Hermes 不可能的任務: 一日買齊Birkin+Kelly [下]

網誌

上回說到: 我五月上旬到法國公幹,於Hermes空手而回;而六月初到巴黎公幹的家姐,卻於同一日之內於同一間店舖買了一個30cm Birkin 和一個28cm Kelly。

其實要買到是但一個,已是得來不易,還要是一次過買晒兩個,堪稱”不可能的任務”也。那”不可能”的一天是如此經過的~~

家姐一早十時正已到達Hermes總店,店還未開,她乖乖在門口排了廿五分鐘 ,排第二,店一開已有售貨員侍候,道明來意後,成功被帶上二樓開箱,買得一個30cm 橙色 Birkin bag。

30cm 橙色Birkin Euro 7,000 (約HK$61,174)

同日下午六時半又經過Hermes總店,見不多人排隊,便又再試試。
這次只排了十五分鐘,家姐親述過程: 「我排隊時,見個sales攞咗個橙色Tool Box 比個唔知係大陸定泰國嘅女人睇,個女人唔太鐘意,問sales有冇Kelly、Birkin或者Lindy,嗰sales話冇,乜都冇!到我果時個sales照例問我想要乜啦,有乜色唔要,我當時仲以為個sales只係造戲扮嘢問我,後來見佢攞住幾個盒同埋帶我上樓就知道有運行喇,通常Birkin 同 Kelly都唔會喺排隊嗰個area開箱!」

28cm Ruby Kelly Bag Euro 6,600 (約HK$57,678)

隨袋附送的raincoat 手袋雨褸。

至於「買Hermes」的幾項迷思,以家姐的經驗來解答一下。

1. 要著得靚靚、孭Hermes才能買到手袋嗎?
答: 「我朋友教我10am去排隊等10:30am開門,要攞住個Birkin or Kelly,仲要著得光鮮啊,咁我嗰日朝早咪照吩咐做啦,真係成功買到B袋喎,咁我都以為呢套真係work喎! 但夜晚個轉係途經嘅,只係著住普通T shirt加黑色legging,孭住Chanel袋仔加adidas鞋,咁又一樣買到Kelly,證明唔一定要著靚靚囉!」

2. 一早去等開門一定買到?

答: 「朝早買Birkin時,在門口排咗25分鐘,排第二,但排我前面嘅一對韓國籍夫婦,也想要Birkin和Kelly,卻甚麼也買不到,後來喺酒店再撞返佢哋,佢哋話總店買唔到,之後去咗第二間Hermes,反而買咗個35cm Birkin。」

3. 要買Hermes其他貨品才比買袋?
答: 「一開始是先買袋喎,佢肯賣Birkin比我,我先睇埋絲巾同Belt啫。買Kelly都一樣,confirmed買到Kelly,個sales先sale我其他嘢。」

4. 明明有貨都唔賣?
答: 「一定係啦,排我前面嘅韓國籍夫婦,咩都買唔到。排隊時明明聽到個sales話冇Kelly冇Birkin冇Lindy,到我就帶我上樓開箱,嗰sales仲話佢打開櫃桶全部都係橙色……..,即係櫃桶入面好多貨啦! 」

家姐總結賽果,結論是要成功買到Hermes,最緊要是—–「Luck」!!
家姐買到Birkin後,也多買了絲巾和Belt,但絕對不是買咗其他嘢先比買袋。

這個則是個Sales趁家姐買得Kelly後,心情還未平伏時借機推銷的,這個是甚麼? — 是「內袋」,即係將這個內袋放在Birkin 或Kelly 內用,以免弄花手袋。這個「內袋」盛惠 Euro350 (約HK$3,060)。
 

 

 

 

怎樣選擇Hermès保值手袋款?

說到名牌保值手袋,Hermès定是第一位!眾所周知「BCK」Birkin、Constance、Kelly最為保值,但原來選對Hermès保值顏色,不但不貶值,更令手袋升價十倍!「按二手轉賣價格最值錢的10種手袋顏色排行榜」當中,粉色系的手袋竟佔了排行榜的一半,即睇Hermès粉紅色手袋推薦。眾所週知Hermès一袋難求,有錢都未必買到,即睇港女分享Hermès配貨攻略

除了手袋外,有沒有其他Hermès產品推介?

投資手袋前可先入手名牌鞋,Hermès鞋是名牌入手單品之一,即睇Hermès鞋款10大推介。除此之外,HermèsLogo皮帶Hermès銀包都是名牌入門必買!

你可能也喜歡

Recommended