陳自瑤 YoYo 索爆人妻 三大Keep Fit 凍齡秘訣

Text: Kink Ng｜Edit: Francesca｜Photo: Instagram

幸福人妻 Yo Yo

老公王浩信近年人氣急升，作為背後的女人的YoYo，自然開心到不得了，Vincent 更說事業更上一層樓後想買樓送給老婆呢！

工作以外，Vincent和太太相當甜蜜，去年更跟各方好友一起慶祝和太太結婚4周年。而且每年對方生日，都會一齊慶祝！

索爆人妻Yo Yo

Yo Yo曾經講過：「女人真係唔可以懶架。」看到她的身形就完全能體會當中意思了！已經生了一個可愛女兒的YoYo 仲索過以前，真係令小編都自愧不如！

Keep Fit凍齡三大秘訣！

1.日日做運動（空中瑜珈、打拳、健身）

如果有追蹤Yo Yo Instagram，你會見到佢真係超勤力做運動，無論係空中瑜珈、打拳等各種健身運動，佢都會持之以恆咁做，仲不時有正能量金句鼓勵大家運動。
空中瑜珈對於本來少做動運嘅人，係入門減肥運動之一，可以鍛鍊核心肌群，可以伸展身體、訓練平衡和柔軟度，借助繩子力量做出高難度動作，亦可快速學習做出優美姿勢，不少女士玩過都會就上癮。持續練習可以塑造身型線條。大家睇下Yo Yo線條幾靚！
除左空中瑜珈，Yo Yo更愛打拳，她每天都會練習。正統泰拳訓練一小時就可消耗800至1,200千卡路里，每天堅持打拳，大量流汗，肯定會同脂肪講byebye！熱愛運動的Yo Yo鼓勵大家：「讓你倒下的，不是對手，而是你的內心！只有經歷最苦的堅持，才能擁有最長久的幸福！」所以要持續保持完美身材，肯定要吃少少苦頭。

不過最令人㵪慕是Yo Yo有老公和一班朋友陪做運動，有人陪自己做運動係一件好幸福嘅事，如果各位姊妹有熱愛做運動嘅朋友，可以約埋一齊做，咁樣做運動嘅動力會大好多，對於保持運動呢件事會變得積極！

2.日日敷Mask

乾性皮膚會令肌膚容易老化，所以保濕對女人嚟講好重要，擁有水潤嘅肌膚就喺維持青春嘅法寶，Yo Yo皮膚白滑秘訣，就係日日敷面膜，Yo Yo話：「其實想要有白滑的皮膚，我的秘訣就是天天敷面膜！」所以姊妹們，努力敷Mask就對了！不過小編提醒大家，要記住要慎選品牌，唔好亂用，唔係會搞到皮膚敏感。

唔只係屋企敷面膜，皮膚好似剝殼雞蛋咁靚嘅Yo Yo，素顏一樣無問題，除左係屋企勤敷Mask，佢一有時間，就會去做facial，幫肌膚深層護理。Yo Y說：「今天是「美容」天，去美容院做了保濕加美白facial ！yeah！真的變白又變水潤了！」各位姊妹，記得要皮膚好，係無得偷懶架。

3.經常做義工

相由心生，這是個永恆不變的道理，Yo Yo 35歲，已育有一女，仍然得天獨厚擁有一張孩子臉，除了她心境樂觀，常常發出正能量。她更經常做義工，對於特殊的孩子，她依然樂於親近。心地善良，樂於助人，愛笑的她，讓人看起來就是特別年輕，隨和。

各位姊妹要身材好、擁有童顏秘訣，就由今天起開始念：日日做運動，天天要敷Mask，經常做好事。大家加油吧！等著另一位暖男愛自己，對自己好吧！