混.醬. — 搽麵包, 邊隻好?
早幾日介紹過花生醬其實不是壞蛋, 因為含豐富蛋白質之餘亦有不飽和脂肪, 好過牛油和朱古力醬.
除了花生醬, 其實仲有好多其他果仁醬, 今天行了一輪超市, 見到呢幾隻, 又為大家分析吓.
幾隻果仁醬 (杏仁, 核桃, 腰果, 碧根) 的營養價值差不多, 每2湯匙都有6-7克蛋白質, 多過一杯豆漿.
最低糖的是黑芝麻醬, 2湯匙是有0.09克糖.
至於椰醬, 就要留意成份, 用椰肉做的含有豐富纖維, 2湯匙有5克纖維, 多過一碗菜; 而用椰奶做的, 因為加了其他成份, 營養價值大打折扣.
總括而言, 純果仁醬 (即無添加糖) 都算是健康食物, 不妨用來搽麵包.
p.s. 最邪惡的醬要算是棉花糖醬, 2湯匙含0脂肪和0蛋白質, 但幾乎100%糖份. 食完會變 “捉鬼敢死隊” 嗰隻棉花糖鬼喔~~
