王浩信陳自瑤

超級暖男愛妻女如命! 王浩信陳自瑤 甜蜜5件事

娛樂資訊

王浩信在《不懂撒嬌的女人》中,飾演Saving哥一角,迷倒一眾女生。近年在多部劇集例如《樓奴》、《EU超時任務》、《致命復活》等都有令人讚好的表現,但其實他早在12年前出道,打拼多時近年可說是捱出頭來。戲內,Saving哥是一個對結婚有恐懼的男人,但戲外,他不止不懼怕婚姻,還愛妻女如命,小編就跟大家看看 王浩信陳自瑤 婚後恩愛至今的秒訣!

Text:Sunday Kiss|Photo:微博﹑Instagram﹑新傳媒資料室﹑Sunday Kiss|Edit:希彤

王浩信陳自瑤 拍拖3年修成正果

王浩信 (Vincent)和陳自瑤(YoYo)2008年時於拍攝廣告時認識,兩人一拍即合,但由於Yoyo比Vincent大兩歲,所以當時外界不看好佢哋呢 pair姊弟戀。然而拍拖3年後,Vincent於舞台劇完場後向Yoyo求婚,更特地挑選11年11月11日11時11分完婚,所有謠言不攻自破。到今 時今日都甜到漏,真係好羨慕啊!

其實,Vincent和Yoyo在臨近結婚前,都經歷過一些波折,相信不少人也記得Vincent有不少花邊新聞,甚至曾被雜誌揭發帶model謝芷蕙 (Cammi)約會及過夜的事件,當時一度傳出Yoyo生氣得要取消婚禮。不過,二人最終決定結為夫妻,婚後一直恩愛至今,相信這就是人們所說的浪子回頭金不換吧!

長期處於「小別勝新婚」狀態

Vincent 接受訪問時話因為兩人工作繁重,見面時間唔多,長期處於「小別勝新婚」狀態,所以一見到面就會好掛住老婆,每當情人節、生日、週年紀念日等大時大節,更會把握機會同Yoyo做返 啲情侶會做 嘅事,所以結婚6年佢哋都仍然好似熱戀中咁sweet。由於Vincent放咗好多時間喺工作上面,所以唔使返工時,佢格外珍惜同老婆囡囡相處嘅時間,只要唔使拍劇就會留喺屋企陪佢哋,不時又會為老婆送上小驚喜。

留住男人個胃 王浩信 激讚老婆

唔講唔知,原來Yoyo除咗靚之外,煮嘢食都有一手!Vincent話:「太太煮嘢食好叻,家政攞好高分,呢樣亦都係佢對我嚟講好大嘅吸引力。我最鍾意食卡邦尼意粉,我同佢去過一間酒店餐廳食,佢就可以煮返出嚟,個味仲要係一樣嘅!真係好厲害!Pancake、甜品、蛋糕佢都整好多,好有天份!」

大小情人 互相呷醋

當 提到快將5歲的小情人囡囡王靖喬(QQ),Vincent顯得特別興奮,女兒果然是爸爸的前世情人。事實上,Vincent極度寵愛他的「小情人」QQ, 指以往 有時因此忽略「大情人」Yoyo,以前老婆會有少少呷醋,覺得自己被分一杯羹,當然一切都係只出於愛,好快就已經雨過天晴。同樣地,有時Vincent可 能想錫老婆時,囡囡亦都會呷醋,更試過同佢講錫媽咪之前要鍚佢先。

自從囡囡出世後,Vincent更變成Family man,把拍劇以外的時間留給家庭。他笑說囡囡好聰明,「依家啲小朋友真係好聰明,佢同我年代嘅小朋友好唔同,佢開始識氹我笑,成日照顧我,搭住我膊頭 話:『今晚睇你啲戲啦!』又會成日同啲同學仔講:『今晚有我爸B啲戲啊!』幫我做宣傳,好得意啊!」

想追返個仔

Vincent 話想追個仔,湊個好字,他笑說:「不過湊仔很辛苦,但老婆品種優良,我會好好把握。」佢仲話鍾意多啲人喺屋企,有一個小朋友就要有時間教育佢,陪伴佢,呢 樣嘢同我工作有衝突,所以都要好好計劃。YoYo就希望小朋友之間年齡不要相隔太遠,不過生仔生女就要睇緣份啦。

有什麼Netflix、Disney+推薦及必睇劇集?

為大家整理一下截至目前為止小編追過的Netflix影集清單,必睇Netflix電影或劇集片單;Disney+方面,則可以一看電影片單推介

有什麼必睇劇集?

不少美劇都被稱為神劇,小編整合了一系列必看美劇推介。當然,不少得韓劇陸劇台劇BL劇推薦。

你可能也喜歡

Recommended