偷食帽子女,早前才在電視前與太太曬恩愛的他,上節目時說:「我知道我忽略了你,我會安排更多時間陪著你。」,看來今次都有排陪了。

car.cari

2014年疑似偷食內地模特兒杜顏嘉

youtube

youtube

最近,疑似在夜店蒲完後與一位帶帽子女生上酒店房的片段流出。

第2位 鄭俊弘—疑似賤男

鄭俊弘被爆有富貴未婚妻偷食何雁詩,何雁詩與日韓混血兒男友Wataru分手後,一直都未有新戀情,直至跟Fred一同出埠拍攝無綫節目《這個冬天不太冷》,朝夕相對下擦出愛火!打得火熱的兩人早前主唱劇集《我瞞結婚了》主題曲〈真心真意〉,拍MV時頻頻當著工作人員面前打情罵俏。另外Fred又不時去到女方位於大埔滌濤山的豪宅度春宵,更因為試過太嘈吵而被鄰居投訴!最近兩人又被拍到用倒鈎鐵狗鏈放狗,果然是「愛狗男女」!

鄭俊弘有個富貴未婚妻

阿Fred同何雁詩兩人都係上位中的大台藝人,形象健康,愈來愈多機會喺不同劇集亮相,似乎有機會成為另一對受觀眾認同的情侶藝人!不過有報道大爆其實阿Fred有個已經收埋三年的富貴女友,佢更在15年向女友求婚成功!女方一家無論生活定感情上都對阿Fred照顧周到但男方就唔知足去偷食,搞到何雁詩變成了第三者!

(嘩~這張合照真是…看下去你便會明白!)

深圳求婚成功

早於2014年7月一個船P上認識由外國讀完船回港的富家千金,Fred暱稱對方為Beebs,據知兩人好快就打得火熱,去到見曬家長的地步。一年後的2015年7月31日,兩人為慶祝拍拖一周年,包了七人車去到深圳瑞吉酒店,並book了一間兩層複式房間,不過book房同埋單都係由女友負責。去到凌晨12點,Fred就突然換上禮服手執戒指求婚,Beebs亦當場答應!

旅行女家俾錢

既然阿Fred同Beebs都打算結婚,女方家人都當正佢係女婿一樣,每次一齊家庭旅行唔係坐頭等就係商務客位,就算係旅行使費,對方都唔會問阿Fred攞番;而近年沒有工作的Beebs亦專心替未來老公打理家中大小事務,由飲食到愛犬都照顧得無微不至,似乎係個賢妻喎!

Uber出事

不過去到今年二月時,情況開始有變,阿Fred同何雁詩拍完〈真心真意〉MV後,突然對Beebs態度有變、忽冷忽熱。一晚阿Fred相約未婚妻到自己愉景灣屋企玩煮飯仔,本來話自己會9點返到,點知最後話要開會搞到凌晨四點先到家,女友一早已經瞓咗。翌日Beebs如常替阿Fred處理單據時,發現對方開咗個新Uber戶口,見到佢凌晨3點由大埔滌濤山去中環碼頭,付款人仲係一個「Stephanie Ho」開頭的戶口!

發火刪除訊息

據知Beebs即時大興問罪之師,不過阿Fred不斷強調同何雁詩只係朋友,而Beebs亦一時心軟原諒對方,之後更煲咗愛心湯去男友愉景灣寓所。點知Beebs當時就發現阿Fred冧滋滋咁同何雁詩講電話,於是要求Check電話,阿Fred見事敗就即時大發脾氣話唔俾,仲delete曬自己同何雁詩的Whatsapp紀錄,不過同何雁詩的大量通話紀錄就仍然喺度。吵完大鑊後,據知阿Fred最後承認係鍾意咗何雁詩,而Beebs亦終於睇清未婚夫的真面目!阿Fred捱咗咁耐先上位,事業剛剛叫有起色,依家就爆出一腳踏兩船負面新聞,睇怕都幾難收科……

第3位李潤庭—背妻偷食

李潤庭早前背妻偷食搞到離婚兼停工,做咗雙失中佬。

無綫《東張西望》主持李潤庭(Eric)早前被爆偷食人妻空姐,隨即引起公憤。事後更揚言「太太一早已經知」,口出狂言。因此除了被封為賤男外,更被網民洗版式唾罵。李潤庭召開記者會交代事件。記者會中, 李潤庭直指今次是自己一個人的錯,並多次向家人及太太致歉,指太太此刻的決定是離婚。

偷食人妻空姐

當時李潤庭被爆趁任職空姐的太太Crystal出國工作時,不止一次與小三當街激吻摸Pat Pat,更公然一齊搭港鐵返屋企。李潤庭明目張膽帶小三登堂入室。新聞爆出後,小三極速被起底。小三Tiffany竟然是老婆同公司的前空姐同事,事後李生不但沒有認錯,竟口出狂言指太太事前一早知,再度辣㷫全港市民。

