點解有另一半 都仲要打丁?

網誌

飯聚中,一位男性朋友同我哋講:「噚日同佢鬧咗交⋯⋯」

當我哋再追問原因,佢就有啲尷尬咁話,因為畀佢發現到打丁。

點解會被發現,唔係重點,同埋女人要知一件事嘅真相,有時第六靈感都會估得中。

重點係,佢女朋友好嬲,怪佢好唔尊重佢,點解有佢喺身邊,都要「做埋啲咁嘅嘢」。

在座嘅男性,當然深深咁了解同明白,而同枱嘅女性則對佢嘅另一半深表同情,好有共鳴。

於是乎,一場關於「點解有另一半 都仲要打丁?」嘅世界大戰、激烈討論,即將展開⋯⋯

女仔們佢哋話:「男朋友打丁會令佢哋唔開心,因為即係覺得自己女朋友好差,同埋打丁嗰陣通常都睇住呢樣嘢,自己又唔夠人靚身材又唔夠好,唔開心都好正常啫⋯⋯」

男方就反駁:「完全唔係咁,我哋打丁唔代表唔愛妳哋,或者將妳哋比下去,呢個係男人嘅浪漫,由細到大嘅習慣⋯⋯」

女方一聽到「男人嘅浪漫」就話:「又係呢啲藉口,咁我哋唔畀另一半打丁,都係女人嘅浪漫呀!」

其中一個女仔同我哋分享,話有次早返屋企,諗住畀個驚喜對方,點知一打開房門,就見到佢除晒褲,右手上下郁動,兩個人都好尷尬,而女方就嬲到喊出嚟,簡直覺得為佢哋嘅關係蒙上污點。

男方們就「唉」咗一聲,唔明點解要諗到咁複雜,男人老狗打個丁都要畀人管,唔係嘛⋯⋯

雙方爭持不下,男方最後解釋:「冇可能要男人唔打丁,冇可能呀!」而女方就結束討論:「咁你哋以後食自己啦!」

突然,雙方都望住我:「咁你又點睇呀,食咗咁耐花生唔出聲!?」

客觀啲咁講,我係一個男性,當然客觀唔到,但男人打丁,絕對唔代表唔鍾意妳,或者覺得妳好差,只係左右手嘅陪伴,點都耐過同妳一齊嘅時間,呢個係一個習慣。

不過,世界大戰,始終都會沒完沒了。

你可能也喜歡

Recommended