小顏

必備美妝新品!令你秒懂化出3D 小顏 妝

護膚保養

香港首位獲取國際賽獎牌嘅女子花樣滑冰選手Maisy Ma馬曉晴早前為KATE Tokyo拍攝宣傳片,分享佢嘅堅毅不放棄嘅奮鬥歷程,用日本成語「七転八起」(意指跌倒七次,就要爬起八次,即係跌倒再多,最後都會爬返起)嚟形容佢就最適合不過。呢種女生已經令人覺得好型好靚,Maisy喺片中化咗今季最興嘅3D 小顏 妝,令輪廓更深更突出,仲流露出一份自然自信美添!你都想學嘅話,就要留意以下介紹,掌握簡單三步妝顏技巧,以後唔使再修圖或者做微調,就可以以最靚最立體嘅一面展示人!

Text:YY

(Presented by KATE)

第一步︰打造深邃立體大眼

打好底妝後,先著首透過彩妝重塑眼型。捨棄只用暗色修飾輪廓,而係配合珠光質感亮色,打造深邃立體嘅魅力大眼,而KATE進化升級版「3D棕影立體眼影盒N」正好係營造呢種眼妝嘅小幫手。先掃上棕色系漸層三色眼影,然後沿著眼骨形狀,掃上視覺立影粉,再於眼窩位輕掃一層新添加嘅古銅粉,無需繁複技巧,小小一盒有齊所需要嘅色調,利用陰影色與與珠光質感加強立體效果,電量十足嘅深邃立體大眼立即呈現!

第二步︰ 小顏 靠立體腮紅

腮紅即係胭脂,千祈唔好忽視,因為塗得啱不只令容貌增添氣色之餘,仲可以修飾臉型,令整體妝感更明亮而立體,若果畫錯咗臉型比例就無咁好睇啦!「3D明暗雙色腮紅」全四色,每盒深淺兩色配合全新雙用腮紅刷,簡單創造漸層。將腮紅刷打開掃上打亮色,廣泛掃於腮部增添肌膚光采,然後將腮紅刷合埋掃上光采色,柔霧質地集中刷喺腮部中央,做出立體紅潤 小顏 效果。

第三步︰展現迷人櫻唇線條

要知道今年秋冬嘅妝容趨勢重點就在唇部,一支好用顯色嘅唇膏絶對係錦上添花。KATE推出HD高畫質般嘅全新唇膏系列「高顯色映象唇膏」,輕輕一抹即高顯色服貼,化出令人難忘嘅雙唇,為立體妝容畫上完美句號。

Maisy喺片中分享佢嘅奮鬥歷程,仲以KATE最新秋冬妝品化咗個3D 小顏 妝添!想知有幾靚?快啲去片睇下啦!

你可能也喜歡

Recommended