[化化妝]化妝工具的清洗❤數款清洗方法分享
[首圖故事]
其實我不太確定這篇分享應該放哪個category~~~XD
首圖是不是很壯觀???
但事實上這些化妝掃只是冰山一角
((((關於收藏了哪些化妝掃，還是改天開文再講吧~~~ ヾ(*・∀・*)ノ
基本上每一、兩個月的周末，我家客廳就會出現首圖中的情景
齊齊洗白白～～❤
唔知大家多久洗一次化妝掃／粉撲
Angel我個人算有少許潔癖，加上雙魚座非常愛down to details嘅性格
所以粉撲每次都會轉乾淨的部分使用
化妝掃只要有一些沾黏塵埃，看起來有點「白霧霧」的，
就會洗一下
皆因大家試想想，
我們的肌膚每天都會自動分泌油脂，
粉撲和化妝掃每天在臉上和化妝品上來回沾取、塗抹、掃來掃去，
然後我們就將粉撲和化妝掃放在枱上，或插在筆筒中
長時間曝露在空氣的塵埃中，
第二天又抹/掃到臉上
暗瘡細菌、油脂及塵埃……. 混在一起…..>”<
想想就覺得可怕，這也是有些人不停長痘痘的原因！！！
所以，這次來跟大家分享一下我的洗撲及洗掃方法
清洗的過程不難，
但有些小地方要注意
早前我已拍過兩段video，分享過最簡單的兩個方法，
事實上，針對不同用途/掃毛質地，
礙於怕影片太長的關係，還有三個方法沒有拍…….. ヾ(`・ω・´)
這次就集結到同一篇文中，一併分享給大家吧～
洗粉撲的方法
無論是濕粉撲、碎粉撲，還是bb cushion盒內的那種粉撲，
洗的方法都一樣
方法在以下影片中
記得由頭到尾的動作都只可以按壓，不要”扭”或”捽”！
最好三、四天洗一次，
再懶也要一星期洗一次～～！
洗化妝掃的方法
對化妝掃稍有研究的都知道，
製成化妝掃的材質大致分為動物毛和人造纖維
而且根據不同的用途和骯髒程度，清洗方法也會有所不同
這樣聽起來可能有點複雜，
其實可分為四種方法
1.噴洗
對於不太髒的動物毛掃，例如眼影掃及一星期需要會洗一次的碎粉掃
可以快速用蘊含揮發性成分的清潔劑噴洗
我用的是:
(左) M.A.C Brush Cleanser
(右) Bobbi Brown Cleaning Spray
方法在以下影片中
緊記要有耐性，保持向順毛方向在紙上拖
一直拖至紙上不再有顏色出現，才可以停
2.濕洗(1)
呢個方法適合用黎洗d動物毛造ge大掃，例如胭脂掃、修容掃
要下圖呢類洗掃專用的清潔劑，或者溫和的中性洗頭水
我用的是Bobbi Brown Condition Brush Cleanser
如果揀用洗頭水洗，記得揀款質地無咁潤ge
咁樣洗完，d掃ge毛先會又乾爽又鬆身
Step 1: 首先裝水入杯度。
Step 2: 然後唧一d清潔劑或者洗頭水入去，輕輕攪勻
Step 3: 之後伸支掃入去係咁攪，攪幾下就可以見到d水變得混濁
Step 4: 攪到覺得支掃夠乾淨，就可以拎返出黎，係水龍頭下面沖返乾淨
要記得水位唔可以超過化妝掃的掃毛，因為掃毛根部有膠水，
如果整濕咗，洗完之後就會好易甩毛。
清洗時也要注意盡量唔好整濕筆桿與金屬的連接處，一樣有膠水
以免裡面d膠水溶解，令支掃洗完易甩毛/甩掃頭。
3.濕洗(2)
Step 1: 先將清潔劑或洗頭水唧係掌心
Step 2: 再將污糟嘅掃直接yum落去，係掃毛均勻沾上d清潔劑或洗頭水
Step 3: 然後係手心來回掃、同時壓下，等d化妝品溶返出黎
Step 4: 如果係洗大掃，d毛又有d打咗”click”的話，
就可以係呢個時候，用尖尾梳的尖尖，將打”click” 的部分輕輕挑返開
Tips: 記得動作要輕，挑之前要用另一隻手禁實掃毛根部，
然後逐少慢慢挑，唔可以貪快，唔係好易拉甩d毛
Step 5: 直到覺得d毛又順滑返，就可以去沖水
Step 6:
最後掠乾時，最好係垂直掠。但咁樣有d難，所以係屋企可以攤平放枱邊，等d掃毛係掠乾時唔會壓到變形。
或者如首圖般，將洗好的掃掠在盒邊也可～～^^
4.抹洗
最好這個方法是清潔唇掃專用的XD
因為唇膏及唇彩是重顏色又重油脂的產品，
若用水沖洗，往往難以洗乾淨
所以建議先以油溶油，先用潤唇油/凡士林將唇掃上的唇膏及唇彩溶出
再用清潔劑抹去潤唇油
Step 1: 先用紙巾將唇掃表面的唇膏或唇彩抹走
Step 2: 然後沾上大量潤唇油/凡士林
Step 3: 在乾淨的紙巾上不停順毛抹出剩餘的唇膏或唇彩，直至再抹不出任何顏色
Step 4: 直接在掃毛噴上清潔劑
Step 5: 在紙巾上將潤唇油/凡士林完全抹走
Step 6: 就可以將唇掃洗得好乾淨~!!!
上述數個洗撲洗掃方法，就是我至今嘅心得
有些是網上廣為流傳的正統方法，亦有兩、三個是我個人的方法
供大家參考～～^^
希望大家enjoy化妝掃及粉撲為我們化妝時帶來嘅便利之時，
也要記得定時為它們洗白白❤