即召開記者會

李潤庭返電視城被照肺,隨即召開記者會交代事件向家人、太太及受影響的人道歉。他說這件事完完全全係佢一個人嘅錯,所以覺得自己應該行出嚟一力承擔。

離婚 分房瞓

事情發生後,佢話老婆對佢只有「失望同傷心」。被問到會唔會離婚,佢就話自己完全沒有選擇權,因為自己錯曬,要讓老婆話事。而自己喺呢一刻絕對尊重老婆決定,話佢可以選擇離婚或者繼續在一齊。而在記者追問嘅情況下,佢先答老婆呢一刻嘅決定係離婚,而兩人雖然仲一齊住,但就冇講嘢,而且係分房瞓。

激嬲父母

最後李生再次向外父外母同雙方家人道歉,因為令咁多人面對呢個咁尷尬情況,佢都唔想發生。問到自己父母有冇責怪自己,佢就話未聯絡父母,父母亦都冇搵佢,直言應該係嬲咗自己。有記者再次追問有關小三Tiffany嘅事,問佢識唔識何生(即Tiffany老公),佢就即時起身拆咪離開記者會。

第4位周永恆—極品人渣

自認係人渣嘅世紀賤男周永恆(Roy)與趙頌茹(Yu)結婚不過4年,育有2個女兒,但去年突爆婚外情,事緣阿Yu揭發人渣偷食,小三正是Roy模特兒公司拍檔、港視小花劉依靜(Ruby),同時人渣Roy家暴阿Yu,期後人渣Roy話想同阿Yu復合,但轉個頭又反口話要離婚同爭撫養權;更登阿Yu娘家家門,吐口水用粗口辱罵外父外母,並以WhatsApp恐嚇殺死妻女及自殺,涉嫌刑事恐嚇被拘捕,最後法庭裁定普通襲擊罪成,大快人心!近日周永恆又曬新女,真係睇下好得幾耐。

周永恆近日又因為女兒贍養費問題同前妻趙頌茹發生爭執,真係死性不改。

第5位陳浩民-淫狼代表

2011年被《東方新地》爆於橫店拍劇時藉醉狼吻陳嘉桓,又對佢上下其手,搞到要攜即將臨盆嘅太太蔣麗莎開記招,聲淚俱下向陳嘉桓道歉!在眾目睽睽之下,陳浩民硬拖著大肚妻子蔣麗莎上演大龍鳳不特止,短短7分鐘記者會中,浩民一哭二鬧三鞠躬四道歉,臨走時還作狀發軟蹄,要大肚妻攙扶,結果扮死狗失敗,更被網民罵個體無完膚!

事過境遷,蔣麗莎好好生養,為陳浩民先後誕下三女一子,希望陳浩民真心悔改做個好老公好爸爸!

第6位 彭順— 賤男導演

去年5月,彭順背住李心潔於圓方同26歲o靚模李悅彤(Liddy)密會,期間兩人肆無忌憚當眾拖手、啜嘴、搣胸、搭膊、攬腰乜都做齊,偷食斷正,彭順被網民鬧爆兼狂插係賤男。醜事曝光後,彭順即飛往馬來西亞箍煲,有傳心潔得悉事件後傷心痛哭,最後彭順與心潔就事件一起作出回應,而心潔最終選擇原諒老公,心潔咁大量,實在難得!

不過之後彭順都好似修心養性,李心潔更為老公誕下一對孖仔,二人不時在網上大曬cute 爆仔仔

第7位陶喆-小三小四輪住玩

正印江佩蓉

「地上最強小三」楊子晴

大波舊相好陳心瑩

台灣音樂才子陶喆今年年中被爆出軌,偷嗒「地上最強小三」楊子晴,陶喆求台灣正印江佩蓉原諒,以為佢會改過自新,點知又被揭帶爆乳女返家斷正,原來小四係26歲、曾露兩點演出情慾片《3D肉蒲團之極樂寶鑑》嘅34E台灣奀星陳心瑩,陶喆與陳心瑩於酒吧中狂歡,兩人飲得酩酊大醉,有指陳心瑩同陶喆係舊相好,五年前更同陶喆秘戀!短時間內兩受打擊嘅正印江佩蓉雖然嬲爆,但事後竟同陶喆和好如初!

