睫毛液 防溶

蜜粉、風筒是「熊貓眼救星」!3招 睫毛液 防溶 妙法

護膚保養

曾經見過有個調查統計,睫毛液是都市女性3大必備快、靚、正 妝物之一,所以我相信大家化妝袋裏面一定會有一支防水眼睫毛液,而我更加相信大家一定會遇到覺得防水睫毛液唔夠防水,甚至乎會溶妝嘅問題,等化妝師 Echo Wong 分享3個 睫毛液 防溶 方法,就可以將屋企嗰支已經打入冷宮嘅睫毛液重新發揮到極致!

Text:Echo Wong| Edit: Quin | Photo : instagram

Echo表示要解決以上問題,一定要從化妝最根本入手,防水睫毛液最忌「油」,無論臉油、眼油抑或汗水都帶着有油份,以上種種都係防水產品嘅天敵。香港大多數女士都屬於混合偏油性肌膚,所以喺化妝時一定要做多啲重點嘅處理,以下呢三招絕對幫到你!

01|確保睫毛捲曲度 風筒代替電眼睫毛棒

外國人多數唔鍾意用「防水」睫毛液,因為天生睫毛夠晒捲曲,所以唔會出現睫毛下垂掂到眼皮油份導致溶妝嘅問題。所以同一個道理,我哋化妝前一定要確保睫毛夾得夠捲,而且要確保睫毛周邊位置要清爽。
做法:睫毛比較柔軟可以嘗試用風筒將睫毛夾增加微溫後使用,直接從根部用力夾實Hold住20秒,毋須擔心睫毛變成90度角太誇張,因為只要用埋睫毛液後,睫毛就會輕微下垂由90度角變成自然太陽花的狀態,仲可以改善睫毛柔軟平日夾唔捲嘅問題。

 

02|碎粉幫睫毛控油 增加睫毛濃密度

唔講唔知原來睫毛都會出油,特別係油性肌最為嚴重。碎粉除咗可以做底妝定妝之外,仲有好好嘅吸油功效。

做法:只需要捲眼睫毛之前輕印碎粉,就可以控油同時加強睫毛液的持久度。另外,國外時裝周化妝師都喜歡用碎粉增加睫毛濃密度,只需要搽完第一層睫毛液之後掃少少碎粉,之後再上第二層睫毛液,效果會比平時濃密一倍。

width=”1000″ height=”600″ />

你可能也喜歡

Recommended