第8位扮好男人 羅嘉良

03年男方轉投寰宇,北上大陸發展,夫婦聚少離多,感情進一步轉淡,撈家決定分居,並在08年初辦理離婚手續,正式結束28年情。有傳當年離婚係因第三者介入,撈家雖然否認,但相隔半年,撈家就宣布跟內地演員蘇岩將於9月結婚後誕下女兒,佢覓得第二春就開心,但有報道指前妻生活為供樓同養仔,一份炒蛋多士分開兩餐食,慳得就慳。

第9位 專搞花旦 馬德鐘

馬德鐘素有「花旦殺手」稱號,先後跟郭可盈、陳慧珊、佘詩曼、郭羨妮等傳緋聞,爛蒲爛玩,多年來玩女無數,曾氣得老婆攜子出走法國,豈料06年竟趁一支公冇王管,拖秘密情人Katherine遊埠偷情,Katherine姓彭,當時同馬德鐘夜蒲邂逅,明知佢有妻有兒,仍甘願搭上隨傳隨到,關係一直維持約兩年,至遊泰斷正、馬德鐘太太回港一段時間後才被迫斬纜,而馬妻張筱蘭最終仍重投老公懷抱!

第10位人如其名 吳忠義

司馬燕老公吳忠義(Togi)早前被爆5年前已搭上內地小三Summer Sun(孫君子),司馬燕當時得悉姦情後,大受打擊屈出癌症!在老婆抗癌期間,Togi背妻跟Summer藕斷絲連,甚至趁老婆留院時,經常飛去北京會小三,令司馬燕身心受盡折磨,認真唔要得!

至近日事情峰迴路轉,Togi發聲明認曾同小三Summer拍拖,但已於今年9月分手喎,點都好啦,老婆屍骨未寒就搞三搞四唔要得!

第11位 拋妻賤男 陶大宇

最近「壹號皇庭」重播,曾經是一代師奶殺手的陶大宇都試過因為偷食導致身敗名裂!陶大宇同拍拖多年嘅太太黃寶慧搞離婚,當年盛傳介入做第三者嘅就係「狐妮」郭羨妮,大宇為咗呢段情放棄大好形象,成為負心賤男,可惜最後都分手收場,最離奇係大宇曾再翻撻前妻,過住「兩公婆」的生活,更加衰得到處微笑郭羨妮是娛圈蕩花,這些就是反轉豬肚,各位女士,認清這種賤郎喇!

第12位 小器賤男 溫兆倫

溫兆倫臭史甚多,最經典係96年同陳梅馨離婚時聲稱對方有外遇,向法庭申請要陳梅馨賠10萬補償,又食又拎令溫生喺香港人氣插水,轉戰大陸多年後,返港發展又搭上郭羨妮,呢段感情亦都喺所有人唔睇好嘅情況下結束,「狐妮」亦被一沉百踩。黐過呢位「賤男」嘅,都睇嚟絕冇好下場。

第13位軟飯餓郎 林文龍

林文龍一直被傳扮好仔,實質經常偷食,蒲玩多過工作,靠老婆郭可盈養成頭家,結婚多年屢傳婚變。09年5月被踢爆偷食內地女星董維嘉,被人影咗相之餘重有一段疑似林氏夫婦嘅電話錄音。兩人開晒記招澄清,之後可盈大肚,卻傳出文龍豪賭輸錢50萬。又嫖又賭,呢種賤男點幫?

第14位新世代陳世美陳山聰

2011年,陳山聰為追賭王千金何超雲,竟不惜跟47歲太太PonnyYeung(楊渡萍)離婚,當年山聰為氹超雲開心,被傳媒踢爆同超雲於澳門酒店共度浪漫一夜,順道慶祝超雲22歲生日,更花數萬元送花送Chanel氹佳人。山聰期間除冧掂超雲之外,連賭王同三太一關都過埋,有指「獲得」賭王多次催婚。佢以為坐定粒六做硬何家女婿,點知於2013年,有報道指二人於倫敦炒大鑊,結果陳山聰變番窮山聰,入豪門撻Q!

第15位 羽壇奧運金牌愛打友誼波 林丹

運動員一向給人正面的形象,但這位中國羽壇奧運金牌林丹(超級丹),就被揭穿在太太謝杏芳大肚臨盆時背妻偷食環球旅遊中國小姐冠軍趙雅淇。兩人在酒店打得太火熱了忘記拉上窗簾,因而被內地狗仔隊拍下「友誼波」過程。雖然林丹事後認錯,但是誠信與在體壇多年的努力都被這件事影響了不少。

2009年環球旅遊中國小姐冠軍–趙雅淇

有興趣了解天明有多識食的人不妨click入去看看:

「你真識食!」盤點洪天明7位世界級質素緋聞女友

有什麼Netflix、Disney+推薦及必睇劇集?

為大家整理一下截至目前為止小編追過的Netflix影集清單,必睇Netflix電影或劇集片單;Disney+方面,則可以一看電影片單推介

有什麼必睇劇集?

不少美劇都被稱為神劇,小編整合了一系列必看美劇推介。當然,不少得韓劇陸劇台劇BL劇推薦。

你可能也喜歡

Recommended